Áduubánn dá lat bía bíabe Kristo
6
Éde,
bía ye fá dzó á yá?
Ye ná bía ye tsíni ya mbɔann nsémm,
á mfá ye ná abwará dá é fwíige?
2 É sés bɔban amvála enziŋ!
Bía,
é bot bí wú yaá mfá nsémm,
amú dzé bía ye tsíni bíí niŋ á nsémm été?
3 Ye mínăá yem ná bía é bot bése bí duuban yaá ébe Kristo Yesus,
bí duuban yaá ébe áwú deñ été?
4 Édɔ ná bí tɔbɔ yaá ndzepbann bíabe bɔ́ ákála nduubán áwú été,
á mfá ye ná amvála ané Kristo a ngá wómo míwúán mfá é dúmá Tará,
amvála te fe bía bía ye wulu á mfefeñ eniŋ été.
5 Amú ná ngé bí ntɔɔ́ nlatán bíabe bɔ́ ébe éfonann ye áwú deñ,
bébélá bía ye fe dɔ átɔbɔ ébe éfonann ye áwómó deñ.
6 Éde míníí yem édí ná,
nnomm mot wea wá tɔbɔ nkelann á krús bá Kristo,
á mfá ye ná é ñúu ye á nsémm dea eé tɔbɔ ntsamann,
á mfá ye ná bí táa bera tɔbɔ aloá ye á nsémm.
7 Amú ná,
éñí a wú yaá,
a tɔbɔ yaá nzósoó á mfá nsémm.
8 Ngé bí wú yaá bíabe Kristo,
bía bwíni fe ná bía ye niŋ bíabe bɔ́.
9 Éde bíí yem ná niané Kristo aá wómo míwúán,
ăá ye bera wú;
awú dĕé belé fe edzwée ébe éñe.
10 Amú dá é tɔɔ́ ná aá wú,
a ngá wú akála nsémm eyɔŋ evɔ́ɔ́;
ve éniŋ aa niŋ,
aa niŋ á mfá Nzamá.
11 Amvála te fe mína,
ñɔŋŋán mína bébyen ná míní wú yaá mfá nsémm,
ve betétéá mfá Nzamá ébe Kristo Yesus.
12 Édɔ ná,
nsémm ó táa dzwée é ñúu mot binam denan,
mfá ábɔ mikómánn míye á nlém wenan mewók;
13 kaa ki átéle mésúk mé ñúu menan á mfá nsémm amvála ané byém bíye ékúkwát,
fáve ná télegán mína bébyen ósú Nzamá amvála ané betétéá énzénzaŋ béwú,
mésúk mé ñúu menan má ósú Nzamá amvála ané byém bíye á nzósoó.
14 Amú ná nsémm wăá ye belé edzwée ébe mína,
míní sés fá átsiŋŋ ásí,
ve fáve ábwará ásí.
Nganán ya etɔɔ́ oloá
15 Éde á yá?
Ye bía ye bɔ nsémm akála ná bí sés átsiŋŋ ásí,
ve fáve ábwará ásí?
É sés bɔban amvála enziŋ!
16 Ye mínăá yem ná é tám mína vé mína bébyen ébe mot enziŋ amvála ané aloá mfá ábɔ ñí mewók,
míní ne áloá éñí mína bɔ mewók;
ngé nsémm á mfá awú,
ngé ki méwók á mfá nzósoó?
17 Ve akíba ya Nzamá ná atwaa míní mbé aloá ye á nsémm,
ve míní bɔ yaá mewók atéé ye á nlém ébe amvála áyágalé bé ngá vé mína.
18 Dá é tɔɔ́ ná mína tɔbɔ filí á mfá nsémm,
míní sɔ́ bɔ aloá ye á nzósoó.
19 (Ma kɔ́bɔ ané mot,
ákála ateák ye é ñúu denan.)
Amú ná amvála ané míní ngá téle mésúk mé ñúu menan ané aloá á mfá mvin mam ya fe mbéa bivéé,
amvála te fe éndagá télegán mésúk mé ñúu menan amvála ané aloá ye á nzósoó á mfá átɔbɔ eki.
20 Amú ná é tám míní mbé aloá ye á nsémm,
míní mbé filí á mfá nzósoó.
21 Éde nzá bibumá míní mbé míní belé tám te,
ébe é mam míní ŋga wók yaá osoán éndagá?
Amú ná asúgánn ye mam méte é ne awú.
22 Ve éndagá,
míní tɔbɔ yaá filí á mfá etɔɔ́ oloá ye á nsémm,
éde míní ntɔɔ́ áloá Nzamá,
ntɔbán eki éwɔ míní belé ané ébumá denan,
asúgánn dá é ne éniŋ é ne mbéámbéá.
23 Amú ná ntáŋ nsémm ó ne awú,
ve é dás Nzamá dá é ne éniŋ é ne mbéámbéá ébe Kristo Yesus Ntí wea.