Yesus a ne ntétéá
20
Ve é mos ósúá ye á sóánn María Magdalena a ngá ke á sɔŋ ekúná kírí,
ákoan dzíbi é ngén,
véa éñe a ngá yén ná akwá é ntɔɔ́ nkólánn ó sɔŋ ndá ákwá.
2 Ané a ngá ke mbíí ébe Simón Pedro ya nyága mbɔ́ɔ́,
éñí Yesus a ngá dziŋ fe,
éde a ngá dzó bɔ́ ná,
“Bé vea yaá Ntí ó sɔŋ,
bĭá yem é vóm bé ke yaá ñí bwíi.”
3 Véa éñe Pedro bá nyága mbɔ́ɔ́ bé ngá kólo bé kéñ ó sɔŋ.
4 Éde bé beáñ béte bé ngá tée mbíí nsámá.
Ané nyága mbɔ́ɔ́ te a ngá daŋ mára álot Pedro,
éde a ngá tára ke kwíñ ó sɔŋ ndá ákwá.
5 Ané a ngá lúŋbe ná aa dága,
véa éñe a ngá yén bitóp bí bóo,
ve eé ndzí ñíi.
6 Éde Simón Pedro ñí eé bee ñí,
ané a ngá ñíi á sɔŋ ndá ákwá été,
éde a ngá yén bitóp bí bóo,
7 ya étóp é mbé é tsini Yesus á nló,
dá é mbé é bóo mbɔm ngúrá mfá,
ve se ya bítóp bí bí mbé mvígilán.
8 Véa éñe nyága mbɔ́ɔ́,
éñí a ngá tára sian á sɔŋ ñí a ngá ñíi fe,
éde eé yén a bwíni.
9 (Ve amú ná ákoan bé ngén kaa áyem á Mítsili été ná,
Yesus aa yian wómo míwúán été.
10 Véa éñe beyága bé ngá bera búlán ébe ébá bevɔ́ɔ́.
Yesus aa yéne ósúsúa, ébe ású María Magdalena
11 Ve María ñí a mbé a téle átán á sɔŋ á mféŋŋ eé yi.
É tám a ngá yi néa,
ané a ngá lúŋbe,
a ñíi á sɔŋ ndá ákwá été.
12 Éde a ngá yén baángel bé beáñ bé baga mebwát mifúm,
bé tɔɔ́ ósí é vóm Yesus a mbé a bóo,
mbɔ́ɔ́ étun á nló yóp,
éñí mbɔ́ɔ́ ñí ya étun mébɔ.
13 Ané bé ngá síli ñí ná,
“A miningá,
akála dzé wa yi?”
Véa ñí a ngá yalan ya bɔ́ ná,
“Bé ke yaá Ntí wɔm,
măá yem ki é vóm bé ke yaá ñí bwíi.”
14 Éde ñí eé dzó dzam te,
niané a ngá veŋan á mvús,
a yén Yesus a ntéle,
ñí kaa áyem ná a ne Yesus.
15 Véa éñe Yesus a ngá síli ñí ná,
“Á miningá,
amú dzé wa yi?
Nzá wa dzéŋ?”
María ñí eé tém ná a mbé mbaale afúp,
éde a ngá dzó ñí ná,
“Á ndzwée,
ngé wa ó vea ñí,
katge ma é vóm o ke yaá ñí bwíi,
véa ma ye ñí ke ñɔŋ.”
16 Ané Yesus a ngá dzó ñí ná,
“Á María!”
Éde ñí a ngá veŋan á mvús,
ané a dzó ñí á nkɔ́bɔ Ebreo ná,
“Á Raboní,”
(dá yíli ná,
Nyágale.)
17 Véa éñe Yesus a ngá dzó ñí ná,
“O táa ma nama,
amú ná me ngén kaa ábét ébe Tará.
Ve,
kéŋ ébe bɔbédzaŋ,
o dzó bɔ́ ná ma bét ébe Tará ya Ésúá wenan;
ébe é Nzamá wɔm ya é Nzamá wenan.”
18 Éde María Magdalena a ngá ke,
a kat beyága fwéñ ná,
“Me yén yaá Ntí!”
Ané a ngá dzó bɔ́ é mam a ngá kɔ́bɔ ya ñí.
Yesus aa yéne ébe ású béyága beñ
19 Mos te,
niané ŋgɔgɔ́ e ngá kwíñ,
é mos ósúá ye á sóánn,
ákoan mibéñ mí dzií é vóm beyága bé mbé bé kóán ákála wɔŋŋ ébe betébosú béye bejudio.
Véa énzénzaŋ deba éñe Yesus a ngá nzu sian á ntéle,
ané a ngá dzó bɔ́ ná,
“Mvwaá ya mína.”
Jesús se aparece a los discípulos (Juan 20.19-31)
20 Éde eé dzó dɔ,
ané a ngá lére bɔ́ mó ya mveañ.
Véa,
beyága bé ŋga sán niané bé ngá yem ná a ne Ntí.
21 Éde Yesus a ngá bera bɔ́ dzó ná,
“Mvwaá ya mína.
Ámvála Tará a ngá lóm ma,
néa fe ma ma lóm mína.”
22 Niané a ngá dzó dɔ,
éde a ngá vúŋ,
eé dzó bɔ́ ná,
“Ñɔŋŋán Mfúfúp Nsísim.
23 Ébá bése mína dzwii misémm,
mí ntɔɔ́ bɔ́ ndzwiiann.
Éñí áse ñí mína biñ myɔ,
mí tɔbɔ yaá mbiñann.”
Yesus bá Tomás
24 Ve Tomás,
nyága mbɔ́ɔ́ ye béyága awóm ya bé beáñ (éñí bé ngá lwée ná Mbyás),
ĕé mbé bábe bɔ́ éyɔŋ Yesus a ngá sian.
25 Véa éñe béyága bevɔ́ɔ́ bé ngá dzó ñí ná,
“Bí yén yaá Ntí!”
Ve ñí a ngá dzó bɔ ná,
“Ngé ma kaa áyén ávéŋŋ mesén é mó meñ,
me nii fe ónuú wɔm ávéŋŋ mesén,
é wéá wɔm wá me nii fe ó mveañ deñ,
măá ye ki dɔ yébe amvála enziŋ!”
26 Éde nia melú mmom,
ákoan ná beyága bé bera yaá tɔbɔ fufúlu á ndá été,
Tomás ñí a tɔɔ́ fe bábe bɔ́,
mibéñ myá mí tɔɔ́ fe ndzibann.
Véa énzénzaŋ deba éñe Yesus a ngá nzu sian á ntéle,
éde a ngá dzó ná,
“Mvwaá ya mína.”
27 Ané a ngá dzó Tomás ná,
“Niigé ónuú we ó vá,
dággé fe é mó mam.
Nzaá ya é wéá we,
o nii wɔ́ é mveañ dam.
Kaa ábɔ éñí a ne kaa ábwíni,
ve fáve ná bwíniŋé!”
28 Éde Tomás a ngá dzó ñí ná,
“Á Ntí wɔm ya é Nzamá wɔm!”
29 Véa Yesus ñí a ngá síli ñí ná,
“Ye wa bwíni amú ná o yén yaá ma?
Abwará ya ébá bé ngá bɔ kaa áyén,
ve bé bwíni.”
Bá lére akéá ye ábá dí