É mbamba etɔɔ́ áyɔŋ Nzamá é sí ñí
9
Ma kɔ́bɔ bébélá ébe Kristo,
măá bɔ mineá,
ósímánn ye á nlém wɔm fufúlu ya ma bíí vé dɔ ngañiá ébe Mfúfúp Nsísim:
2 ná,
ma bíra wórán eywiññ ya mitéñ á nlém wɔm été kaa ásim.
3 Amú ná mámyen ma bɔ meé kómo bɔ mot biboŋ ya átɔbɔ nkánán bía Kristo ákála bɔbédzaŋ,
bot béye áyɔŋ dam,
4 ébɔ́ bé ne bwann Beisraelita,
ébɔ́ bé ne ya etɔɔ́ bwán,
ya dúmá,
ya bilat,
ya ñɔŋŋán metsiŋŋ,
ya ñá nkaŋann,
ya fe mengaá,
5 ébɔ́ bé ne ya betará,
é ne fe Kristo ñí aa sɔ́ ébe bɔ́ amvála ané mot binam,
éñí a ne byém bíse áyóp,
éñe a ne Nzamá ye ólugú kɔ́mm áse.
Amén.
6 Mfá édí te,
é sés ná efíá Nzamá édɔ é vus yaá.
Amú ná se bot bése béye Israel,
bé ne bwann bé Israel,
7 éde bésesé bá bé sés ki bwán akála ná bé ne é mvɔŋ Abraam,
fáve ná:
“Ébe Isaak,
éñe bá ye lwée ná é mvɔŋ dzwe;”
8 dá yíli ná,
se é bwán bá byála mébum ébɔ́ bé ne é bwán Nzamá,
fáve bwán béye é ngaá Nzamá ébɔ́ bá láŋ ané mvɔŋ bot.
9 Amú efíá ngaá édɔ ñí ná:
“Ébe é tám ñí,
ma ye bera sɔ́,
ané Sara aa ye byéñ mwán.”
10 Se fáve édɔ etámm,
ve ya fe ná Rebeka aá ñɔŋ abum ébe mot mbɔ́ɔ́,
tará wea Isaak;
11 amú ná ákoan ná bwán béte bé ngén kaa ábyálá,
kaa ki ábɔ dzam enziŋ,
ané mvéáñ,
ané abé;
ve á mfá ye ná ntélán mam Nzamá a tɔ́p yaá éwɔ ó tɔbɔ,
se ákála míbɔann mot,
fáve ákála éñí aa lwée.
12 Éde,
bé ngá dzó Rebeka ná:
“Ñá mot aa ye séan ya mɔ́ŋŋ,”
13 amvála ané é ne ntsilann ná:
“Me dziŋ yaá Jakob,
ve me víni yaá Esau.”
14 Éde bía ye dzó á yá?
Ye ná ekúkwát é ne ébe Nzamá?
É sés bɔban amvála enziŋ!
15 Amú ná aa dzó Moisés ná:
“Ma ye yén engóngɔ́ɔ́ ébe éñí ma ye kómo yén engóngɔ́ɔ́;
ma ye fe lére añep ébe éñí ma ye kómo lére añep.”
16 Édɔ ná,
dĕé tsií ná,
éñí aa kómo ngé ki éñí aa yem nguu;
fáve ná ébe Nzamá éñí aa yén engóngɔ́ɔ́.
17 Amú ná mitsili myá dzó Faraón ná:
“Akála dzam te ébyen édɔ me téle yaá wa,
mfá ye ná me lére é nguu dam ébe wa,
ya fe ná bé kat éyola dam fwéñ ébe sí áse.”
18 Édɔ ná,
ébe éñí aa kómo éñe aa yén engóngɔ́ɔ́,
ya fe ébe éñí aa kómo éñe aa bɔ nlém aleét.
19 Dzam te édɔ wa ye ma dzó ná:
“Amú dzé fá aa vé bidzo?
Amú ná,
nzá a dzip yaá nkómánn weñ?”
20 Á mot binam!
O ne nzá á mfá ye ná o dwaan ya Nzamá?
Ye é dzóm é ne ntéñán,
é ne dzó éñí a ngá téñ dɔ ná:
“Amú dzé waá bɔ ma ámvála dí?”
21 Ngé ki ná ye ná mbɔ byém ya sí ekwánn,
a sés filí mfá ábɔ ébe sí ekwánn te fɔ́ɔ́ ya fɔ́ɔ́,
ngúrá elas mfá mbelán ngaŋŋ,
édí evɔ́ɔ́ dá mfá nzeze mbelán?
22 Éde dzé ná ngé Nzamá eé kómo lére méyéá meñ ya fe álére é nguu deñ,
véa ya abwiññ edzíp é ngá nzomo bilas méyéá bí mbé nkomann mfá ntsamann?
23 Ye ná eé ndzí dɔ bɔ mfá álére ntam ye á dúmá deñ ébe bílas bíye á nyénánn engóngɔ́ɔ́,
ébí a ngá tára koman á mfá dúmá?
24 Bía,
ébá ñí a ngá lwée fe,
se fáve á bejudio été,
ve ya fe ébe méyɔŋ mefé été.
25 Amvála ané aa dzó fe abá Oséas ná:
“Ébá bĕé mbé áyɔŋ dam,
ma ye lwée ná ‘áyɔŋ dam;’
éñí ñí é sés édziŋŋ dam,
éñe ma ye fe lwée ná ‘édziŋŋ dam’.
26 Aa ye bɔ ná é vóm bé ngá dzó bɔ́ ná:
‘Míní sés áyɔŋ dam,’
ó véa bá ye bɔ́ lwée ná,
‘é bwán é Nzamá a ne ntétéá.’ ”
27 Esaía ñí aa yónán fe á mfá Israel ná:
“Afáŋbɔ ná é nɔmɔ bwann bé Israel e ne bɔ
ané nséléga ye ó máŋ,
fáve bit bot édɔ dá ye tɔbɔ nkoránn.
28 Amú ná avítsaŋ tám Ntí aa ye dzálá éfíá deñ
ya nzósoó ébe eniŋ ngúrá.”
29 Éde,
amvála ané Esaía a ngá tára dɔ kúlán ná:
“Ngé Ntí ye á misámá melúmán
á bɔ bía kaa álík ya mvɔŋ,
Ngé bía súgan bɔ ané Sodoma,
ye áfonan fe ya Gomora.”
30 Nzá dzam fá bía ye dzó?
Ye ná méyɔŋ mefé mé mbé kaa ádzéŋ nzósoó,
émɔ mé koan yaá ya nzósoó,
nzósoó ye á mbwínánn?
31 Ve,
Israel,
éñí ñí a ngá dzéŋ atsiŋŋ ye á nzósoó,
éñe eé ndzí koan ya atsiŋŋ te.
32 Ákála dzé?
Amú ná ĕé ngá dzéŋ ñí ya mbwínánn,
fáve ámvála é ne ya mibɔann;
éde bá vus nzenn ya ákwá ekɔp obaá,
33 amvála ané é ne ntsilann ná:
“Dággán,
ma téle á Sión ákwá ekɔp obaá,
ya ákwá bá dzímle ya dɔ mbwínánn.
Ve éñí aa ye ñí bwíni ăá ye wú osoán.”