Bá dzili miningá á medzíán été
8
Ve Yesus ñí a ngá ke nkoó Álíba.
2 Niané kírí e ngá léne,
éde a ngá bera sɔ́ á templo,
ané nnam ngúrá ó ngá ke ébe éñe;
ñí á ŋga vé fe bɔ́ ayágalé,
a tɔɔ́ ósí.
Jesús perdona a mujer condenada (Juan 8.02-11)
3 Ané beyágale métsiŋŋ ya befariseo bé ngá sɔ́ ya miningá ná bá dzili ñí á medzíán été,
éde bé ngá nzu ñí téle á bot été.
4 Ané bé ngá dzó ñí ná,
“Á Nyágale,
é miningá ñí bé dzili ñí á medzíán mébyen été.
5 Éde á nkɔɔ́ métsiŋŋ été,
Moisés aá mánan bía ná,
ámvála biningá te bí lúm dɔ mekwá.
Ve wa wa dzó á yá?”
6 Bá bé ngá dzó dzam te ná bá kyak ñí,
á mfá ye ná bé belé nzá ámvála bé ne ñí sɔ́mán.
Ve Yesus ñí a ngá lúŋbe ósí,
á ŋga tsili ó sí ya onuú.
7 Éde akála ná bé ngá tsíni béé síli ñí,
ané a ngá tébe tételé a dzó bɔ́ ná,
“Éñí a ne kaa nsémm ébe mína,
á bɔɔ́ge é mot ósúá aa wea ñí akwá.”
8 Ané a ngá bera lúŋbe ósí,
á ŋga tsili ó sí.
9 Véa éñe ébɔ́,
niané bé ngá wók dɔ,
bé ŋga kólo mbɔ́ɔ́ ya mbɔ́ɔ́,
átée ye beñá bot,
ané a ngá lígi etámm ya é miningá a mbé a téle énzénzaŋ.
10 Niané Yesus á ngá tébe tételé,
éde a ngá dzó miningá ná,
“Á miningá,
bé ntɔɔ́ vé?
Ye ná mbɔ́ɔ́ enziŋ ăá vé wa meku?”
11 Ané a ngá yalan ná,
“Á Ntí,
kaa mbɔ́ɔ́.”
Ané Yesus a ngá dzó ñí ná,
“Ma măá vé ki wa meku.
Kéŋ,
atéé ye áwola dí o táa bera bɔ nsémm.”
Yesus éñe a ne eyéá ye éniŋ
12 Ané Yesus a ngá bera kɔ́bɔ ya bɔ́ eyɔŋ efé,
eé dzó ná,
“Ma me ne éyéá bot béye é sí ñí;
éñí aa bee ma,
ăá ye wulu ó dzíbi ósí,
fáve ná aa ye belé eyéá ye éniŋ.”
Jesús es la luz del mundo (Juan 8.12-30)
13 Éde véa befariseo bé ngá dzó ñí ná,
“Wa wa vé wámyen ngañiá;
é ngañiá we a sés bébélá.”
14 Ané Yesus ñí a ngá yalan ya bɔ́ ná,
Atwaa ngé ma vé mámyen ngañiá,
é ngañiá wɔm a ne bébélá,
amú ná ma yem é vóm maá sɔ́,
ya é vóm ma ke;
ve mína,
mínăá yem é vóm maá sɔ́,
ngé ki é vóm ma ke.
15 Mína mína kík nsaŋ amvála ané mot binam,
ma măá kík mot enziŋ nsaŋ.
16 Ve ngé ma kík ki nsaŋ;
nsaŋ wɔm ó ne bébélá;
amú me sés fáve mámyen etámm,
ve ná ma ya é Tará a ngá lóm ma.
17 É ne ntsilann á nkɔɔ́ métsiŋŋ wenan été ná,
é ngañiá bot bé beáñ a ne bébélá.
18 Ma me ne éñí aa vé é ngañiá wɔm mámyen,
é Tará aá lóm ma,
ñí aa vé fe é ngañiá wɔm.
19 Ané bé ngá síli ñí ná,
“Ésúá a ne ó vé?”
Éde Yesus a ngá yalan ná,
“Mínăá yem ma,
mínăá yem ki Tará.
Ngé míní yem ma,
ngé mína yem fe é Tará wɔm.”
20 A ngá kɔ́bɔ mam méte éyɔŋ a ngá yágale bot á templo,
é vóm bé ngá bɔ béé nii bivévé;
mot enziŋ kaa ñí ábiñ,
amú ná ákoan áwola deñ dăá bé kwíñ.
Yesus aa dzó ná aa ye ke
21 Ané a ngá bera bɔ́ dzó ná,
“Ma ke,
mína ye ma dzéŋ,
ve mína ye wú mísémm myenan été;
é vóm ma ke,
míní sés ki kwíñ ó weñ.”
22 Éde betébosú béye bejudio bé ngá dzó ná,
“Ye aa ye ywíñ émyen eé dzó ná ‘é vóm ma ke míní sés ki kwíñ ó weñ?’”
23 Éde Yesus a ngá dzó bɔ́ ná,
“Míní ne bot béye ásí,
ma me ne mot ye óyóp,
míní ne bot béye é sí ñí,
ma me sés mot ye é sí ñí.
24 Dzam te édɔ me mvá mína dzó ya dɔ ná,
mína ye wú mísémm myenan été;
amú ná ngé mína kaa ábwíni ná ma me ne,
mína ye wú mísémm myenan été.”
25 Ané bé ngá síli ñí ná,
“O ne nzá?”
Éde Yesus ñí a ngá yalan ya bɔ́ ná,
“Édí me dzó yaá mína atéé ye átáraga?
26 Me belé abwiññ mam ye ákɔ́bɔ ya ákík nsaŋ ébe mína;
ve éñí a lóm yaá ma a ne bébélá;
édɔ ná,
é mam mé wók yaá ébe éñe,
mam méte émɔ ma kɔ́bɔ bot béye é sí ñí.”
27 Ve béé ndzí yem ná aa kɔ́bɔ ya bɔ́ á mfá Éséá.
28 Dzam te édɔ Yesus a ngá dzó ya dɔ ná,
“Éyɔŋ mína ye bére é Mwán Mot óyóp,
véa éñe mína ye yem ná ma me ne,
ya fe ná măá bɔ dzam enziŋ ya é nguu dzam mámyen,
fáve ná ámvála Tará a vé yaá ma ayágalé,
mam méte émɔ ma kɔ́bɔ.
29 Éñe ñí a lóm yaá fe ma,
a ne bía ñí;
ñí ăá lík ki ma etámm,
amú ná ma bɔ eyɔŋ ése édí dá vé ñí nlém mesán.”
30 Éde eé kɔ́bɔ mam méte,
abwiññ bot é ngá bwíni ñí.
Bébélá éñe aa ye mína tɔɔ filí
31 Ané Yesus a ngá dzó béjudio bé ngá bwíni ñí ná,
“Ngé míní tɔbɔ mbán áyágalé dam été,
mína ye bɔ béñá béyága bam;
Jesús se enfrenta a falsos discípulos (Juan 8.31-59)
33 Ané bé ngá yalan ya ñí ná,
“É mvɔŋ Abraam édɔ bí ne,
bĭá bé ki tɔbɔ áloá mot enziŋ.
Nzá amvála wa dzó ná,
‘Mína ye tɔbɔ filí?’”
34 Éde Yesus ñí a ngá yalan ya bɔ ná,
Bébélá ya bébélá ma dzó mína ná,
éñí áse aa bɔ nsémm a ne oloá ye á nsémm.
35 Oloá wá wăá tɔbɔ ki eyɔŋ ése á ndá;
ve fáve mwán éñe aa tɔbɔ eyɔŋ ése.
36 Édɔ ná,
ngé Mwán a tɔɔ́ mína filí,
mína ye tɔbɔ ñá filí.
37 Ma yem ná é mvɔŋ Abraam édɔ míní ne,
ve mína,
mína dzéŋ ná míní ywíñ ma,
amú ná éfíá dam dĕé belé afóo ébe mína.
38 É mam me yén yaá ébe Tará;
émɔ ma kɔ́bɔ,
ané mína mína bɔ fe é mam míní wók yaá ébe ésúá wenan.
Déble éñe a ne bɔ́ éséá
39 Éde bá bé ngá yalan ya ñí ná,
“É tará wea éñe a ne Abraam.”
Ané Yesus a ngá dzó bɔ́ ná,
“Ngé é bwán Abraam ébɔ́ míní bɔ,
ngé míbɔann Abraam émyɔ mína bɔ.
40 Ve éndagá mína mína dzéŋ ná míní ywíñ ma,
é mot me kɔ́bɔ yaá mína é bébélá me wók yaá ébe Nzamá.
Édí te Abraam ñí eé ndzí dɔ bɔ.
41 Mína bɔ míbɔann ésúá wenan.”
Éde bé ngá dzó ñí ná,
“Bíí ndzí byála bíbwan été;
bí belé éséá mbɔ́ɔ́,
Nzamá.”
42 Ané Yesus a ngá dzó bɔ́ ná,
Ngé Nzamá éñe á bɔ Ésúá wenan,
ngé mína dziŋ ma,
amú ná é ma ñí éñe maá sɔ́ ébe Nzamá,
akála ná meé ndzí sɔ́ ya é nguu dzam mámyen,
ve fáve ná éñe aá lóm ma.
43 Amú dzé mínăá wók nkɔ́bɔ wɔm?
Akála ná míní sés wók bífíá byam.
44 Míní ne é bwán ésúá wenan déble,
míkómánn ésúá wenan émyɔ fe mína kómo dzálá.
A ne nywíññ bot atéé ye átáraga,
eé ndzí tɔbɔ mbán á bébélá été,
amú ná bébélá a sés ébe éñe.
Éyɔŋ aa kɔ́bɔ mineá,
aa kɔ́bɔ é dzam deñ émyen,
amú ná a ne nnéneá ya fe éséá mineá.
45 Ve ma,
akála ná ma kɔ́bɔ bébélá,
mínăá bwíni ma.
46 Nzá ye ébe mína aa bwaale ma nsémm?
Ngé ma kɔ́bɔ bébélá,
amú dzé mínăá bwíni ma?
47 Éñí a ne é mot Nzamá,
aa wók bífíá Nzamá;
dzam te édɔ mínăá wók ya dɔ,
amú ná míní sés ébá Nzamá.
Yesus aa kɔ́bɔ ébe á mfá Abraam
48 Ané betébosú béye bejudio bé ngá yalan ya ñí ná,
“Nde bĭá dzó bébélá ná o ne mwann Samaritano ya fe ná o belé mbéa nsísim?”
49 Éde Yesus a ngá yalan ná,
“Mĕé belé mbéa nsísim,
fáve ná ma séme é Tará wɔm,
ve mína mína lére ma osoán.
50 Ve ma măá dzéŋ é dúmá dam,
éñí aa dzéŋ dɔ a ne;
aa kík fe misaŋ.
51 Ma dzó mína bébélá ya bébélá ná,
ngé mot a dzálá bífíá byam,
ăá ye wú mbéámbéá.”
52 Éde betébosú béye bejudio bé ngá dzó ñí ná,
“Áwola dí édɔ bí túga yaá yem ná o belé mbéa nsísim.
Abraam ya bekúlu medzó baá wú,
éde wa wa dzó ná,
‘Ngé mot a baale bífíá byam ăá ye kyak awú mbéámbéá.’
53 Ye o ne bora mot ádaŋ tará wea Abraam éñí aá wú?
Bekúlu medzó bá bá wú fe.
Wa bɔ wámyen nzá?”
54 Éde Yesus a ngá yalan ná,
“Ngé ma vé mámyen dúmá,
é dúmá dam é ne nzeze;
Tará éñe a ne éñí aa ye ma vé dúmá;
éñí mína dzó ná,
‘a ne é Nzamá wea.’
55 Mína mínăá yem ñí;
ve ma ma yem ñí.
Véa ngé ma dzó ná măá yem ñí ma ye bɔ nnéneá ané mína.
Ve fáve ná ma ma yem ñí,
ma baale fe éfíá deñ.
56 Ésúá wenan Abraam,
a ngá sán eé yana ná áyén é mos wɔm;
aá yén wɔ́,
á ŋga sán fe.”
57 Dzam te édɔ betébosú béye bejudio bé ngá dzó ya ñí dɔ ná,
“Wăá bé ki belé mibú mewóm mé tán!
Ye ná o yén yaá Abraam?”
58 Éde Yesus a ngá dzó bɔ́ ná,
“Ma dzó mína bébélá ya bébélá ná,
kaa ná Abraam á byála,
ma me ne.”
59 Ané bé ngá twáa mekwá ná bá lúm ñí mɔ;
ve Yesus ñí a ngá sɔbɔ,
a kwíñ á templo átán.
[Ané a ngá kólo bɔ́ été,
a kéñ].