Dággé,

áwola dí édɔ é ne é tám dá yian;

dággé,

áwola dí édɔ é ne mos ye ákoroga!

3 Bía kaa ávé mot enziŋ dzam ye ákɔp obaá,

á mfá ye ná éséññ Nzamá é nza yéne ya meku.

4 Fáve ná bía lére édí bía bébyen ébe dzam ése ané bevwála bíséññ;

ébe abwiññ edzíp,

ébe midzuúk,

ébe ndzéŋŋ mam,

ébe eywiññ,

5 ébe biyíra,

ébe ntɔbán á mbok,

ébe nzamzámánn mam,

ébe biséññ,

ébe ntɔbán evévéñ,

ébe nkián bidzí ngúrá tám;

6 ébe nlém mfúbánn,

ébe nyemann,

ébe ánzomo mam,

ébe esós,

ébe á Mfúfúp Nsísim,

ébe édziŋŋ é ne kaa meduk,

7 ébe á nkɔ́bán bébélá,

ébe é nguu Nzamá;

ya fe ébe byém melúmán bíye á nzósoó á mfá meyóm ye á mfá meyéá;

8 ya ébe á ngaŋŋ ya á mvyan,

ya ébe á mbéa ewógá ya á mbamba ewógá;

amvála ané beduk bot,

ve bébélá bé bot;

9 amvála ané ébá bot bá dzími,

ve ébá bot bá túga yem;

amvála ané biwúwúa,

ve dággán ná bía bí ne betétéá;

amvála ané beñɔŋ mekira,

ve bá kaa bía áywíñ;

10 amvála ané ébá bé tɔɔ́ eywiññ,

ve bía bí ne ya mesán tám áse;

amvála ané mitétéññ,

ve bíí bɔ abwiññ bot ná é belé abwiññ;

amvála ané bĭí belé dzóm enziŋ,

ve bía bí belé ásesé.

11 Á bot béye á Korinto,

ánu dea é yɔ́ŋbe yaá ébe mína,

bí yɔ́ɔ yaá fe mína nlém wea;

12 bĭá bé mína ñím édziŋŋ dea,

fáve ná mína fá míní ñím yaá mína bébyen edziŋŋ.

13 Éde amvála te fe avɔ́ɔ́ ya avɔ́ɔ́,

(ma kɔ́bɔ ya mína ané bwán) mína yɔ́ɔgán fe bía mílém myenan.

14 Míní táa tsinan fálara mínabe ébá bé ne kaa ábwíni,

amú ná nzá angɔmm nzósoó a belé bá ekúkwát?

Ngé ki ná,

nzá awókgán eyéá é belé bá dzibi?

15 Dzé ki bé belé fufúlu Kristo bá Sátan?

Ngé ki ná,

nzá ngap mbwíni a belé bá é mot a sés mbwíni?

16 Dzé bé belé fufúlu é templo Nzamá bábe biyemá?

Amú ná bía bí ne é templo é Nzamá a ne ntétéá;

amvála ané Nzamá a ngá dzó ná: