Yesus bɔbéñaŋ bá lére éndendaŋ ná băá bwíni ñí
7
Véa,
Yesus a ngá ke aa wulu á Galilea,
éñe kaa fe ákómo áke á Judea amú ná betébosú béye bejudio bé ngá dzéŋ ná bá ywíñ ñí.
2 Ákoan fét bejudio é ntɔɔ́ bebeñ,
éñí bitɔbɔga.
Los líderes judíos quieren matar a Jesús (Juan 7.1-24)
3 Éde,
bɔbéñaŋ bé ngá dzó ñí ná,
“Kólogé ó vá,
o ke á Judea á mfá ye ná béyága bwe bá bé yén fe míbɔann wa bɔ;
4 amú ná mot enziŋ ăá bɔ dzam ásweññ éyɔŋ aa kómo ná bé yem ñí á bot été.
Ngé wa bɔ é mam má,
kéŋ álére wámyen á bot béye é sí ñí été.”
5 (Amú ná atwaa bɔbéñaŋ bá bĕé ngá bwíni ki ñí.)
6 Ané Yesus á ngá dzó bɔ́ ná,
“É tám dam dăá bé kwíñ,
ve é tám denan édɔ é ne eyɔŋ ése.
7 Bot béye é sí ñí bé sés mína víni,
ve bá víni ma,
akála ná ma vé é ngañiá á mfá weba ná míbɔann myeba mí ne abé.
8 Bétgán ó fét;
ma măá ke ó fét te,
amú ná é tám dam dăá bé dzálában.”
9 Niané a ngá mana dzó dzam te,
a ngá lígi á Galilea.
Yesus aa ke ó fét bitɔbɔga
10 Ve niané bɔbéñaŋ bé ngá bét ó fét,
éde ñí a ngá ke fe;
afáŋbɔ se éyéá été,
ve fáve ané ásweññ.
11 Dzam te édɔ betébosú béye bejudio bé ngá dzéŋ ñí ya dɔ ó fét,
béé dzó ná,
“Mot te a ne ó vé?”
12 Abwiññ miswa é ngá bɔban á bot été;
mingúrá mí bot mií dzó ná,
“A ne mbamba mot,”
ébá bevɔ́ɔ́ bá ná,
“Kaa,
fáve ná aa duk bot.”
13 Afáŋbɔ néa,
mot enziŋ ĕé ngá kɔ́bɔ á mfá weñ á bot été,
amú ná bé ngá kɔ betébosú béye bejudio wɔŋŋ.
14 Ve,
énzénzaŋ fét ébyen,
éñe Yesus a ngá bét a kéñ ñíi á templo á ŋga yágale bot.
15 Ya dzam te édɔ betébosú béye bejudio bé ngá ku ya dɔ mevoó,
béé dzó ná,
“É mot ñí a ne belé nyemann á yá,
éñe kaa áñɔŋ méyágalé?”
16 Éde Yesus ñí a ngá yalan ya bɔ́ ná,
Ayágalé dam é sés áandam,
é ne édí éñí a ngá lóm ma.
17 Ngé mot enziŋ aa kómo bɔ nkómánn Nzamá,
aa ye yem ngé ayágalé dam dá sɔ́ ébe Nzamá,
ngé ki ná ma kɔ́bɔ ya é nguu dzam mámyen.
18 Éñí aa kɔ́bɔ á mfá weñ émyen,
aa dzéŋ é dúmá deñ émyen;
ve éñe ñí aa dzéŋ e dúmá éñí a ngá lóm ñí,
mot te éñe a ne bébélá mot,
ekúkwát dá é sés ki ébe éñe.
19 Nde se Moisés éñe aá vé mína nkɔɔ́ métsiŋŋ?
Afáŋbɔ ná mot enziŋ ye ébe mína ñí ăá dzálá wɔ!
Ve,
akála dzé mína dzéŋ ná míní ywíñ ma?
20 Ané nkuna bot ó ngá yalan ná,
“O belé mbéa nsísim.
Nzá aa dzéŋ ná aa ywíñ wa?”
21 Éde Yesus a ngá yalan ya bɔ́ ná,
Mbɔann dzam avɔ́ɔ́ me bɔ,
édɔ mína bésesé mína míní mana yaá ku mevoó.
22 Ya dzam te édɔ Moisés a ngá vé mína nkíkgán mekeé (se ná ó mbé éwí Moisés,
ve fáve ná,
ó mbé éwí bimvámvámm byeñ);
édɔ ná é mos Sátará wá mína kík fe fám akeé.
23 Ngé fám da ñɔŋ nkíkgán akeé é mos Sátará á mfá ye ná bé bɔ kaa tsam nkɔɔ́ métsiŋŋ Moisés,
akála dzé mína wók abé ya ma,
ngé ma me mana séñ mot é mos Sátará?
24 Kaa kíkgán nsaŋ ya édí bá yén,
ve kíkgánán nsaŋ ó ne nzósoó.
25 Ané bot benziŋ béye á Yerusalen bé ngá dzó ná,
“Nde se é mot bá kómo ywíñ éñe ñí?
Los líderes tratan de arrestar a Jesús (Juan 7.25-53)
26 Yénŋánán,
aa kɔ́bɔ á bot été,
bá kaa ñí ádzó dzam enziŋ.
Ye a ne bɔ tám enziŋ ná betébosú bé yem yaá bébélá ná Kristo éñe ñí?
27 Ve bía,
bía yem é vóm mot ñí aa sɔ́;
ve éyɔŋ Kristo aa ye sɔ́,
mot ăá ye yem é vóm aa sɔ́.”
28 Éde Yesus eé yágale á templo été,
a ngá yónán ya kíŋŋ oyaáp óyóp,
eé dzó ná,
“Mína yem ma,
mína yem fe é vóm ma sɔ́;
ma meé ndzí ki sɔ́ ya é nguu dzam mámyen.
Ve éñí a ngá lóm ma a ne bébélá,
éñí míní ne kaa yem.
29 Ma yem ñí,
amú ná éñe maá sɔ́ ébe éñe,
ané fe éñí á ngá lóm ma.”
30 Ya dzam te édɔ,
bé ngá dzéŋ ya dɔ ná bé biñ ñí;
ve mot enziŋ eé ndzí ñí kee mó ó ñúu,
amú ná ákoan é tám deñ dăá bé kwíñ.
31 Ve,
abwiññ bot béye á nkuna bot été é ngá bwíni ñí,
bé ŋga dzó ná,
“Éyɔŋ Kristo aa ye sɔ́,
ye aa ye bera bɔ méndem má lot émá é mot ñí a bɔ yaá?”
Benzima bá ke biñ Yesus
32 Niané befariseo bé ngá wók nkuna bot wá ke wá kɔ́bɔ mam méte á bíswaáswaá été á mfá weñ,
éde betébosú befára ya befariseo bé ngá lóm mewasíli ná bé ke ñí biñ.
33 Éde Yesus a ngá dzó bɔ́ ná,
“Me ngén bíabe mína táŋ oyomm tám;
nia véa me búlán ébe éñí a ngá lóm ma.
34 Mína ye ma dzéŋ,
ve mínăá ye koan ya ma;
míní sés ki kwíñ é vóm me tɔɔ́.”
35 Ané betébosú béye bejudio bé ngá ke bá dzó bébyen ya bébyen ná,
“Vóm mbé é mot ñí aa nkún ke,
ya fe ná bí sés koan ya ñí?
Ye ná a nkún nzu ke é sí begriego bé ne myeann,
á mfá áyágale begriego?
36 Édí a dzó yaá dí dá yíli á yá,
ná,
‘Mína ye ma dzéŋ,
mínăá ye koan ya ma;
ya fe ná míní sés ki kwíñ é vóm me tɔɔ́’?”
37 É mos ó ngá súgan,
é bora mos onén ye ó fét,
Yesus a téle tételé,
éde a ngá bére kíŋŋ ó yóp,
eé dzó ná,
“Ngé mot enziŋ a belé evéé,
á nzá ébe ma,
á ñá fe.
38 É mot aa bwíni ma,
ané Ntsili wá dzó ‘Á nlém weñ été aswíñ mendzímm ye éniŋ dá ye fwíigan.’ ”
39 (Ve,
a ngá dzó dzam te ébe á Nsísim ye ébá bé ngá bwíni ñí bé mbé ná bé nkún ñɔŋ;
ákoan Nsísim ăá bé sian,
ya ná Yesus ñí ăá bé ki tɔbɔ á dúmá deñ été.)
40 Éde,
bot benziŋ béye á nkuna bot,
niané bé ngá wók bífíá bíte,
bé ŋga dzó ná,
“Bébélá ya bébélá ná éñí éñe a ne nkúlu medzó.”
41 Ébá bevɔ́ɔ́ bá ná,
“É mot ñí a ne Kristo.”
Ve,
befé bá bé ngá dzó ná,
“Ye é ne Kristo aa ye sɔ́ á Galilea?
42 Nde Ntsili wăá dzó ná Kristo aa ye sɔ́ é mvɔŋ bot David,
á Belén,
é dzeá David a mbé a tɔɔ́?”
43 Ané nkánán ó ngá ñíi á nkuna bot été ákála deñ.
44 Éde bevɔ́ɔ́ bé ngá kómo ñí biñ,
ve mot enziŋ eé ndzí ñí kee mó ó ñúu.
Betébosú bá lére éndendaŋ ná băá bwíni Yesus
45 Niané mewasíli mé ngá búlán ébe betébosú befára ya befariseo,
éde bé ngá síli bɔ́ ná,
“Amú dzé míníí ndzí sɔ́ ya ñí?”
46 Ané mewasíli mé ngá yalan ná,
“Mot enziŋ mfé ăá bé tára kɔ́bɔ ané mot te.”
47 Véa éñe befariseo bé ngá síli bɔ́ ná,
“Ye mína bé duk yaá fe?
48 Ye mot enziŋ ye betébosú,
ngé ki mot enziŋ ye befariseo a bwíni yaá ñí?
49 Ve nkuna bot wá ó ne kaa áyem nkɔɔ́ métsiŋŋ wí,
ó ne ya biboŋ.”
50 Éde Nikodemo,
a tɔɔ́ mot mbɔ́ɔ́ ye ébe bɔ́,
éñí a ngá tára ke ébe Yesus,
a ngá síli bɔ́ ná,
51 “Ye nkɔɔ́ métsiŋŋ wea wá kík mot nsaŋ ngé kaa ná bé tára ñí byéa,
véa bé yem é dzam á bɔ?”
52 Ané bé ngá yalan ya ñí ná,
“Ye wa o ne fe mot ye á Galilea?
Fasge,
o yén ná nkúlu medzó enziŋ ăá bé sɔ́ á Galilea.”
53 Éde kada mot a ngá ke é ndá dzeñ.