2 Ané baapostol awóm ya bé beáñ bé ngá kóán nkuna beyága,

bé dzóo bɔ́ ná:

“Dăá yian ná bí myea efíá Nzamá,

á mfá ye ná bí seŋ bot bidzí.

3 Édɔ é ne ná,

á bɔbédzaŋ,

tɔ́pgán bot zaŋgbéá énzénzaŋ denan été,

é bot bé belé mbamba ngañiá,

bé tɔɔ́ ndzálánn ya Mfúfúp Nsísim ya fe kén,

ébɔ́ bía ye kee eséññ te.

4 Ve bía bébyen,

bía ye lígi bí yém á meyaglán ya eséññ ye ákat éfíá Nzamá.”

5 Ané nkuna bot óse ó ngá dziŋ wá wók dzam te;

éde bé ngá tɔ́p Esteban,

a mbé ndzálánn ya mbwínánn ya fe Mfúfúp Nsísim;

bé tɔ́p fe Felipe ya Prókoro ya Nikanor ya Timón ya Parmenas ya fe Nikolás é mot ye Ántiokia a ngá tára bee nyébé béjudio.

6 Ané bé ngá nzu bɔ́ lére baapostol;

éde niané bé ngá mana yaglan ané bé ngá bere bɔ́ mó.

7 Ané éfíá Nzamá é ngá ñeŋ,

nɔmɔ beyága ñí a ngá bíra fe vém á Yerusalen;

akekwíñ ané,

abwiññ bot béye á nsámá befára bá bé ngá yébe fe mbwínánn te.

8 Esteban,

a tɔɔ́ ndzálánn ye ábwará Nzamá ya fe nguu,

a ngá bɔ eé bɔ bora biyágán bí mam ya biwólo bí mam á bot été.

9 Éde bot benziŋ béye á sinagoga,

ébá bá lwée ná Beniŋ Filí bé ngá tébe,

bé ŋga bɔ bisó ya Esteban.

Bé mbé bot béye á Sirene ya ébá béye Álejandria,

ya ébá béye á Silisia ya fe ébá béye Asia.

10 Ve,

bĕé mbé kɔk ya é kén ye á Nsísim Esteban a ngá kɔ́bɔ ya byɔ.

11 Véa,

bé ngá bwala bot benziŋ nzee á mfá ye ná bé ke dzó ná:

“Bí wók eé kɔ́bɔ mfá Moisés bá Nzamá bifíá meteá.”

12 Néa,

éñe bé ngá fuk bot ya mikúkúmá ya fe beyágale métsiŋŋ.

Éde bé ngá ke Esteban á ngamm áyát,

bé biñ ñí,

bé ke fe ya ñí ékóánn medzó.

13 Véa,

bé sɔ́ fe ya minéneá bengañiá mií dzó ná:

“É mot ñí,

ăá dzɔgɔ ná aa kɔ́bɔ é vóm ó ne éki wí abé ya fe nkɔɔ́ métsiŋŋ Moisés.

14 Amú bí wók eé dzó ná,

Yesus ye á Nasaret te aa ye tsam é vóm wi;

aa ye fe tsén ómvúgá Moisés a ngá lík bía ya wɔ́.”

15 Ané é bot bése bé mbé bé tɔɔ́ ekóánn medzó bé ngá bem Esteban mís,

éde bé ngá yén ású deñ é ntɔɔ́ ané ású ángel.