Pilato aa kómo dzɔgɔ Yesus
19
Tám te édɔ Pilato a ngá ñɔŋ Yesus á ŋga yít fe ñí.
2 Ané benzima bé ngá mana tsiŋ korona kát biyɔɔ́ bé bwára dɔ Yesus á nló,
bé bwára fe ñí mbamba étóp kéza;
Jesús condenado a muerte (Juan 19.1-16)
4 Éde Pilato a ngá bera kwíñ átán,
á dzó bɔ́ ná,
“Dággán,
ma nzu mína ya ñí átán,
á mfá ye ná míní yem ná măá koan etɔm enziŋ ébe éñe.”
5 Véa éñe Yesus a ngá kwíñ átán a baga korona kát biyɔɔ́,
ya fe mbamba étóp kéza.
Ané Pilato a ngá dzó bɔ́ ná,
“Mot te éñe ñí.”
6 Éde,
niané betébosú befára ya mewasíli bé ngá yén ñí,
bé ŋga yón ná,
“Dɔ́mlé ñí á krús!
Dɔ́mlé ñí á krús!”
Ané Pilato a ngá dzó bɔ́ ná,
“Mína bébyen ñɔŋŋán ñí,
míní dɔ́mle fe ñí á krús!
Amú ná măá koan etɔm enziŋ ébe éñe.”
7 Éde betébosú béye bejudio bá bé ngá yalan ya ñí ná,
“Bí belé nkɔɔ́ metsiŋŋ,
ya ámvála wá lére,
aa yian wú,
amú ná aa veŋan émyen é Mwán Nzamá.”
8 Niané Pilato a ngá wók efíá te,
á ŋga daŋ bera kɔ wɔŋŋ,
9 ané a ngá bera ñíi á kpatéle,
a síli Yesus ná,
“O ne mot ye ó vé?”
Ve Yesus ñí eé ndzí ñí vé eyalann.
10 Véa éñe Pilato a ngá síli ñí ná,
“Ye wăá yalan ya ma?
Ye wăá yem ná me belé nguu edzwée á mfá ávé wa filí,
ya fe ádɔ́mle wa á krús?”
11 Ané Yesus ñí a ngá yalan ya ñí ná,
“Wĕé belé nguu enziŋ ye ábɔ ma dzam,
ngé se éñe bá vé wa dɔ ó yóp.
Ya dzam te édɔ,
é mot á kee ma wa,
éñe a belé nsémm wá daŋ.”
12 Atéé ye véa,
Pilato á ŋga dzéŋ ná á dzáma ñí.
Ve betébosú béye bejudio bá bé ngá yónán ná,
“Ngé o dzáma mot te,
o sés fe Sesar mvwíññ!
Éñí áse aa bɔ émyen Kéza,
aa ke Sesar á ngamm áyát.”
13 Éde,
niané Pilato a ngá wók bifíá bíte,
ané a ngá kwíñ ya Yesus átán,
a kéñ tɔbɔ ósí é vóm bá kík misaŋ,
vóm te ó tɔɔ́ eyola ná “Ékaza Mekwá”,
(á nkɔ́bɔ Ebreo ñí ya “Gabata.”)
14 (A mbé é mos bá koman Paskua,
bebeñ ané amyeré) Éde a ngá dzó bejudio ná,
“Dággán,
é kéza wenan éñe ñí.”
15 Véa bejudio bá bé ŋga yónán ná,
“Á wá!
Á wá!
Dɔ́mlé ñí á krús!”
Ané Pilato a ngá síli bɔ́ ná,
“Ye ná me nzu dɔ́mle é kéza wenan á krús?”
Éde betébosú befára bé ngá yalan ná,
“Bĭí belé kéza mfé,
fáve Sesar.”
16 Tám te édɔ a ngá kee bɔ́ ñí ná bé dɔ́mle ñí á krús.
Bá dɔ́mle Yesus á krús
Véa éñe be ngá ke ya Yesus.
17 Éde a ngá kólo ó véa émyen a baga é krús deñ,
eé ke é vóm bé ngá lwée ná,
“Ékpékpéññ Nló” (bá dzó dɔ á nkɔ́bɔ Ebreo ná,
“Gólgota”),
La crucifixión (Juan 19.17-37)
19 Éde fe Pilato a ngá tsili bora ntsili,
a kele wɔ é krús Yesus áyóp.
Ntsili te ó mbé ná,
“Yesus Mwann Nasareno,
é Kéza Bejudio”.
20 Véa,
abwiññ bejudio dá daá láŋ fe ntsili te,
akála ná é vóm bé ngá dɔ́mle Yesus á krús ó mbé bebeñ ya kísoan;
ntsili te wá ó mbé fe á nkɔ́bɔ Ebreo,
á nkɔ́bɔ Latín,
ya fe á nkɔ́bɔ Griego.
21 Véa éñe betébosú befára bejudio bé ngá dzó Pilato ná,
“O táa tsili ná,
‘É Kéza Bejudio’,
ve fáve ná a ngá dzó ná,
‘Me ne é kéza bejudio.’ ”
22 Éde Pilato a ngá yalan ná,
“Édí me tsili yaá,
édɔ é tɔbɔ yaá ntsilann.”
23 Véa,
éyɔŋ benzima bé ngá dɔ́mle Yesus á krús,
ané bé ngá ñɔŋ bítóp byeñ,
bé kap byɔ bifas bí nii,
kada mwann benzima efas evɔ́ɔ́.
Éde fe bé ngá ñɔŋ élíŋŋá.
(Elíŋŋá te é mbé é belé olat ovɔ́ɔ́ atéé ye óyóp akekwíñ ósí,
é tɔɔ́ nlatán ngúrá.)
24 Véa éñe bevɔ́ɔ́ bé ngá dzó ébá bevɔ́ɔ́ ná,
“Bí táa dɔ ñap,
ve fáve ná bí kyákgán elíŋŋá te bemaa,
ná bí yén dá ye bɔ édí nzá.”
Édí te é mbé,
á mfá ye ná Ntsili ó dzálában ná,
“Bébyen ya bébyen baá kaban bítóp byam,
baá kyak fe bemaa étóp dam áyóp.”
Dzam te édɔ benzima bé ngá bɔ dɔ.
25 Véa bé mbé bebeñ á krús ná,
Yesus ñiá,
ya ñiá mwanñaŋ,
ya María éñí Kleofas,
ya María Magdalena.
26 Niané Yesus a ngá yén ñiá ya nyága a ngá dziŋ bé téle bebeñ ó véa,
ané a ngá dzó ñiá ná,
“Á Miningá,
dággé é mwán we éñe ñí!”
27 Véa éñe fe a ngá dzó nyága ná,
“Dággé ñuá éñe ñí!”
Éde atéé ye áwola te,
nyága te a ngá ñɔŋ ñí é ndá dzéñ émyen.
Áwú Yesus
28 Nia véa,
Yesus eé yem ná mam mése mé mana yaá tɔbɔ nkɔkgán (á mfá ye ná Ntsili ó dzálában),
ané a ngá dzó ná,
“Ma wók evéé.”
29 Éde kɔ́p é mbé é téle ó véa,
é tɔɔ́ ndzálánn ya é vino a ne saŋŋ.
Ané bé ngá ñɔŋ efús etóp bé dum dɔ á vino te été,
bé ká dɔ á ntéŋ isopo,
véa bé ŋga kee ñí dɔ ánu.
30 Niané Yesus a ngá ñú é vino a mbé saŋŋ te,
ané a ngá dzó ná,
“É tɔbɔ yaá nkɔkgán!”
Éde a ngá lwíi nló ósí,
a kee nsísim.
Bá dzii Yesus akɔŋŋ ó mveañ
31 Dá é tɔɔ́ ná,
a mbé é mos bá koman Paskua.
Betébosú béye bejudio bá bĕé ngá kómo ki ná mibim mí lígi á krús akekwíñ é mos Sátará (amú ná é mos Sátará te ó mbé bora mos).
Éde bé ngá dzaa Pilato ná bé búk bɔ́ mebɔ,
bé vea fe bɔ́ ó véa.
32 Ané benzima bé ngá ke,
bé búk mébɔ éñí ósúá ya éñí mbɔ́ɔ́,
ébá bé mbé bé ndɔ́mlán á krús bábe Yesus.
33 Niané bé ngá sian ébe Yesus,
bé yén ná a wú yaá,
éde bé ngá bɔ kaa fe ñí búk mebɔ.
34 Ve mwann benzima mbɔ́ɔ́ a ngá dzii ñí akɔŋŋ ó mveañ,
ané mekií ya mendzímm bí ngá kwíñ etéññ te ébyen.
35 Éde éñí aá yén,
a vé yaá dɔ ngañiá (é ngañiá weñ ñí a ne fe bébélá.
Aa yem ná aa kɔ́bɔ bébélá),
á mfá ye ná mína míní bwíni fe.
36 Mam méte mé ngá bɔban á mfá ye ná Ntsili ó dzálában ná,
“Éveés deñ enziŋ dăá ye tɔbɔ mbúkgán.”
37 Éde Ntsili ofé wá wá dzó fe ná,
“Bá ye dága éñí bé ngá dzii akɔŋŋ.”
Bá dzep Yesus ó sɔŋ
38 Niané mam méte mé ngá mana,
ané é José ye Arimatea,
éñí a mbé nyága Yesus ásweññ (akála ná a ngá kɔ betébosú béye bejudio wɔŋŋ,
a ngá ke dzaa Pilato ná á kee ñí mbim Yesus.
Éde Pilato a ngá yébe ñí dɔ.
Ané a ngá nzu ñɔŋ,
a kéñ fe ya mbim Yesus.
La resurrección (Juan 19.38-20.18)
39 Ya fe Nikodemo,
éñí a ngá tára ke áyén Yesus á alú,
ñí a ngá sɔ́ fe,
a belé mbwánn enum ó tɔɔ́ táŋ ané bekíl mewóm mé léa ya bekíl bé nii.
40 Véa éñe bé ngá ñɔŋ mbim Yesus,
bé mana wɔ vígile bítóp été ya é byém byá num mvéáñ,
ámvála fúlú bejudio é ne á mfá ndzepbann bot.
41 É vóm bé ngá dɔ́mle ñí á krús,
áfúp é mbé ó véa,
áfúp te été,
mfefeñ sɔŋ ndá ákwá ó mbé,
éñí e mbé ná băá bé tára dzep mot enziŋ été.
42 Véa,
akála ná a mbé é mos bejudio bá koman,
dá é tɔɔ́ ná sɔŋ da e mbé fe bebeñ,
ané bé ngá dzep Yesus ó véa.