Adzó Nsémm eveák
5
Bébélá,
é wók yaá ná énzénzaŋ denan é ne ya nsémm eveák;
ámvála nsémm eveák te dá é sés ki atwaa énzénzaŋ bot béye meyɔŋ mefé été,
akekwíñ ná mot enziŋ a belé ngéá éséá.
2 Éde mína míní ŋga dzéñ yaá engúŋ,
ye ná mína míní yian tɔbɔ ya meyep,
ná bé tsílán ya é mot a bɔ yaá dzam te énzénzaŋ denan?
3 Amú ná ngúrá mfá,
me tɔɔ́ kɔɔ́ ébe mína,
ve mfá mbɔ́ɔ́ ma me tɔɔ́ nsaŋann osímánn bíabe mína,
me kík yaá éñí a bɔ yaá dzam te nsaŋ ané me ne.
4 Ébe éyola Ntí wea Yesus,
é tám míní kóán yaá,
véa ma me tɔɔ́ nsaŋann osímánn bíabe mína,
ya é nguu Ntí wea Yesus,
5 keegán Sátan mot te,
á mfá ye ná á tsam é ñúu deñ,
ná ngé nsísim weñ wá ó ne tɔbɔ nkoránn é mos Ntí.
6 Éngúŋ denan é sés mvéáñ.
Ye mínăá yem ná oyomm levadura wá vúza ntsura ngúrá?
7 Vwéñŋán nnomm levadura,
á mfá ye ná míní bɔ mfefeñ ntsura,
amvála ané míní ne dɔ,
kaa levadura;
amú ná Kristo,
é Paskua dzeá,
bé kík yaá ñí ané metúnŋa.
8 Édɔ é ne ná,
bí táa dzémle fét ya nnomm levadura,
ngé ki levadura ye á mbéa nlém ya ekúkwát,
fáve ná ya mífémm mí ne kaa levadura,
émí mí ne bébélá ya fe kaa ayeŋŋ.
9 Ébe é kálara wɔm,
maá tsili mína ná míní táa saŋan ya bebɔ nsémm eveák;
10 meé ndzí dzó ya bebɔ nsémm eveák béye é sí ñí,
ngé ki ébá bé ne oyéá byém,
ngé mimvomvóó,
ngé bekaŋ biyemá;
amú ná ngé néa,
é ngá ye yian ná míní kólo é sí ñí.
11 Ve éndagá,
me tsili yaá mína ná míní táa wulu esaŋann mínabe mot enziŋ ye ébá bá yoban ná mbwíni,
véa ñí a tɔɔ́ mbɔ nsémm eveák,
ngé ki é mot a ne oyéá byém,
ngé nkaŋ biyemá,
ngé nkɔ́bɔ bot abé,
ngé mfían meywa,
ngé ki mvomvóó;
atwaa bidzí byá míní táa ki dzí fufúlu mínabe amvála mot te.
12 Éde,
amú dzé fá ma kík bot béye átán misaŋ?
Nde mínăá kík ébá bé ne mína été misaŋ?
13 Ve,
Nzamá éñe aa kík ébá béye átán misaŋ.
Tsílágán ya ekúkwát mot énzénzaŋ denan été.