Pablo bá Bernabé bá ke Íkonio
14
A ngá bɔ ná,
Íkonio,
Pablo bá Bernabé bé ngá ñíi á sinagoga bejudio,
ámvála nkɔ́bɔ bé ngá kɔ́bɔ ya mora nkuna bot a ngá bwíni,
atéé ye bejudio akekwíñ begriego.
Hechos 14.1-28
2 Ve,
béjudio bé ngá bɔ kaa ábwíni bé ngá fuk ya átsíni meyɔŋ mefé ná bé wórán é mam mé ne abé,
mfá bɔbédzaŋ béte.
3 Ve déá,
bé ngá tɔbɔ ó véa abwiññ tám,
béé kat éfíá Ntí kaa ákɔ wɔŋŋ,
éñí a ngá vé mbamba ngañiá ébe efíá ya ábwará deñ,
eé lík ná mendem ya bora biyágán bí mam bí bɔban é mó meba été.
4 Éde abwiññ bot béye á kísoan é ngá kaban,
bevɔ́ɔ́ bé mbé é ngamm béjudio;
ve,
ébá bevɔ́ɔ́ bá ébe baapostol.
5 Ve,
niané meyɔŋ mefé bábe béjudio bébyen ya fe betébosú bé ngá tébe enginiŋe ná bé ndágle bɔ́,
bé lúm fe bɔ́ mekwá.
6 Niané baapostol bé ngá ñú dɔ táŋ,
ané bé ngá túp bé kéñ á Listra ya á Derbe bekísoan béye á Likaonia ya fe ábeŋŋ sí é mbé á mféŋŋ.
7 Bé ŋga kat fe mbamba fwéñ ó wéñ.
Bá lúm Pablo bá Bernabé mekwá á Listra
8 Á Listra mot enziŋ aa mbé kaa nguu mébɔ,
a tɔɔ́ ebók atéé ye ábyálá ye ó ñiá.
Ákoan ná,
mot te ăá bé tára wulu.
9 Pablo eé kɔ́bɔ,
mot te ñí eé béá ñí.
Ané Pablo a ngá bem ñí mís,
a yén ná mot te a belé mbwínánn mfá áséñban.
10 Éde Pablo a ngá kɔ́bɔ ñí ya kíŋŋ oyaáp ó yóp ná:
“Tébegé tételé ya mébɔ mwe.”
Ané mot te a ngá yóo,
á ŋga wulu fe.
11 Niané nkuna bot ó ngá yén é dzam Pablo a ngá bɔ,
éde bé ngá bére mékíŋŋ meba béé dzó á nkɔ́bɔ Likaonia ná:
“Benzamá bé sigi yaá ébe bía bé tɔɔ́ amvála ané bot.”
12 Éde bé ngá lwée Bernabé ná Júpiter.
Ané Pablo ñí á bé ngá lwée ná Merkurio,
akála ná éñe a ngá bɔ eé kɔ́bɔ efíá.
13 Éde é fára Júpiter á mbé á kísoan átán a ngá sian áñíi mbéñ a belé nnóm ñát ya mesamm,
á ŋga kómo vé metúnŋa fufúlu ya nkuna bot.
14 Ve,
niané baapostol Pablo bá Bernabé bé ngá wók dɔ,
éde bé ngá ñap bítóp bé mbé bé baga.
Ané bé ngá ke mibíí á nkuna bot été,
béé yón,
15 béé dzó fe ná:
“Á bot,
akála dzé mína bɔ mam méte?
Bía bí ne fe bot ntéññ mbɔ́ɔ́ ané mína.
Éde bía kat mína mbamba fwéñ ná,
míní lúm nzeze mam mvús,
míní veŋan fe ébe é Nzamá a ne ntétéá,
éñí a ngá bɔ dzóp,
ya sí,
ya máŋ,
ya é byém bíse bí ne été.
16 Myee bot ó ngá lot ó mvús,
Nzamá a ngá lík ná meyɔŋ mése mé ke ménzenn meba mébyen.
17 Ve,
eé ndzí ki lík amvála enziŋ ná aa vé é ngañiá weñ émyen,
eé bɔ mvéáñ,
eé vé fe mína mveŋ ye á yóp,
ya métám bilé byá wúm bibumá,
eé dzálá mína ya bidzí ya fe mesán mílém myenan été.”
18 Afáŋbɔ ná bé ngá dzó mam méte,
é mbé bɔ́ ndzuúk ná bé dzip nkuna bot te ná,
bé táa bɔ́ vé metúnŋa.
19 Niané bejudio benziŋ bé ngá sɔ́ Ántiokia ya Íkonio,
éde bé ngá mana fuk nkuna bot,
eyɔŋ te bé ŋga lúm Pablo mekwá,
bé kéñ fe bá dulu ñí á kísoan átán,
béé tém ná a wú yaá.
20 Niané béyága beñ bé ngá mana ñí luŋ,
a tébe,
ané a ngá ñíi á kísoan été.
É mos ó ngá belan véa,
éde a ngá ke á Derbe bá Bernabé.
21 Niané bé ngá mana kat mbamba fwéñ,
bé wún fe abwiññ beyága á kísoan te,
éde bé ngá búlán á Listra ya Íkonio ya fe Ántiokia;
22 béé ke bá vé bebwíni nguu,
béé lép fe bɔ́ ná bé tɔbɔ mbán á mbwínánn été.
Bé ngá dzó fe bɔ́ ná:
“Dá yian ná bí lot ábwiññ midzuúk été,
á mfá ye ná bí ñíi édzwée ngɔ́mán Nzamá été.”
23 Niané bé ngá ke bá téle betébosú ébe kada ekóánn bebwíni,
béé yaglan béé ki fe bidzí,
ané bé ngá kee bɔ́ Ntí,
éñí bé ngá bwíni.
Pablo bá Bernabé bá búlán Ántiokia Siria
24 Niané bé ngá lot Pisidia,
ané bé ngá sian á Panfilia.
25 Éde niané bé ngá mana kat efíá á Perge,
ané bé ngá sigi Átalia.
26 Akólo ye ó véa,
éde bé ngá kígán máŋ,
bé kéñ Ántiokia é vóm bé ngá kee bɔ́ ábwará Nzamá été,
mfá éséññ bé ngá mana bɔ.
27 É tám bé ngá sian,
éde bé ngá tɔɔ́ ekóánn bebwíni,
bé ŋga kat bɔ́ é mam Nzamá a ngá bɔ ébe bɔ́,
ya amvála ané a ngá kúu meyɔŋ mefé míbéñ ná má mé bwíni fe.
28 Éde Pablo bá Bernabé bé ngá lígi ó wéñ abwiññ tám bábe beyága.