Pedro bá Juan bé ne ébe ású bedzwée
4
É tám bé ngá kɔ́bɔ ya bot,
ané befára ya ndzwée bekálá templo,
ya besaduseo bé ngá yit bɔ́ bebeñ,
Hechos 4.1-31
2 béé bíra wók abé ná bá yágale bot,
béé kat fe bɔ́ fwéñ ná ébe Yesus é ne nwómán miwúán ó ne ébe éñe.
3 Éde bé ngá kee Pedro mó ó ñúu bá Juan,
ákoan ná ŋgɔgɔ́ eé ntɔɔ́,
ané bé ngá fet bɔ́ á mbok akekwíñ kíráse.
4 Ve,
abwiññ bot béye bé ngá wók é fwéñ deba bé ngá bwíni;
bé mbé bot táŋ binzuk bí tán.
5 É mos ó ngá belan véa,
ané betébosú,
ya mikúkúmá,
ya beyágale métsiŋŋ bé ngá bɔ ekóánn á Yerusalen;
6 ntébosú befára Anás ñí a mbé fe ó véa bá Kaifas,
ya Juan,
ya Alejandro,
ya fe ébá bé mbé é mvɔŋ bot betébosú befára.
7 Éde bé ngá téle bɔ́ énzénzaŋ bot été,
béé síli bɔ́ ná:
“Edzwée evé,
ngé ki ná eyola evé míní bɔ yaá dɔ é dzam dí?”
8 Eyɔŋ te Pedro a tɔɔ́ ndzálánn ya Mfúfúp Nsísim,
a ngá yalan ya bɔ́ ná:
“Á betébosú béye áyɔŋ ya mikúkúmá,
9 ngé bá síli bía émuú ébe é mbamba dzam á bɔ á mfá ye ábúánn nkúkwann mot ya ná nzá amvála éñí á tɔbɔ yaá mvwaá,
10 mína bésesé ya ayɔŋ Israel áse yemŋán ná é mot míní téa ñí a tɔbɔ mvwaá ya éyola Yesus ye á Nasaret,
éñí míní ngá dɔ́mle á krús,
ve,
Nzamá ñí a wómo yaá ñí miwúán été.
11 Yesus éñe a ne ákwá mína belóŋ míní ngá tep,
édɔ dá é nzu yaá bɔ ákwá ósúá.
12 Akoroga é sés ébe mot mfé enziŋ,
amú ná eyola efé é sés ébe bwann bé bot mvéán á nlódzóp ásí ná bía yian tɔbɔ ya dɔ nkoránn.”
13 Niané bedzwée bé ngá yén Pedro bá Juan bá kɔ́bɔ kaa ákɔ wɔŋŋ,
béé yem fe ná bé beáñ béte béé ndzí bɔ sikólo enziŋ,
bé tɔɔ́ fe nzeze bot,
éde bé ngá kám,
ané bé ngá ñú táŋ ná bábe Yesus bé mbé bé tɔɔ́.
14 Éde,
bé téa fe é mot a ngá séñban a téle bábe bɔ́,
ébɔ́ kaa fe é dzam bé ne bera dzó.
15 Véa,
éñe bé ngá mánan Pedro bá Juan ná bé kólo ékóánn été,
éde bé ngá lígi bá kéá bébyen ya bébyen,
16 béé dzó ná:
“Bía ye bɔ é bot bá á yá?
Amú ná bébélá é bot bése bé tɔɔ́ á Yerusalen bá yem mvéáñ ná eyágán dzam é bɔban yaá éyéá été,
bía bí sés ki dɔ sóán.
17 Ve,
á mfá ye ná dzam te é nza mana ke dá ñeŋ á nnam été,
bí váán bɔ́ mbámm ná,
bé táa bera kɔ́bɔ ya mot enziŋ ye Eyola te.”
18 Ané bé ngá lwée bɔ́,
bé kili bɔ́ ná,
bé táa bera kɔ́bɔ amvála enziŋ ngé ki áyágale bot ya éyola Yesus.
19 Ve,
Pedro bá Juan bé ngá yalan ya bɔ́ ná:
“Ye e ne nzósoó ósú Nzamá ná bí wók mína,
ve,
bí lígi ná bĭá bɔ Nzamá mewók?
Kíkgán nsaŋ!
20 Amú bí sés dzɔgɔ ná bía kɔ́bɔ é dzam bí yén yaá ya áwók.”
21 Niané bé ngá bera bɔ́ mana báma néa,
ané bé ngá lík bɔ́ ákála bot,
bá bĕé mbé ki bé belé ámvála bé ne bɔ́ ndágle,
amú ná bot bése bé ngá vé Nzamá dúmá ya é dzam é ngá bɔban;
22 amú é mot eyágán dzam te é ngá bɔban ébe éñe,
a mbé a belé mibú álot mewóm mé nii.
Méyaglán bebwíni
23 Niané Pedro bá Juan bé ngá tɔbɔ filí,
éde bé ngá ke ébe é bot beba,
bé mana bɔ́ kat fwéñ é mam betébosú befára,
ya mikúkúmá bé ngá dzó bɔ́.
24 Niané bé ngá wók mɔ,
ané bé ngá bére kíŋŋ nsámá mbɔ́ɔ́ ébe Nzamá,
béé dzó ná:
“Á Ntí Nzamá,
wa o ne éñí a ngá bɔ dzóp ya sí ya máŋ ya é byém bíse bí ne été,
25 wa fe o ngá kɔ́bɔ ye Mfúfúp Nsísim ébe ánu é tará wea David mbɔ biséññ we ná:
‘Amú dzé meyɔŋ ma sok ya meyéá,
minam myá mií lám fe é mam mé ne kaa eban?
26 Békéza béye mésí bé tébe yaá bábe betébosú,
bé ngá kóán vóm mbɔ́ɔ́,
ná bá lúman ya Ntí ya é Kristo weñ.’ ”
27 “Bébélá ná,
Erodes bá Ponsio Pilato ya meyɔŋ mefé,
ya ayɔŋ Israel,
bé ngá lat é kísoan ñí ná bá ke Yesus,
Mfúfúp Mwán we o ngá téle,
á ngamm áyát;
28 ná bé bɔ édí edzwée dwe é ngá tára mana tsini ya nkómánn we,
ná dá ye bɔban.
29 Éde áwola dí,
á Ntí,
yénŋe nsómán aywá weba,
vá fe áloá dwe ná é kɔ́bɔ éfíá dwe kaa ákɔ wɔŋŋ enziŋ;
30 é tám wa sám é wéá we á mfá ye ná akwann é let,
mendem ya biyágán bí mam bí bɔban fe ébe éyola Mfúfúp Mwán we Yesus.”
31 Niané bé ngá mana yaglan,
ané é vóm bé mbé bé koan ó ngá fógan;
éde bésesé bé ngá tɔbɔ ndzálánn ya Mfúfúp Nsísim,
bé ngá kɔ́bɔ fe éfíá Nzamá kaa ákɔ wɔŋŋ.
Bebwíni béye átáraga
32 Ekóánn bot ése é ngá bwíni,
é mbé é belé nlém mbɔ́ɔ́ ya osímánn ovɔ́ɔ́.
Mot enziŋ ĕé ngá dzó é dzóm a mbé a belé ná,
é ne éedeñ émyen,
ve,
byém bíse bí mbé bɔ́ fufúlu.
Hechos 4.32-05.14
33 Baapostol,
ya ewólo nguu bé ngá ke bá vé ngañiá ébe nwómán miwúán Ntí Yesus,
é mora abwará Nzamá dá é mbé fe ya bɔ́ bésesé.
34 Mot enziŋ ĕé ngá yi dzóm enziŋ énzénzaŋ deba été,
amú ná,
é bot bé mbé bé belé mefóo mé sí ngé ki mendá,
bé ngá kuan byɔ,
béé sɔ́ ya é táŋ moann bé kuan,
35 béé kee ñí baapostol ná bé kap ñí ámvála kada mot ye ébe bɔ́ a ngá yi.
36 Éde José,
mwann levita,
ebíbyála ye á Tsípre,
éñe baapostol bé ngá lwée ná Bernabé,
dá yíli ná,
é mwán aa foŋ nlém;
37 a mbé a belé afóo sí,
ané a ngá kuan dɔ,
a sɔ́ kee baapostol moann te.