Obaá ya bidzwiigá
17
Éde Yesus a ngá dzó béyága beñ ná:
“Abaá é sés bɔ kaa ásɔ́;
ve,
ngwáa é mot aa bɔ ná é sɔ́!
2 Dá daŋ ya mvéáñ ná bé tsini ñí mora akwá ó kíŋŋ,
bé wea ñí á máŋ été,
ya ná á bɔ́ mwán mbɔ́ɔ́ enziŋ ye áyomm bwán dí ná á kɔp obaá.
3 Mína bébyen tɔbɔgán ya nkée!
“Ngé mwanñɔŋ aa bɔ nsémm,
bámaŋé ñí;
ngé a dzoban,
dzwiigé ñí.
4 Ngé a bɔ wa abé biyɔŋ zaŋgbéá á mos,
a búlán fe ébe wa biyɔŋ zaŋgbéá eé dzó wa ná:
‘Ma dzoban’,
dzwiigé ñí.”
Desdicha Hacia Aquellos que Hagan Pecar a Otros
Nguu mbwínánn
5 Éde baapostol bé ngá dzó Ntí ná:
“Vémeŋé bía mbwínánn.”
6 Éde ñí a ngá yalan ya bɔ́ ná:
“Ngé míní belé mbwínánn abímm avé nsɔ́ mostasa ovɔ́ɔ́,
ngé mína dzó élé sikómoro dí ná:
‘Fumuŋé,
beñbé fe á máŋ été’,
ngé dá ye mína wók.
Éséññ oloá
7 “Nzá ye ébe mína a ne bɔ ná,
a belé oloá ná wá beñ ñí afúp,
ngé ki ná wá baale ñí mitómá,
niané wá sɔ́ á mfínn,
eyɔŋ te a dzóo oloá te ná:
‘Dzígá tɔbɔ ó téble?’
8 Ve,
aa ye ñí dzó ná:
‘Komŋán ma bidzí bí ŋgɔgɔ́,
tɔbɔgé fe nkomann ná o seŋ ma bidzí akekwíñ ané ma ye mana dzí ya áñú;
véa,
éñe wa wa ye dzí ya áñú.’
9 Ye mot te aa vé oloá te akíba amú ná ó bɔ é dzam a mvá lóm ñí?
10 Amvála te fe mína,
éyɔŋ míní mana yaá bɔ ásesé bé mvá mánan mína,
dzógán ná:
‘Bí ne aloá é ne kaa eban;
amú ná bí bɔ fáve édí bí mvá yian bɔ.’ ”
Yesus aa séñ awóm mizénzamm
11 A ngá bɔ ná,
Yesus eé ke á Yerusalen,
éde a ngá lot á Samaria ya á Galilea.
12 Niané a ngá ñíi dzeá enziŋ,
éde awóm mizénzamm é ngá nzu tóban ya ñí,
ané bé ngá tébe oyaáp,
13 éde bé ngá bére mekíŋŋ,
béé dzó ná:
“Á Yesus,
á Ndzwée,
kpeegé bía engóngɔ́ɔ́!”
14 Niané a ngá yén bɔ́,
ané a ngá dzó bɔ́ ná:
“Keŋán,
lérebán fe ébe befára.”
Éde a ngá bɔ ná,
béé ke,
ané bé ngá tɔbɔ mvwaá.
15 Éde nzénzamm mbɔ́ɔ́ ye été,
niané ó ngá yén ná ó ntɔɔ́ mvwaá,
ané ó ngá búlán ó mvús,
weé vé fe Nzamá dúmá ya kíŋŋ oyaáp ó yóp.
16 Éde ó ngá kútbe asú ósí mébɔ ósí Yesus,
eé vé ñí akíba.
Mot te a mbé mot ye á Samaria.
17 Ané Yesus a ngá síli,
a dzóo ná:
“Ye se awóm bot édɔ é tɔbɔ mvwaá?
É bot ebuú bá bé ne vé?
18 Ye ná băá búlán fe ná bé vé Nzamá dúmá,
fáve nnéŋ ñí?”
19 Éde Yesus a ngá dzó ñí ná:
“Tébegé,
kéŋ fe;
mbwínánn we ó koro yaá wa.”
Édzwée Nzamá dá ye sɔ́ á yá
20 Éde niané befariseo bé ngá síli Yesus ná,
tám fé édzwée ngɔ́mán Nzamá dá ye sɔ́,
ané ñí a ngá yalan ya bɔ́,
a dzóo ná:
“Édzwée Nzamá dăá ye sɔ́ ébe mína ya méndem má yéne.
21 Băá ye dzó ná:
‘Dággán,
édɔ dí!’
Ngé ki ná:
‘Dággán,
é ne ólwí!’
Amú ná,
édzwée ngɔ́mán Nzamá é ne ébe mína.”
22 Éde a ngá dzó béyága beñ ná:
“Tám da nzu,
é tám mína ye kómo áyén mos mbɔ́ɔ́ ye é mos é Mwán Mot,
ve mínăá ye wɔ́ yén.
23 Bá ye mína dzó ná:
‘Dággán ólwí!’
Ngé ki ná:
‘Dággán ó vá!’
Míní táa ke,
míní táa ki bɔ́ bee!
24 Amú ná amvála ané vevés da feañ,
ya ávé eyéá ó yóp,
atéé ye á ngúrá etun akekwíñ étun evɔ́ɔ́,
amvála te fe é Mwán Mot ñí aa ye bɔ é mos weñ.
25 Ve,
dá yian ná a tára dzuk abwiññ,
myee bot wí ó tep fe ñí.
26 Éde,
amvála ané é ngá bɔ mélú Noé,
amvála te fe dá ye bɔ mélú é Mwán Mot.
27 Bé ngá dzí,
bé ngá ñú,
bé ngá lúk,
béé kean fe mélúk,
akekwíñ é mos Noé a ngá ñíi árka été;
ané mora mveŋ e ngá sɔ́,
e mana bɔ́ dzéa bésesé.
28 Ntéññ mbɔ́ɔ́ te fe é ngá lot mélú Lot:
Bé ngá dzí,
bé ngá ñú,
bé ngá kus,
bé ngá kuan,
bé ngá beñ,
bé ngá lóŋ fe;
29 ve,
é mos Lot a ngá kólo á Sodoma,
ndúán ya efit,
ébyɔ bí ngá nɔ́ŋ ó yóp,
éde bí ngá mana bɔ́ dzéa bésesé.
30 Éñe dá ye bɔ néa é mos é Mwán Mot aa ye yéne.
31 “Mos te,
é mot aa ye bɔ á ndzií áyóp,
é byém byeñ byá bí tɔɔ́ á ndá été,
a táa sigi ná aa ke byɔ átwáa;
ntéññ mbɔ́ɔ́ te fe éñí ñí aa ye bɔ á mfínn,
a táa búlán twáa é byém bí ngá lígi ñí.
32 Símaŋán é miningá Lot.
33 É mot áse aa ye dzéŋ ná á koro éniŋ dzeñ,
aa ye dɔ dzímle;
éñí ñí aa dzímle dɔ,
aa ye dɔ nii.
34 “Ma dzó mína ná,
alú te,
bot bé beáñ bá ye bómo enɔŋŋ evɔ́ɔ́,
bá ye twáa mbɔ́ɔ́ ye été,
éñí mbɔ́ɔ́ ñí,
bé lígi.
35 Biningá bé beáñ bá ye kwa bidzí fufúlu,
bá ye ñɔŋ mbɔ́ɔ́ ye été,
éñí mbɔ́ɔ́ ñá bé lígi.
36 Befám bé beáñ bá ye bɔ á mfínn,
bá ye twáa mbɔ́ɔ́ ye été,
éñí mbɔ́ɔ́ ñí,
bé lígi.”
37 Éde bé ngá síli ñí ná:
“Á Ntí,
mam méte má ye bɔban ó vé?”
Ané ñí a ngá yalan ya bɔ́ ná:
“É vóm mbim ó ne,
ó véa,
éñe mikúŋŋ myá ye kóán.”