Méyaglán mé Nkálá mitómá Yesukristo
17
Niané Yesus a ngá mana kɔ́bɔ mam méte,
éde a ngá bére mís á dzóp,
eé dzó ná,
Á Tará,
áwola é kwíñ yaá;
vá é Mwán we dúmá,
á mfá ye ná Mwán ñí á vé fe wa dúmá;
2 amvála ané o vé yaá ñí nguu edzwée ébe mot binam áse,
á mfá ye ná á vé ébá bése o vé yaá ñí éniŋ é ne mbéámbéá.
Jesús ora por sus seguidores (Juan 17.1-26)
3 Édɔ ná,
éniŋ é ne mbéámbéá édɔ dí ná,
bé yem wa,
wa etámm o ne ñá Nzamá,
ya fe Yesukristo,
éñí o ngá lóm.
4 Me vé yaá wa dúmá é sí ñí,
meé dzálá éséññ o ngá vé ma ná me bɔ.
5 Éde éndagá,
á Tará,
vá ma dúmá á mféŋŋ we wámyen ya é dúmá me mbé me belé bía wa ó mvús,
kaa ná éniŋ dzí é bɔ.
Yesus aa yaglan ya beyága
6 Ébe ébá o ngá vé ma éniŋ dzí,
me lére yaá bɔ́ éyola dwe;
bé mbé áabwe,
éde o ngá vé ma bɔ́,
bá bé baale yaá fe éfíá dwe.
7 Áwola dí bé yem yaá ná édí áse o vé yaá ma,
dá sɔ́ ébe wa;
8 amú ná me kee yaá bɔ́ é dzam áse o ngá kee ma;
bé ñɔŋ yaá mɔ,
bé yem yaá bébélá ná éñe maá sɔ́ ébe wa;
bé bwíni yaá fe ná,
wa waá lóm ma.
9 Ma yaglan ákála deba;
măá yaglan ákála éniŋ dzí,
ve fáve ákála ébá o vé yaá ma,
amú ná bé ne áabwe.
10 Ásesé wɔm,
a ne áawe,
áadwe é ne áadam,
ma me ñɔŋ yaá fe dúmá ébe ébɔ́.
11 Meé sés fe éniŋ dzí,
ve ébɔ́ bé ne éniŋ dzí,
ma mé ŋga nzu yaá ébe wa.
Á Mfúfúp Tará,
ébe ébá o vé yaá ma,
baalé bɔ́ ébe éyola dwe,
á mfá ye ná bé bɔ mot mbɔ́ɔ́,
ntéññ mbɔ́ɔ́ ané bía wa.
12 É tám me mbé bíabe bɔ́,
ébá o vé yaá ma,
me ngá baale bɔ́ ébe éyola dwe,
maá baale bɔ́,
mbɔ́ɔ́ enziŋ ye ébe bɔ́ ăá bé dzímle,
fáve mwán ye á ntsamann,
á mfá ye ná Ntsili ó dzálában.
13 Ve áwola dí,
mé ŋga nzu yaá ébe wa;
ma mé ŋga kɔ́bɔ yaá fe é mam má éniŋ dzí,
á mfá ye ná bé tɔbɔ ndzálánn abóm ya mésán mam ébe ébɔ́ bébyen.
14 Me vé yaá bɔ́ éfíá dwe,
éniŋ dzí dá é víni yaá fe bɔ́,
amú ná bé sés ébá béye éniŋ dzí,
amvála ané ma me sés ki éñí éniŋ dzí.
15 Măá dzaa ná ó vea bɔ́ éniŋ dzí,
ve fáve ná ó baale bɔ́ mfá ye ébe mbéa mot.
16 Bé sés ébá béye éniŋ dzí,
ntéññ mbɔ́ɔ́ ané ma me sés ki éñí ye éniŋ dzí.
17 Télegé bɔ́ eki á bébélá été;
éfíá dwe édɔ e ne bébélá.
18 Amvála ané o lóm yaá ma éniŋ dzí,
amvála te fe ma me lóm yaá bɔ́ éniŋ dzí;
19 ma téle mámyen eki ákála deba,
á mfá ye ná bá bé ne fe tébe eki á bébélá été.
Yesus aa yaglan ya ébá bá ye ke bá bwíni
20 Ve măá dzaa ákála ébá etámm,
ve ya fe ákála ébá bá ye ma bwíni ya éfíá deba;
21 á mfá ye ná bésesé bé bɔ mot mbɔ́ɔ́;
amvála ané wa Tára o ne ébe ma,
ma ébe wa,
bá bé tɔbɔ fe ébe bía,
á mfá ye ná éniŋ dzí é bwíni ná o lóm yaá ma.
22 É dúmá o vé yaá ma,
ma me vé yaá fe bɔ́ dɔ,
á mfá ná bé bɔ mot mbɔ́ɔ́ ané bía bí ne fe mot mbɔ́ɔ́;
23 ma ébe bɔ́,
wa ébe ma,
á mfá ye ná bé tɔbɔ ndzálánn éfulann été,
ná éniŋ dzí é yem ná waá lóm ma,
ya fe ná waá dziŋ bɔ́ ntéññ mbɔ́ɔ́ ané o dziŋ yaá ma.
24 Á Tará!
Ma kómo ná ébá o vé yaá ma,
é vóm me tɔɔ́,
bá bé tɔbɔ fe ó véa ya ma,
mfá ye ná bé yén é dúmá dam,
édí o vé yaá ma;
amú ná waá dziŋ ma kaa ná éniŋ dzí é tɔbɔ mvelann.
25 Á Tará a ne nzósoó,
afáŋbɔ ná éniŋ dzí deé ndzí wa áyem,
ma me yem yaá wa;
ébá bá bé yem yaá fe ná waá lóm ma.
26 Me vé yaá bɔ́ ná bé yem éyola dwe,
ma ye fe bɔ ná bé yem dɔ;
á mfá ye ná édziŋŋ o ngá dziŋ ma ya dɔ,
é tɔbɔ ébe bɔ́,
ma fe ébe bɔ́.