Miningá aa wáa Yesus mbwánn
12
Ákoan ná melú mé saman mé ŋga dzéŋ yaá ná é fét Paskua eé ku,
éde Yesus a ngá sian á Betania é vóm Lásaro a mbé,
éñí Yesus a ngá wómo míwúán été.
2 Ané bé ngá bɔ ñí bidzí ó véa,
Marta éñe a ngá belan ya bot,
Lásaro ñí a mbé mot mbɔ́ɔ́ ye é bot bábe bɔ́ bé mbé bé tɔɔ́ ó téble.
María unge a Jesús (Juan 12.1-11)
3 Éde,
María a ngá twáa mbwánn enum nardo ébyen etun litro,
ó tɔɔ́ mora táŋ,
á ŋga wáa wɔ Yesus mébɔ,
eé fími fe ñí mebɔ ya esií déñ.
(Ané ndá ngúrá e ngá dzéñ ya énum mbwánn te.)
4 Ve mot mbɔ́ɔ́ ye béyága beñ,
Judas Iskariote,
éñí a mbé ná á nkún ñí kuan,
a ngá dzó ná,
5 “Amú dzé băá tɔɔ́ kuan mbwánn enum wí táŋ bedenario mitet mí léa,
bé kee moann te mitétéññ?”
6 (Ve Judas a ngá dzó dɔ,
se ná aa yén mitétéññ engóngɔ́ɔ́,
fáve amú ná a mbé ndzídzíp,
dá é tɔɔ́ fe ná éñe a mbé a belé ekpea moann,
a ngá bɔ eé dzíp é dzóm bé ngá bɔ béé nii été.)
7 Ané Yesus a ngá dzó ná,
“Líkge ñí,
a ngá baale wɔ á mfá é mos ye á ndzepbann á sɔŋ wɔm.
8 Mína mína ye fe belé mitétéññ eyɔŋ ése ébe mína,
ve ma mínăá ye ma belé eyɔŋ ése.”
9 Éde mora nkuna bejudio ó ngá wórán ná Yesus a ne ó véa,
ané bé sɔ́,
se fáve ákála Yesus,
ve ya fe ná bá yén Lásaro,
éñí Yesus a ngá wómo míwúán été.
10 Ve betébosú befára bé ngá kík ná bá ywíñ fe Lásaro,
11 amú ná ákála deñ édɔ abwiññ bejudio é ngá kólo ya dɔ ébe bɔ́,
bé ŋga bwíni Yesus.
Yesus aa ñíi á Yerusalen
12 É mos ó ngá belan véa,
niané é mora nkuna bot ó ngá sɔ́ ó fét ó ngá wók ná Yesus aa nzu á Yerusalen,
Entrada triunfal a Jerusalén (Juan 12.12-19)
“Osana!
Abwará ya éñí aa nzu
ébe éyola Ntí,
Kéza ye Ísrael.”
14 Ané Yesus a ngá koan ya mwann edzakás,
éde ngá daŋ a tɔbɔ ñí áyóp,
amvála ané é ne ntsilann ná,
15 “Á mot ye á Sión,
o táa kɔ wɔŋŋ.
Dággé ná,
é Kéza we aa nzu
á tɔɔ́ á mwann edzakás áyóp.”
16 (Béyága béñ béé ndzí dɔ tára yem,
ve fáve éyɔŋ Yesus a ngá tɔbɔ á dúmá été,
véa éñe bé ngá síman ná dzam te é ngá tɔbɔ ntsilann á mfá weñ,
ya ná édɔ fe bé ngá bɔ ñí ya dɔ mam méte.)
17 Ané nkuna bot wá ó ngá vé fe ngañiá,
éwí ó mbé bábe bɔ́ éyɔŋ a ngá lwée Lásaro ó sɔŋ,
eé wómo fe ñí á miwúán été.
18 Ya dzam te fe nkuna bot ó ngá ke ñí ñɔŋ,
amú bé ngá wók ná aá bɔ eyágán ndem te.
19 Véa éñe befariseo bé ngá dzó bébyen ya bébyen ná,
“Yénŋán ná mínăá wún dzóm enziŋ,
eniŋ ngúrá é ŋga bee yaá ñí á mvús!
Yesus aa lére é dúmá deñ ébe áwú
20 Véa bwann begriego bé mbé,
bevɔ́ɔ́ benziŋ béye ébá bé ngá bét fe ó fét á mfá ákaŋ.
Jesús predice su muerte (Juan 12.20-36)
21 Éde ébá béte bé ngá ke koan ya Felipe,
éñí a mbé mot ye é Betsaida ye á Galilea,
bé ŋga dzaa ñí ná,
“Á ndzwée,
bía kómo yén Yesus.”
22 Ané Felipe ñí a ngá ke dɔ ádzó Andrés,
éde Andrés bá Felipe bá bé ngá ke fe dɔ ádzó Yesus.
23 Ané Yesus a ngá yalan ya bɔ́ ná,
Áwola é kwíñ yaá,
ná é Mwán Mot á ñɔŋ dúmá.
24 Bébélá ya bébélá ma dzó mína ná,
ngé nsɔ́ trigo wăá ku ó sí,
ó wéñ fe,
éwɔ etámm ó ne.
Ve ngé ó wéñ,
wá wúm abwiññ bibumá.
25 Éñí aa dziŋ éniŋ dzeñ,
aa ye dɔ dzímle;
ve éñí ñí aa víni éniŋ dzeñ é sí ñí,
aa ye dɔ baale á mfá éniŋ é ne mbéámbéá.
26 Ngé mot enziŋ a séan ya ma,
á beegé ma;
é vóm mé ne,
ó véa fe é mot ñí aa séan ya ma ñí aa ye tɔbɔ.
Ngé mot enziŋ aa séan ya ma,
Tará aa ye ñí vé esémm.
27 Éndagá,
ma wórán abé á nsísim wɔm été.
Éde me dzó á yá,
ye ná,
‘Á Tará,
korogé ma ébe áwola dí été’?
Ve dzam te édɔ,
ma me sɔ́ yaá ya dɔ ébe áwola dí.
28 Á Tará,
vá éyola dwe dúmá!
Ané kíŋŋ e ngá sɔ́ á dzóp été ná,
“Me vé yaá dɔ dúmá,
ma ye fe dɔ bera vé dúmá.”
29 Ya dzam te édɔ nkuna bot ó mbé ó téle ó véa,
weé wók fe dɔ ó ngá dzó ná,
“A tɔɔ́ eduŋŋ ndzaláŋ;”
ébá bevɔ́ɔ́ bá ná,
“Angel enziŋ éñe a mvá kɔ́bɔ ya ñí.”
30 Éde Yesus ñí a ngá yalan ná,
“Se ákála dam édɔ kíŋŋ te eé bɔ,
ve fáve ákála denan.
31 Éndagá,
nkíkgán misaŋ ye éniŋ dzí ó ntɔɔ́;
éndagá,
ntébosú ye éniŋ dzí bá ye ñí wea átán.
32 Édɔ ná,
niané ma ma ye tɔbɔ mbélánn óyóp ébe é sí ñí été,
ma ye dulu bot bése ébe mámyen.”
33 (A ngá dzó dzam te eé lére nzá ámvála awú á mbé ná á nkún wú.)
34 Éde nkuna bot ó ngá yalan ya ñí ná,
“Bí wók yaá á nkɔɔ́ métsiŋŋ été ná Kristo aa ye tɔbɔ kɔ́mm ya kɔ́mm.
Éde,
o ne dzó á yá ná,
‘É Mwán Mot aa yian tɔbɔ mbélánn óyóp?’
Nzá ki ñí a ne é Mwán Mot te?”
35 Ané Yesus a ngá dzó bɔ́ ná,
“É ngén oyomm tám ná eyéá é ne ébe mína.
Wulugán éyɔŋ míní belé eyéá,
á mfá ye ná dzíbi é nza mína biñ.
Éñí ñí aa wulu fe ó dzíbi ósí,
ăá yem é vóm aa ke.
36 É tám míní ngén míní belé eyéá,
bwíniŋán eyéá te á mfá ye ná míní bɔ bwán béye éyéá.”
Mbwínánn ya nlém aleét
Niané Yesus a ngá mana kɔ́bɔ mam méte,
éde a ngá kólo,
a sɔbɔ énzénzaŋ deba.
37 Ve afáŋbɔ ná a ngá bɔ abwiññ biyágán mendem ébe ású deba,
bá bĕé ngá bwíni ñí;
Creyentes y no creyentes (Juan 12.37-50)
“Á Ntí,
nzá a bwíni yaá é fwéñ dzea?
Nzá ki é nguu edzwée Ntí
é léreban yaá ébe éñe?”
39 Dzam te édɔ bĕé mbé bwíni ya dɔ;
amú Esaía a ngá bera fe dzó ná,
40 “A dzip yaá é mís meba,
a bɔ yaá fe nlém weba aleét;
á mfá ye ná bé táa yén ya mís,
bé bɔ fe kaa wórán ya nlém;
véa bé dzoban,
ma me séñ fe bɔ́.”
41 Esaía aá dzó dɔ,
amú ná aá yén é dúmá deñ,
aá kɔ́bɔ fe á mfá weñ.
42 Ve afáŋbɔ néa,
abwiññ bot énzénzaŋ betébosú été,
baá bwíni ñí,
ve akála befariseo,
bĕé ngá mem dɔ,
á mfá ye ná bé nza tsílán ya bɔ́ á sinagoga;
43 amú ná bé ngá dziŋ é dúmá bot álot é dúmá Nzamá.
Mésúgán bífíá Yesus á bot été
44 Éde Yesus a ngá yónán ná,
Éñí aa bwíni ma,
se ma aa bwíni,
ve fáve ébe éñí a lóm yaá ma.
45 Éñí aa yén ma,
aa yén fe éñí a lóm yaá ma.
46 Me sɔ́ yaá ané eyéá ye éniŋ dzí,
á mfá ye ná éñí áse aa bwíni ma,
á bɔ kaa tɔbɔ ó dzíbi ósí.
47 Ngé mot enziŋ aa wók bífíá byam,
éñe kaa byɔ ádzálá,
măá kík ñí nsaŋ,
amú ná meé ndzí sɔ́ éniŋ dzí á mfá ákík misaŋ,
ve fáve á mfá ákoro eniŋ.
48 Éñí aa tep ma,
éñe kaa ki áñɔŋ bífíá byam,
á mbelé éñí aa kík ñí nsaŋ,
éfíá me kɔ́bɔ yaá édɔ dá ye ñí kík misaŋ é mos wá súgan.
49 Amú ná,
meé ndzí kɔ́bɔ ya é nguu dzam mámyen,
ve fáve ná é Tará émyen a lóm yaá ma,
a vé yaá ma mvéná ébe édí ma yian dzó ya édí ma yian kɔ́bɔ.
50 Ma ma yem fe ná é mvéná deñ é ne éniŋ é ne mbéámbéá.
Dzam te édɔ,
édí ma kɔ́bɔ,
ma kɔ́bɔ dɔ amvála ané Tará a dzó yaá ma dɔ.