Miyénánn ya miléránn míye á Nsísim
12
Éngúŋ dá yian;
ve é sés ya abúánn;
éde ma ye sian ébe míyénánn ya fe míléránn mí mam Ntí.
2 Ma yem mot enziŋ ébe Kristo é lot yaá awóm mibú ya mibú mí nii (ngé é ñúu ñí,
ngé ki se é ñúu ñí,
măá yem,
Nzamá éñe aa yem dɔ);
mot te bá bɔ́mɔ ñí bé kéñ kwíñ ya ñí é dzóp léa.
3 Éde,
ma yem amvála mot te (ngé é ñúu ñí,
ngé ki se é ñúu ñí,
măá yem,
Nzamá éñe aa yem dɔ),
4 ná bá bɔ́mɔ ñí bé kéñ kwíñ ya ñí á Paraíso,
ané a ngá wók bífíá bé sés kúlu ánu,
ébí băá lík mot ná á kɔ́bɔ byɔ.
5 Ébe amvála mot te,
ma ye vága ya ñí,
ve ébe á mfá wɔm,
măá ye vága,
fáve ébe é mam mé ne ateák.
6 Amú ná ngé ma kómo vága,
măá ye veŋan okúkút mot,
akála ná ma ye kɔ́bɔ bébélá;
ve ma dzip dɔ mámyen,
á mfá ye ná mot enziŋ á nza tém ébe ma álot ábímm aa yén ngé ki áwók.
7 Éde á mfá ye ná me nza bére mámyen ó yóp akála bora biyágán míléránn mí mam,
dzam te édɔ,
bá bem ma dɔ ya nsɔŋ ó ñúu,
nkat fwéñ Sátan aa bɔ eé bími ma,
á mfá ye ná me nza bére mámyen ó yóp.
8 Ébe dzam te,
me dzaa yaá Ntí táŋ biyɔŋ bí léa ná,
á vea ma dɔ.
9 Éde ñí a dzó yaá ma ná:
“É mvɔmm dam da yian ya wa;
amú ná é nguu dam da tɔbɔ fá ndzálánn áteák été.
Éde dzam te édɔ ya ededea mesán ma ye vága ébe é mam me ne ya mɔ ntéteák,
á mfá ye ná é nguu Kristo eé berebe ma áyóp.
10 Édɔ ná ma sán ébe é mam mé ne ya mɔ ntéteák,
ébe nkɔ́bán abé,
ébe ndzéŋŋ mam,
ébe ndzéŋán bot ásí,
ya fe ébe éywiññ á mfá Kristo;
amú ná éyɔŋ me ne ntéteák,
véa éñe me ne ewólo mot.
Pablo bábe ékóánn bebwíni ye á Korinto
11 Éde,
me veŋan yaá okúkút mot;
mína míní ngá tsíni ma dɔ.
Amú ná mína míní ngá yian ma sák.
Akála ná ébe dzam enziŋ meé ndzí bɔ omomot enziŋ á mfá bora bé baapostol,
afáŋbɔ ná me sés dzóm enziŋ.
12 Ve,
méndem mé ápostol maá léreban énzénzaŋ denan été ya edzíp ése,
ébe ya mendem,
ya biyágán bí mam,
ya fe ébe mam mé ne nguu.
13 Amú ná,
ébe nzá dzam bá belan ya mína ané mínăá daŋ ya eban énzénzaŋ bíkóánn bebwíni bivɔ́ɔ́?
Nde se fáve édí ye ná mámyen meé ndzí mína bɔ mbaga?
Dzwiigán ma ébe evuzá te!
Ékena léa Pablo
14 Túgán ma béá,
éyɔŋ léa édɔ dí ná me ntɔɔ́ nkomann ná ma nzu ébe mína,
éde ná,
măá ye mína bɔ mbaga;
amú ná măá dzéŋ édí é ne éedenan,
fáve ná mína ma dzéŋ.
Akála ná bwán bĕé belé mbaga ye ákóán byém á mfá beéséá,
fáve ná beéséá á mfá bwán.
15 Ve ma,
ya ededea mesán ma ye dzímle áandam,
atwaa ma ye bíra dzímle mámyen ákála bíniŋ byenan.
Ngé ma bíra mína dziŋ,
ye ná bá ye ma dziŋ avítsaŋ?
16 Ve,
é ntɔɔ́ néa,
ma meé ndzí mína bɔ mbaga;
fáve ná,
me tɔɔ́ mot mekeŋŋ,
me dzili yaá mína ya meduk.
17 Ye ná me duan yaá mína ébe mot mbɔ́ɔ́ ye ébá me ngá lóm mína?
18 Maá bíra dzaa Tito,
me lóm fe mwadzaŋ bá ñí;
ye ná Tito aá duan mína?
Ye ná bíí ndzí wulu ya nsísim mbɔ́ɔ́ ya fe bibɔ́gá mébɔ bivɔ́ɔ́ ya bivɔ́ɔ́?
19 Mína tém ná é tám ñí ése,
bí mvá kam ya bía bébyen ébe ású denan.
Ve ósú Nzamá éñe bía kɔ́bɔ ébe Kristo;
éde ná,
á mindzindziŋŋ myám,
mam mése mé ne á mfá ávé mína nguu á nlém.
20 Amú ma kɔ wɔŋŋ ná tám enziŋ éyɔŋ ma ye nzu,
mé bɔ kaa ákoan ya mína ámvála ma kómo,
mína míní bɔ fe kaa ákoan ya ma ámvála mína kómo;
a ne bɔ tám enziŋ,
mitéé,
ya evínn,
ya olúnn,
ya nkánán mengamm,
ya ávé éyola abé,
ya miswa,
ya ábɔ engúŋ,
ya nzamzámánn,
ná bí ne;
21 ya fe ná,
é tám ma ye bera sian,
é Nzamá wɔm ñí á sili ma ósí ébe ású denan,
véa mé ŋga tɔbɔ ya meyep ákála abwiññ bot é tára yaá mana bɔ nsémm,
ébɔ́ kaa ádzoban ébe mvin,
ya nsémm eveák,
ya nwulann tugá,
ébe ébí bé bɔ yaá.