Yesus éñe a ne ñá mfaŋ ndzík
15
Ma me ne ñá mfaŋ ndzík,
Tará éñe ñí a ne mbeñ afúp.
2 Mfás óse ye ó ne kaa wúm bibumá ébe ma,
aa vea wɔ;
éwí áse wá wá wúm bibumá,
aa kpára wɔ ná ó tɔbɔ mfúbánn;
á mfá ye ná ó daŋdaŋ wúm bibumá.
La vid y las ramas (Juan 15.1-17)
4 Tɔbɔgán mbán ébe ma,
ma fe ébe mína.
Ntéññ mbɔ́ɔ́ ané mfás ndzík ó sés wúm bibumá ébyen etámm,
ngé wá kaa tsinibe á ndzík,
amvála te fe mína ngé mína kaa átɔbɔ mbán ébe ma.
5 Ma me ne ndzík,
mína mifás.
Éñí aa tɔbɔ mbán ébe ma,
ma fe ébe éñe,
éñí te aa wúm abwiññ bibumá,
amú ná nkánán ya ma,
míní sés bɔ dzam enziŋ.
6 Ngé mot aa bɔ kaa átɔbɔ mbán ébe ma,
bá ye ñí wea ó féñ ané mfás,
ñí a mana fe kót;
véa bé kóán myɔ,
bé wea myɔ á ndúán été,
myá mí ŋga dzík fe.
7 Ngé míní tɔbɔ mbán ébe ma,
bífíá byam byá bí tɔbɔ fe mbán ébe mína,
dzaagán édí mína kómo,
dá dá ye fe mína bɔban.
8 Ébe dzam te édɔ Tará aa ñɔŋ ya dɔ dúmá,
ná míní vé abwiññ bibumá,
néa éñe fe mína lére ná míní ne béyága bam.
9 Amvála ané Tará a dziŋ yaá ma,
amvála te fe ma me dziŋ yaá mína;
tɔbɔgán mbán édziŋŋ dam été.
10 Ngé míní baale mémvéná mam,
mína ye tɔbɔ mbán édziŋŋ dam été,
amvála ané ma me baale yaá mémvéná Tará,
ma tɔbɔ fe mbán édziŋŋ déñ été.
11 Me kɔ́bɔ yaá ya mína é mam má,
á mfá ye ná mésán mam mé ne tɔbɔ ébe mína,
ya fe ná mésán menan mé ne tɔbɔ ndzálánn abóm.
É mvéná Yesus
12 É mvéná dam édɔ ñí ná,
míní dziŋŋán bevɔ́ɔ́ ya ébá bevɔ́ɔ́,
amvála ané ma me dziŋ yaá fe mína.
13 Mot enziŋ ĕé belé édziŋŋ dá daŋ édí,
ná mot aa kee éniŋ dzeñ ákála bemvwíññ.
14 Míní ne bemwíi,
ngé mína bɔ édí ma mánan mína.
15 Măá bera fe mína lwée ná aloá,
amú ná oloá wăá yem édí é mása weñ aa bɔ.
Ve ma me lwée yaá mína ná bemwíi,
amú ná me lére yaá mína édí áse me wók yaá ébe Tará.
16 Se mína mínaá tɔ́p ma,
ve fáve ná ma maá tɔ́p mína,
me téle yaá fe mína ná,
míníí ke míní wúm bibumá,
ya fe ná ébumá denan é tɔbɔ mbán,
á mfá ná édí áse mína dzaa Tará ébe éyola dam,
á vé mína dɔ.
17 Édí,
édɔ ma mánan mína ná,
míní dziŋŋán bevɔ́ɔ́ ya ébá bevɔ́ɔ́.
Mot binam a ne ya nlém abé
18 Ngé bot béye é sí ñí bá víni mína,
yemŋán ná ma baá tára víni.
Jesús advierte sobre la persecución (Juan 15.18-16.4)
19 Ngé míní bɔ ébá béye é sí ñí,
ngé bot béye é sí ñí bá dziŋ mína ané áabeñ.
Ve dá é tɔɔ́ ná míní sés ébá béye é sí ñí,
ve fáve ná maá tɔ́p mína ébe é sí ñí été,
dzam te édɔ bot béye é sí ñí bá víni mína ya dɔ.
20 Símaŋánán éfíá me mvá mína kɔ́bɔ ná,
‘Oloá wăá lot é mása weñ.’
Ngé ma bé dzéŋ yaá ásí,
mína bá ye fe dzéŋ ásí;
ngé bé baale yaá éfíá dam,
bá ye fe baale áadenan.
21 Ve bá ye mína bɔ mam méte mése ákála éyola dam,
amú ná béé ndzí yem éñí aá lóm ma.
22 Ngé me bɔ kaa ásɔ́,
kaa ki ákɔ́bɔ ya bɔ́,
ngé bĕé belé nsémm.
Ve éndagá,
ébe nsémm weba,
băá bera fe belé mekéá.
23 Éñí aa víni ma,
aa víni fe Tará.
24 Ngé me bɔ kaa ábɔ míbɔann mot enziŋ ăá bé tára bɔ énzénzaŋ deba été,
ngé bĕé belé nsémm.
Ve éndagá bé yén yaá myɔ,
bé víni yaá fe átára ye ma,
akekwíñ ébe Tará.
25 Ve édí te,
á mfá ye ná éfíá é ne ntsilann á nkɔɔ́ métsiŋŋ weba é dzálában ná,
‘Baá víni ma,
kaa akéá.’