Ábɔ eséññ fufúlu ya Nzamá
3
Édɔ ná,
á bɔbédzaŋ,
mĕé mbé kɔ́bɔ ya mína amvála ané é bot bé belé nsísim,
fáve amvála ané bot béye é sí ñí,
amvála ané bɔ́ŋŋ ébe Kristo.
2 Maá ñúu mína meñáŋ,
se ñá bídzí;
amú ákoan ná míní mbé byɔ áñɔŋ,
atwaa áwola dí,
míní sés ki byɔ ñɔŋ,
3 amú ná míní ngén mína niŋ ané bot béye é sí ñí.
Ye ná míní belé abéánn ya mitéé énzénzaŋ denan?
Nde mínăá niŋ ané bot béye é sí ñí,
míníí bɔ fe mam amvála ané bot béye é sí ñí?
4 Amú ná,
é tám mot enziŋ aa dzó ná:
“Ma me ne éñí Pablo”;
éñí mbɔ́ɔ́ ñí ná:
“Ma me ne éñí Apolos”.
Nde míní sés mot binam?
5 Éde,
Nzá a ne Apolos?
Pablo ñí a ne ki nzá?
Bevwála bíséññ míní bwíni yaá akála ébɔ́,
amvála éséññ Ntí a ngá vé kada mot.
6 Maá beñ,
Apolos ñí aá swii mendzímm;
ve Nzamá éñe aá bɔ ná é vém.
7 Édɔ é ne ná,
éñí aa beñ a sés dzóm enziŋ,
ngé ki éñí aa swii mendzímm,
fáve Nzamá,
éñí aa bɔ ná é vém.
8 Ve,
éñí aa beñ bá éñí aa swii mendzímm bé ne dzóm evɔ́ɔ́;
ve kada mot,
aa ye ñɔŋ é máán meñ amvála ané éséññ deñ émyen é né.
9 Amú ná,
bía bí ne bebɔ biséññ Nzamá fufúlu bíabe bɔ́;
mína míní ne áfúp ya é ndá Nzamá.
10 Amvála é mvɔmm Nzamá bé vé yaá ma e ne;
ma,
ané éñí aa lóŋ ya kén,
maá bwíi mbókga;
éñí mbɔ́ɔ́ éñe ñí aa lóŋ wɔ́ áyóp;
ve kada mot ñí á túga dággé amvála avé aa lóŋ áyóp;
11 Amú ná mot enziŋ mfé a sés bwíi mbókga ofé,
fáve éwí ó bómo yaá,
éwɔ ó ne Yesukristo.
12 Ve,
ngé mot enziŋ aa lóŋ á mbókga te áyóp ya koŋ,
ngoós,
mékwá mé ne ya eban,
bilé,
bilwá,
mikɔ́t bilwá;
13 éséññ kada mot dá ye yéne;
amú ná ó mos wá ye dɔ kúlu éndendaŋ,
dá ye fá léreban ya ndúán,
éde ndúán ébyen dá ye kyak ámvála éséññ kada mot é né.
14 Ngé melóŋ mot enziŋ a lóŋ yaá áyóp mé tɔbɔ,
aa ye ñɔŋ máán.
15 Ngé melóŋ mot enziŋ má ye dzík,
aa ye dzímle,
ve émyen ñí aa ye tɔbɔ nkoránn,
afáŋbɔ amvála ané aa sɔ́ á ndúán été.
16 Ye mínăá yem ná míní ne é templo Nzamá,
ya fe ná Nsísim Nzamá ó tɔɔ́ ébe mína?
17 Ngé mot enziŋ aa tsam é templo Nzamá,
Nzamá ñí aa ye fe ñí tsam;
amú ná é templo Nzamá e ne eki,
édɔ dá mína míní né.
18 Mot enziŋ a táa duk émyen;
ngé mot enziŋ ye ébe mína aa tém ná a belé kén é tám ñí,
á veŋán okúkút mot,
á mfá ye ná á veŋán mbelé kén.
19 Amú ná kén ye é sí ñí é ne akút á mfá Nzamá.
Amú é ne ntsilann ná:
“Éñe a ne éñí aa biñ bebelé kén ébe mékeŋŋ meba bébyen.”
20 Ya fe ná,
“Ntí aa yem átémŋa bebelé kén,
édɔ dá é ne kaa eban.”
21 Édɔ é ne ná,
mot enziŋ a táa vága á bot été,
amú ná ásesé a ne áawenan.
22 A ne bɔ Pablo,
ngé ki Apolos,
ngé Pedro,
ngé é sí ñí,
ngé éniŋ dzí,
ngé awú,
ngé édí ye é tám ñí,
ngé édí é nkún nzu,
ásesé a ne áawenan;
23 ve mína ébá Kristo,
Kristo ñí éñí Nzamá.