11
Beegán éfonann dam,
amvála ané ma ma bee édí Kristo.
Bebwíni bá kóán
2 Ma sák mína,
ná ébe dzam ése mína síman ma,
mína baale fe meyágalé tételé ámvála me ngá lére mína mɔ.
3 Ve,
ma kómo ná míní yem ná Kristo éñe a ne nló fám óse,
nló miningá éwɔ wá ó ne fám,
nló Kristo éwɔ wá ó ne Nzamá.
4 É fám ése da búru nló éyɔŋ aa yaglan,
ngé ki éyɔŋ aa kúlu medzó,
da vé nló weñ osoán.
5 Ve,
é miningá áse ñí aa bɔ kaa ábúru nló,
éyɔŋ aa yaglan,
ngé ki éyɔŋ aa kúlu medzó,
aa vé nló weñ osoán;
amú ná a ne ntéññ mbɔ́ɔ́ amvála ané éñí nló ó ne ntwíññ.
6 Amú ná,
ngé miningá ăá búru nló,
á kíkge esií;
ve ngé é ne miningá osoán ná aa kík esií,
ngé ki ná á keŋban ntwíññ,
á búrugé nló.
7 Ngúrá mfá,
fám dăá yian búru nló,
akála ná édɔ e ne éfonann ya é dúmá Nzamá;
ve mfá mbɔ́ɔ́ miningá éñe ñí a ne é dúmá fám.
8 Amú ná fám dăá sɔ́ ébe miningá,
fáve ná miningá éñe aa sɔ́ ébe fám;
9 ngé ki ná béé ndzí vele fám akála miningá,
fáve ná miningá éñe baá vele akála fám.
10 Akála te édɔ miningá aa yian belé ndem nguu edzwée á nló áyóp,
akála baángel.
11 Ve déá ébe Ntí,
miningá a sés kaa fám,
fám da e sés ki kaa miningá.
12 Amú ámvála é ne ná miningá aa sɔ́ ébe fám,
amvála te fe édɔ fám da da sɔ́ ébe miningá,
ve byém bíse byá byá sɔ́ ébe Nzamá.
13 Mína bébyen kíkgán nsaŋ:
Ye dá yian ná miningá á yaglan ya Nzamá kaa ábúru nló?
14 Nde ntélán mam óbyen wăá yágale mína ná,
ngé fám da yála esií,
é ne dzam mvyan á mfá weñ.
15 Ve ngé miningá ñí a belé eyála esií,
dá é ne ñí dúmá.
Amú ná bé vé yaá ñí esií éyian ebúruga.
16 Ve ngé mot enziŋ aa kómo bɔ mbɔ bisó,
bía bĭí belé amvála fúlú te,
ngé ki bíkóánn bebwíni Nzamá.
Nkánán Mengamm éyɔŋ bá kóán á mfá ádzí bidzí Ntí
17 Éde,
éyɔŋ ma mánan mína é mam má,
măá sák mína;
amú ná ékóánn denan é sés á mfá ye édí dá daŋ ya mvéáñ,
fáve á mfá ye édí é ne mbéa dzam.
18 Édí ósúá,
ma wók fá bá kɔ́bɔ ná,
éyɔŋ mína kóán ané ekóánn bebwíni,
mikánán mí ne énzénzaŋ denan été;
éde ná ngúrá mfá,
ma bwíni dɔ.
19 Amú dá yian ná mengamm ya mengamm á nyébé mé bɔ énzénzaŋ denan été,
á mfá ye ná ébá Nzamá aa kyaba bé léreban énzénzaŋ denan.
20 Édɔ é ne ná,
éyɔŋ mína kóán,
édí te é sés á mfá ádzí bídzí Ntí;
21 amú ná éyɔŋ mína dzí,
kada mot aa tára twáa bídzí byeñ émyen,
éde ná ngúrá mot weé lígi wá wók nzeñ,
éñí mbɔ́ɔ́ ñí á ŋga fían.
22 Éde á yá?
Nde mínĭí belé mendá á mfá ádzí ya áñú?
Ngé ki ná,
ye ékóánn bebwíni Nzamá édɔ mína byana ya álére fe é bot bé ne kaa dzóm osoán?
Ma ye mína dzó á yá?
Ye ná ma ye mína sák?
Ébe édí te,
măá ye mína sák.
23 Amú ná maá ñɔŋ ébe Ntí édí me yágale yaá fe mína ná,
álú bé ngá kuan Ntí Yesus,
aá ñɔŋ mfémm,
24 niané a ngá mana vé akíba,
éde a ngá bák wɔ́ eé dzó ná:
“É ñúu dam é ne á mfá wenan,
édɔ ñí;
bɔgán é dzam dí á mfá ásímánn ma.”
25 Éde niané bé ngá mana dzí,
amvála te fe avɔ́ɔ́ ya avɔ́ɔ́ a ngá ñɔŋ kɔ́p,
eé dzó ná:
“É kɔ́p ñí édɔ e ne mfefeñ elat ébe mekií mam;
bíyɔŋ bíse mína ñú dɔ,
bɔgán dɔ á mfá ásímánn ma.”
26 Amú ná bíyɔŋ bíse míní ne dzí mfémm wí ye áñú é kɔ́p ñí,
áwú Ntí édɔ mína kat fwéñ akekwíñ é tám aa ye sɔ́.
Ádzí bídzí Ntí ámvála é ne kaa áyian
27 Édɔ é ne ná,
éñí aa dzí mfémm ngé ki ná aa ñú é kɔ́p Ntí ámvála é ne kaa áyian,
aa ye ñɔŋ meku ébe é ñúu ya mékií Ntí.
28 Éde,
kada mot á táragé fas émyen,
véa,
á dzá mfémm,
á ñá fe kɔ́p.
29 Amú ná éñí aa dzí ye áñú,
kaa átára ñú táŋ ná é ñúu Ntí édɔ ñí,
mot te aa dzí ye áñú méku meñ émyen.
30 Ya akála dzam te édɔ énzénzaŋ denan été é ne ya abwiññ mítéteák ya mikúkwann,
abwiññ dá é ntɔɔ́ fe óyó [nwúán].
31 Ve,
ngé bí tára kík bía bébyen nsaŋ,
véa băá ye fe bía kík misaŋ.
32 Ve éyɔŋ bá kík bía misaŋ,
Ntí aa vé bía akira,
á mfá ye ná bí nza ñɔŋ meku nsámá mbɔ́ɔ́ ya éniŋ dzí.
33 Édɔ ná,
á bɔbédzaŋ,
é tám mína kóán ná mína dzí,
áyananán bevɔ́ɔ́ ya ébá bevɔ́ɔ́.
34 Ngé mot enziŋ aa wók nzeñ,
á dzá é ndá dzeñ,
ná míní nza kóán á mfá nkíkgán misaŋ.
Éde,
é mam mése mevɔ́ɔ́ ma ye mɔ kom éyɔŋ ma ye sɔ́.