Bí belé é ndá e ne mbéámbéá á dzóp été
5
Amú bía yem ná éyɔŋ é ndá dzea ye é sí ñí,
éñí e ne étɔbɔga dea ñí,
ngé e tsam,
bí belé ndá ébe Nzamá;
éñí e ne mbéámbéá á dzóp été,
e tɔɔ́ kaa nlóŋán ya mó mé bot.
2 Amú dzam te fe bía kɔŋle,
bíí kómo tɔbɔ mbwátán ya étɔbɔga dea ye á dzóp été,
3 éde ngé bá ye koan ya bía mbwátán,
bĭá ye tɔbɔ swéñ.
4 Amú ná bía é bot bí tɔɔ́ é ndá ñí,
bía kɔŋle ya ndzálánn ya midzuúk.
Amú bĭá kómo bɔ kaa átɔbɔ mbwátán,
fáve ná átɔbɔ mbwátán,
á mfá ye ná éwúwúa ñúu dí,
eniŋ é min dɔ.
5 Éde éñí a koman yaá bía á mfá dzam te a ne Nzamá,
éñe fe a vé yaá bía Nsísim ané ébánn é ne é ngap ósúá.
6 Ya dzam te bí tɔɔ́ ya mebúnn eyɔŋ ése ná,
bíí yem ná ntéññ bí ngén bí tɔɔ́ é ndá ye é ñúu ñí,
bíabe Kristo bĭá bé tɔbɔ vóm mbɔ́ɔ́.
7 Amú ná bía niŋ ya mbwínánn,
se ákála nyénánn;
8 ve bí tɔɔ́ ya mebúnn,
bía daŋ fe yén mvéáñ ná,
bí bɔ kaa átɔbɔ ébe é ndá ye é ñúu ñí,
ná bí ke tɔbɔ fufúlu bíabe Ntí.
9 Ya akála te édɔ fe,
bía dzéŋ ná,
ané bí ne kɔɔ́ ngé bí ne ki,
bí vé ñí mesán á nlém.
10 Amú dá yian ná,
bía bésesé bí ke tébe ébe ású étɔɔ́ nkíkgán misaŋ Kristo,
ná kada mot á ñɔŋ é máán má yian ya ñí ébe míbɔann a ngá bɔ é tám a mbé a tɔɔ́ é ñúu ñí,
ané mvéáñ,
ané abé.
Fwéñ ye á mvwaá
11 Éde,
dá é tɔɔ́ ná bía yem é wɔŋŋ Ntí,
bía dzéŋ ná bot bé yébe Ntí;
ve ébe Nzamá bía bí léreban yaá,
me tɔɔ́ fe ya mebúnn ná bía bí tɔbɔ fe nléránn ébe ásímánn ye á mílém denan.
12 Bĭá bera mína lére nkyabán bía bébyen,
fáve ná bía vé mína afóo ná míní vága ákála dea,
á mfá ye ná míní belé eyalann ébe ébá bá vága ya é mam má yéne ya mís,
ve se ákála édí ye á nlém été.
13 Amú ná ngé bí ne kaa kén,
é ne á mfá Nzamá,
ve ngé bí ne ya kén,
é ne á mfá wenan.
14 Amú ná édziŋŋ Kristo dá dzwée bía,
éde bía biñ nkíkgán wí ná,
mot mbɔ́ɔ́ éñe a ngá wú ákála bot bése,
véa bot bése bá bé ngá wú fe.
15 Éde a ngá wú ákála bot bése,
á mfá ye ná ébá bá niŋ,
bé sés niŋ á mfá bébyen,
fáve á mfá éñí a ngá wú,
a wómo fe ákála deba.
16 Édɔ é ne ná,
atéé ye áwola dí,
bĭá yem mot enziŋ ya nyemann mot binam,
atwaa ngé bí yem yaá Kristo ané mot binam,
áwola dí bĭá yem fe ñí néa.
17 Akála dzam te,
ngé mot enziŋ a ntɔɔ́ ébe Kristo,
a ne mfefeñ mvelann mot,
miyomm mí mam mí lot yaá;
éndagá mam mése mé ntɔɔ́ mifefeñ.
18 Ve édí te ése,
dá sɔ́ ébe Nzamá,
éñí émyen a ngá kom ókaŋŋ bíkwan bíabe bɔ́ ébe Kristo,
ané a ngá vé bía eséññ ye á nkómánn ókaŋŋ bíkwan;
19 dá yíli ná,
ébe Kristo,
Nzamá émyen a ngá kom ókaŋŋ bíkwan bá eniŋ ngúrá,
éñe kaa áláŋ bot mítsamann metsiŋŋ myeba,
éde a kee yaá bía nkatann fwéñ ye á nkómánn ókaŋŋ bíkwan.
20 Édɔ ná,
bí ne ébá bá kɔ́bɔ éveŋ Kristo;
amvála ané,
ngé ébe bía,
Nzamá aa lép mína ná,
ébe éyola Kristo,
bía dzaa ná,
komŋán ókaŋŋ bíkwan mínabe Nzamá.
21 Éñí eé ndzí yem nsémm,
ákála dea Nzamá aá bɔ ñí nsémm,
á mfá ye ná bí ne bɔ é nzósoó Nzamá ébe éñe.