Nzamá éñe a ne nkík misaŋ
4
Édɔ ná mot áse á ñɔŋŋe bía amvála ané bévwála Kristo ya bébaale béye é mam má nzaman kén mot ébe Nzamá.
2 Édɔ ó véa,
bá yana ná bebaale bé koan ya bɔ́ ná bé ne é bot bá tɔbɔ ya bɔ́ mebúnn.
3 Éde,
á mfá wɔm é ne ma odzedzam ná mína míní kík ma misaŋ,
ngé ki ékóánn enziŋ efé bot bá kík misaŋ;
atwaa mámyen ma măá kík ki mámyen misaŋ.
4 Amú ná,
mĕé belé dzam enziŋ ósímánn wɔm ná dá bwaale ma,
se dzam te ki dá tɔɔ́ ma nzósoó;
ve Ntí éñe aa kík ma misaŋ.
5 Édɔ é ne ná,
míní táa kík nsaŋ kaa ná tám eé kwíñ,
akekwíñ ané Ntí aa ye sɔ́,
éñe fe aa ye kúlu éyéá é mam mé ne ásweññ ó dzíbi ósí,
ya kúlu fe éyéá é mam bot bé mana yaá lám mílém été;
véa éñe kada mot aa ye ñɔŋ ólugú weñ ébe Nzamá.
6 Ve,
á bɔbédzaŋ,
me lére yaá mámyen bía Apolos ané efonann ye é mam má ákála denan,
á mfá ye ná míní ñɔŋ ayágalé ébe bía ná míní bɔ kaa ádaŋ áyóp ébe édí é ne ntsilann,
á mfá ye ná mot enziŋ ye ébe mína á bɔ kaa ábɔ engúŋ mbɔ́ɔ́ ébe éñí mbɔ́ɔ́.
7 Amú ná,
nzá aa vé wa nzelann?
Dzé o belé ná weé ndzí ñɔŋ?
Édɔ ná,
ngé waá ñɔŋ dɔ,
amú dzé wa bɔ engúŋ amvála ané weé ndzí dɔ ñɔŋ?
8 Míní dzeñ yaá,
míní ntɔɔ́ fe mikúkúmm,
mína míní ŋga dzwée yaá kaa bía;
ngwáa ngé míní ŋga dzwée yaá fá,
á mfá ye ná bía bí dzwée fe fufúlu bíabe mína!
9 Amú ma tém ná Nzamá a téle yaá bía á mvús,
bía baapostol,
ané ébá bé kík yaá ná bá ywíñ,
bí ntɔɔ́ fá ané ébá eniŋ ngúrá dá yén,
ané baángel ané bot.
10 Ébe Kristo,
bía bí ne akúkút,
ve mína míní ne ya nkée ébe Kristo;
bía bí ne mitéteák,
ve mína míní ne mingungúú;
mína míní ne ya ŋgaŋŋ,
ve bía bí ne kaa ngaŋŋ.
11 Anzukwíñ éyɔŋ dí,
bía wók nzeñ ya evéé,
bí ne swéswéññ,
bá yít bía,
bĭí belé etɔbɔga,
12 bía dzuk ya biséññ ya é mó mea;
éyɔŋ bá tea bía,
bía vé abwará;
éyɔŋ bá dzéŋ bía ásí,
bía bía nzomo dɔ.
13 Éyɔŋ bá vé bía eyola abé,
bía bía dzaa mvwaá;
anzukwíñ áwola dí,
bí veŋan yaá ané mbíán ye éniŋ ngúrá,
mébukga bot bése.
14 Măá tsili mína é mam má á mfá álére mína osoán,
fáve á mfá álép mína ané míndzindziŋŋ mí bwán myám.
15 Amú ná atwaa míní ne fáŋ belé awóm binzuk beyágale ébe Kristo,
ve mínĭí belé abwiññ beéséá,
ma fá maá byéñ mína ébe Kristo Yesus ébe nkatann mbamba fwéñ.
16 Édɔ é ne ná,
ma lép mína ná míní nzu bɔ ébá bá vú ma.
17 Akála te édɔ maá lóm mína ya dɔ Timoteo,
éñe a ne ndzindziŋŋ mwán wɔm má tɔbɔ ya ñí mebúnn ébe Ntí,
éñe aa ye mína síman ménzenn mam ébe Kristo Yesus,
amvála ma vé ayágalé ébe kada ekóánn bebwíni ébe mevóm mése.
18 Éde bot benziŋ bé ŋga bɔ yaá engúŋ amvála ané ngé măá ye nzu ébe mína.
19 Ve avítsaŋ tám ma ye nzu ébe mína,
ngé Ntí aa kómo,
véa éñe ma ye yem,
se nkɔ́bɔ é bot bá bɔ engúŋ béte,
ve é nguu deba.
20 Amú ná édzwée ngɔ́mán Nzamá é sés á nkɔ́bɔ,
fáve á nguu.
21 Dzé mína kómo?
Ye ma yian nzu ébe mína ya nkás,
ngé ki edziŋŋ ya evwévwé nlém?