4
Ve ma dzó ná,
é tám ñɔŋ tsígá a ngén mɔ́ŋŋ,
ăá selan ya oloá amvála enziŋ;
afáŋbɔ ná éñe a ne é mása byém bíse.
2 Fáve ná ñí a ne é mó bekabatás ya bebaale akúmm,
akekwíñ ané é tám éséá a ngá yáán dá kɔk.
3 Bía fe ntéññ mbɔ́ɔ́,
éyɔŋ bí mbé bɔ́ŋŋ,
bí mbé bí tsií ané aloá ná bía séan ya metáraga mé ámemámm méye éniŋ dzí.
4 Ve niané e ngá bɔ ná tám eé kɔk yaá,
ané Nzamá a ngá lóm é mwán weñ,
a byála ébe miningá,
a byála fe á nkɔɔ́ métsiŋŋ ásí;
5 á mfá ye ná á koro ébá bé mbé édzwée ye á nkɔɔ́ métsiŋŋ ásí,
ná bí ñɔŋ etɔɔ́ bwán.
6 Dá é tɔɔ́ ná míní ne bwán,
édɔ Nzamá a ngá lóm ya dɔ á milém myea Nsísim é mwán weñ,
éwɔ wá yónán ná,
Ábba!
Á Tará!
7 Édɔ ná,
o sés fe oloá,
fáve mwán.
Ngé wa o ne mwán,
Nzamá ñí a bɔ yaá fe wa ñɔŋ tsígá [ébe Kristo].
Kaa ábúlán á nkɔɔ́ métsiŋŋ ásí
8 Ve ébe é tám ómvús,
éyɔŋ míní mbé kaa áyem Nzamá,
míní tɔɔ́ aloá,
míní ngá séan ya é byém ntélán weba bí sés benzamá.
9 Ve éndagá,
mína míní ŋga yem yaá Nzamá,
ádaŋdaŋ ná,
Nzamá á ŋga yem yaá mína.
É ne bɔ á yá ná mína bera búlán ébe metáraga mé ámemámm mé ne mitéteák ya kaa eban?
Ye ná mína kómo bera veŋan aloá?
10 Mína baale mingúrá mí mos,
ya mingúrá mengwan,
ya mingúrá metám méye mibú.
11 Ma kɔ wɔŋŋ ya mína ná,
tám enziŋ éséññ me ngá bɔ énzénzaŋ denan,
dá súgan kaa eban.
12 Á bɔbédzaŋ,
ma dzaa mína engóngɔ́ɔ́ ná bɔgán ané ma,
amvála ané ma me ngá bɔ fe ané mína.
Míní ndzí ma bɔ dzam enziŋ ye é ne abé;
13 ve mína yem ná ákála okwann ye ó ñúu,
édɔ me ngá kat mína ya dɔ mbamba fwéñ éyɔŋ ósúá.
14 Éde afáŋbɔ ná ndzuúk ye ó ñúu wɔm ó ngá kyak mína,
mína míníí ndzí ma byana ngé ki átep ma,
ve mína mínaá ñɔŋ ma ané ángel Nzamá,
amvála ané Kristo Yesus.
15 Édɔ ná,
mésán menan míní mbé míní belé,
mé ne ó vé?
Ma ma vé mína ngañiá ná,
ngé é mbé bɔban,
ngé mína fon é mís menan ná mína kee ma mɔ.
16 Ye ná ma me súgan yaá veŋan nzínzíŋŋ wenan ákála ákɔ́bɔ mína bébélá?
17 Bé belé ya mína abéánn,
ve se á mfá mvéáñ;
fáve ná bá kómo mína vea ébe bía á mfá ye ná,
ébɔ́ míní belé ya bɔ́ abéánn.
18 E ne fá mbamba dzam ná mot á lére abéánn tám áse ébe é dzam é ne mvéáñ,
se fáve éyɔŋ me ne bíabe mína.
19 Á é bwán bam ébá ma bera dzuk ya mitéñ mí myeé,
akekwíñ ané mína sian beñá bot ébe Kristo.
20 Me ne dziŋ ma tɔbɔ bíabe mína áwola dí ébyen,
ó véa me tsén kíŋŋ;
amú ná me bíra yaá nzaman ákála denan.
Agar bá Sara
21 Mína é bot mína kómo tɔbɔ á nkɔɔ́ métsiŋŋ ásí,
katgán ma,
nde mínăá béá édí nkɔɔ́ métsiŋŋ wá dzó?
22 Akála e ne ntsilann ná,
Abraam a mbé a belé bwán befám bé beáñ;
mbɔ́ɔ́ é mwán oloá miningá,
éñí mbɔ́ɔ́ ñí ya éñí filí miningá.
23 Édɔ e ne ná é mwán oloá miningá,
aá byála amvála ané mot binam a ne.
Ve éñí filí miningá,
ñí aá byála ané ngaá e ne.
24 Mam méte mé belé efonann enziŋ ébe mélú má nzu.
Amú ná ébá béte bé ne bilat bí beáñ.
Evɔ́ɔ́,
édí ye á nkoó Sinaí,
dá byéñ bwán á mfá áloá;
éñí te éñe a ne Agar.
25 Éde véa Agar éñe a ne nkoó Sinaí Árabia;
éñe fe a ne é Yerusalen a ne áwola dí,
amú ná a ne étɔɔ́ óloá bábe é bwán beñ.
“Á wa,
ekom miningá,
laagé ya mesán,
éñí ăá bé byéñ,
éñí eé ndzí wók mitéñ mi myeé
lɔ́ŋŋe oyéŋá.
Amú ná é bwán é miningá bé ngá lama,
ébɔ́ bé ne abwiññ álot ébá éñí á mbé ya nnóm.”
28 Ve,
á bɔbédzaŋ,
amvála ané Isaak,
míní ne bwán béye á ngaá.
29 Ve ntéññ mbɔ́ɔ́ fe tám te,
amvála ané mwán ye ábyálá ébe mot binam a ngá dzéŋ mwán ye ábyálá ye á Nsísim ásí,
ntéññ mbɔ́ɔ́ fe dá bɔban áwola dí.
30 Ve Ntsili wá kɔ́bɔ á yá?
“Weagé oloá miningá bá é mwán weñ átán.
Amú ná é mwán óloá miningá ăá ye ñɔŋ tsígá tám enziŋ bá é mwán miningá filí.”
31 Édɔ e ne ná,
á bɔbédzaŋ,
bí sés é bwán óloá miningá,
fáve ébá miningá filí.