2 Ané a ngá síli bɔ́ ná:

“Ye mína ñɔŋ Mfúfúp Nsísim éyɔŋ míní ngá bwíni?”

Éde bé ngá yalan ya ñí ná:

“Bí ndzí ki tára wók ná Mfúfúp Nsísim a ne.”

3 Ané a ngá síli ná:

“Ya dzé fá míní ngá duuban ya dɔ?”

Ané bé ngá yalan ná:

“Ya nduann Juan.”

4 Éde Pablo a ngá dzó ná:

“Juan a ngá du bot ya nduubán bá dzoban,

eé dzó bot ná bé bwíni é mot aa nzu ñí á mvús,

éñe a ne Yesus.”

5 Niané bé ngá wók dɔ,

ané bé ngá duuban ya éyola Ntí Yesus.

6 Éde niané Pablo a ngá bere bɔ́ mó,

ané Mfúfúp Nsísim a ngá sian ébe bɔ́,

bé ŋga kɔ́bɔ mikɔ́bɔ,

bé ŋga kúlu fe medzó.

7 Bé mbé été táŋ ané awóm befám ya befám bé beáñ.

8 Éde táŋ ané ngwan é léa,

Pablo a ngá bɔ eé ñíi á sinagoga eé kɔ́bɔ kaa ákɔ wɔŋŋ,

eé kéá fe ya bot mfá édzwée ngɔ́mán Nzamá á mfá ye ná ngé a ne bɔ́ wún.

9 Ve,

éyɔŋ bevɔ́ɔ́ benziŋ bé ngá mana bɔ milém aleét,

bé mana fe bɔ melɔ́ bé ŋga kɔ́bɔ é Nzenn Ntí abé ósú bot bése,

ané Pablo a ngá kána bebwíni ébe bot béte,

a kéñ ya bɔ́.

Éde a ngá léan kada mos á sikólo Tirano.

10 Dzam te é ngá bɔban táŋ mibú mí beáñ,

néa,

é bot bése bé tɔɔ́ Ásia bé mana wók éfíá Ntí,

átára bejudio ya akekwíñ begriego.

11 Nzamá a ngá bɔ eé bɔ bora biyágán bí mam á mó Pablo;

12 akekwíñ ané bé ngá bɔ béé ke ya bénépken ya bítóp bí nama yaá ñí ñúu ná bá ke ya byɔ ébe mikúkwann,

éde ákwann é ngá let,

mimbéa misísim myá mí ngá kólo fe.

13 Éde mingengáŋŋ bwann bejudio benziŋ bé ngá bɔ béé ke bá wulu á miseŋ ya miseŋ,

ané bé ngá vak ná bá yónán éyola Ntí Yesus ébe é bot mimbéa misísim mí mbé ó ñúu,

ané bé ngá dzó ná:

“Ya éyola é Yesus Pablo aa yónán ma mánan mína!”

14 Ntébosú befára enziŋ mwann judio a tɔɔ́ eyola ná Eskeva,

a mbé a belé bwán zaŋgbéá ná bé ngá bɔ béé bɔ dɔ.

15 Ané mbémbéa nsísim ó ngá yalan bɔ́ ná:

“Bébélá ma yem Yesus,

ma yem fe nzá a ne Pablo;

ve mína,

míní ne benzá?”

16 Éde é mot mbémbéa nsísim ó mbé ó ñúu a ngá tára ná aa kee bɔ́ mó ó ñúu,

á ŋga daŋ bɔ́ bésesé ya nguu akekwíñ ané bé ngá túp mibíí á ndá te swéswéññ ya mevéŋŋ ó ñúu.

17 Éde é bot bése bé mbé bé tɔɔ́ Éfeso bé ngá mana dɔ yem,

átára bejudio ya akekwíñ begriego.

Ané wɔŋŋ ó ngá biñ bot bése á milém,

éyola Ntí Yesus dá é ngá bére fe ó yóp.

18 Éde ábwiññ bot é ngá mana bwíni,

é ngá bɔ deé nzu mem ya átúp míbɔann myeba éyéá été.

19 Ábwiññ bot dá é ngá bɔ fe mgbóo,

é ngá mana sɔ́ ya mébá mé mgbóo meba,

bé mana mɔ dzígi,

bot béé yén.

Ané bé ngá mana vakgan é táŋ moann meba méte,

bé koan ná me mbé bifas bí ngoós táŋ binzuk mewóm mé tán.

20 Amvála te édɔ,

ya nguu,

éfíá Ntí é ngá bíra myaman ya ávém.

21 Niané mam méte mé ngá mana dzálában,

ané Pablo a ngá kík á nlém weñ été ná,

niané aa boman Masedonia ya Akaya;

véa,

éñe aa ye ke á Yerusalen,

eé dzó fe ná:

“Atéé ye ó véa,

ma yian fe yén Roma.”

22 Niané a ngá lóm Timoteo bá Erasto á Masedonia,

é bot bé beáñ bé ngá bɔ béé vwála ñí,

éde a ngá lígi abímm tám enziŋ Ásia.

23 Ané melú méte abwiññ nzɔgɔ é ngá ku Éfeso ákála Nzenn Ntí.

24 Amú ná mot enziŋ a tɔɔ́ eyola ná Demetrio,

a mbé nlwíñ ngoós,

a ngá bɔ eé lwíñ bwann betemplo Diana ya ngoós.

Dzam te é ngá bɔ deé vé mikékéŋŋ abwiññ abúánn.

25 Éde a ngá mana bɔ́ kóán ya é bot bá bé ngá bɔ fe amvála eséññ te,

ané a ngá dzó ná:

“Á bémwíi,

mína yem ná ábúánn bí belé,

dá sɔ́ ébe ásúk éséññ dí.

26 Ve,

ámvála mína bébyen mína wók ya áyén ná se fáve Éfeso etámm,

bebeñ ané Ásia ngúrá,

é Pablo ñí a mana yaá aa ke aa wún abwiññ bot,

a mana yaá fe bɔ́ kána,

eé dzó ná:

‘É byém bí ne mbɔann ya mó bí sés benzamá.’

27 Éde wɔŋŋ ó sés fáve ná ásúk éséññ dea dá ye nzu ku,

fáve ná é templo mora nzamá miningá Diana bá ye dɔ byana,

ya fe ná,

avítsaŋ tám éñí Ásia ngúrá ya eniŋ ngúrá dá kaŋ,

é mora éwúmá deñ,

dá é nkún fe kólo.”

28 Niané bé ngá wók dɔ,

ané bé ngá bíra yéá,

bé ŋga yón béé dzó ná:

“É Diana bot béye á Efeso a ne nnén!”

29 Éde kísoan e ngá dzéñ ya ngíniŋe,

ané bot bé ngá biñ Gayo bá Aristarko bot béye á Masedonia,

bé mbé fe Pablo bemvwíññ béye ékena.

Éde bé ngá ke ya bɔ́ mibíí fufúlu á yát bikóánn été.

30 Pablo eé kómo ke ñíi ekóánn te,

ve bebwíni béé ndzí lík ná á bɔ dɔ;

31 ya fe bédzwée benziŋ béye Ásia bé mbé Pablo bemvwíññ,

bá bé ngá lóm fe ñí bot béé bíra ñí dzaa ná a táa ke lére ñúu á yát bikóánn te.

32 Ané bot bevɔ́ɔ́ bé ngá yónán ngúrá dzam,

ébá bevɔ́ɔ́ bá édí avɔ́ɔ́;

amú ná ékóánn bot é mbé nzamzámánn,

éde é bot bé ngá daŋ abwiññ,

ébɔ́ bé mbé kaa áyem amú dzé bé ngá koan.

33 Ané bot benziŋ béye á nkuna bot bé ngá tém ná a ne Alejandro,

éñí bejudio bé ngá sɔ́gle ósú.

Éde Alejandro a ngá bɔ ndem ya wéá,

eé kómo fe kam ya émyen ósú bot.

34 Ve,

niané bé ngá yem ná a ne mwann judio,

bésesé bé ŋga yón ya kíŋŋ fɔ́ɔ́ bebeñ táŋ méwola mé beáñ ná:

“É Diana bot béye á Efeso a ne nnén!”

35 Éde niané ntsili mam ye á kísoan a ngá mana báma nkuna bot,

ané a ngá dzó ná:

“Á bot béye Efeso,

mot mbé a ne ná ăá yem ná é kísoan Efeso édɔ dá baale é templo mora nzamá miningá Diana ya éyemá deñ é ngá ku á dzóp?

36 Amú bé sés sóán ya mam méte amvála enziŋ,

da yian ná míní tɔbɔ mvwaá,

éde míní táa bɔ dzam enziŋ mbíí a mbíí kaa átára tém.

37 Amú míní sɔ́ ya é bot bá,

ébɔ́ kaa ádzíp á templo bá kaa ki tea é nzamá miningá wea.

38 Éndagá,

ngé Demetrio ya míkékéŋŋ bábe bɔ́ bé ne bé belé adzó ya mot enziŋ,

bíkóánn bá kík medzó bí ne ya bedzwée,

bevɔ́ɔ́ bé sómaŋán ébá bevɔ́ɔ́.

39 Ve ngé mína dzéŋ dzam enziŋ afé,

dzam te bá ye dɔ kík ekóánn ŋgɔ́mán á téle yaá.

40 Amú bí tɔbɔgán ya nkée ná bé ne bía sóman é ngíniŋe é bɔban émuú,

a tɔɔ́ ná bĭí belé eyalann enziŋ bí ne vé akála é nzɔgɔ ñí.”

41 Niané a ngá mana dɔ dzó,

ané a ngá yáán ya ekóánn bot.