Bot bá yian dzoban
13
Tám te ébyen,
bot benziŋ bé mbé ó véa,
béé kat ñí é fwéñ Pilato a ngá ywíñ bot béye á Galilea,
a fulan mékií meba ya émá méye mótúnŋa bébyen.
2 Éde Yesus a ngá yalan,
a dzóo bɔ́ ná:
“Ye mína tém ná bot béye á Galilea béte,
bé ngá dzuk amvála te amú ná ébɔ́ bé mbé bebɔ misémm ádaŋ é bot bése bevɔ́ɔ́ béye á Galilea?
3 Ma dzó mína ná,
kaa;
fáve ná,
ngé mína kaa ki ádzoban,
mína bésesé mína mína ye fe wú ntéññ mbɔ́ɔ́.
4 Ngé ki awóm bot ya bot mmom nkum ye á Siloé ó ngá ku áyóp,
ó mana bɔ́ ywíñ,
ye mína tém ná bé mbé mitɔtɔ́mm ádaŋ bot bése béye á Yerusalen?
5 Ma dzó mína ná,
kaa;
fáve ná,
ngé mína kaa ki ádzoban,
mína bésesé mína mína ye fe wú ntéññ mbɔ́ɔ́.”
Nganán ye élé é mbé kaa áwúm
6 Éde a ngá vé é nganán ñí:
“Mot enziŋ a mbé a belé elé igera á mfínn weñ;
ané a ngá ke dzéŋ bibumá été,
éñe kaa ákoan ya byɔ.
7 Éde a ngá dzó é mot a ngá baale mfínn te ná:
‘Dággé,
é ntɔɔ́ yaá mibú mí léa meé nzu meé dzéŋ bibumá bíye élé dí,
ma kaa ákoan ya byɔ.
Éde kíkge dɔ,
amú dzé dá ye dzí afóo sí kaa eban?’
8 Ané ñí a ngá yalan á ñí,
a dzóo ná:
‘Á mása,
beragá dɔ lík táŋ ngúrá mbú,
ná me ke ma fá dɔ méféŋŋ ya áswii dɔ nsút sí.
9 Eyɔŋ enziŋ dá ye wúm bibumá;
ngé é bɔ kaa áwúm,
véa wa ye dɔ kík.’ ”
Yesus aa séñ miningá é mos Sátará
10 Yesus a ngá yágale á sinagoga fɔ́ɔ́ enziŋ é mos Sátará.
11 Éde miningá enziŋ ñí a mbé ó véa,
a belé nsísim okwann táŋ awóm mibú ya mibú mmom.
A ngá wulu a ngwána,
ĕé mbé ki ñueban amvála enziŋ.
12 Niané Yesus a ngá yén ñí,
ané a ngá lwée ñí,
a dzóo ñí ná:
“Á miningá,
o lígi yaá filí ébe ókwann we.”
13 Éde a ngá bere ñí mó,
etéññ te ébyen fe a ngá ñueban,
á ŋga vé fe Nzamá dúmá.
14 Éde ntébosú ye á sinagoga a ngá yéá amú ná Yesus a séñ yaá miningá é mos Sátará,
ané a ngá dzó bot ná:
“Bá yian bɔ eséññ táŋ mos mí saman,
nzaán a séñban mos míte;
ve,
se é mos Sátará.”
15 Éde Ntí ñí a ngá yalan ya ñí,
a dzóo ná:
“Á bot meduk!
Ye ná kada mot ye ébe mína á tsii éña deñ ngé ki édzakás deñ ábemá,
eyɔŋ te a kéñ dɔ ñúu mendzímm é mos Sátará,
ngeá?
16 Ve,
é miningá ñí,
ñí a ne é mwán Abraam;
Sátan a mbé a belé ñí nkáán táŋ awóm mibú ya mibú mmom,
ye ná é mvá yian kólo ébe ngara te é mos Sátará?”
17 Niané Yesus a ngá dzó dzam te,
éde mínzínzíŋŋ myeñ míse mí ngá mana wók osoán ébe ású deñ;
éde nkuna bot óse wá ó ngá sán ya é mam mé dúmá a ngá bɔ.
Sanación en el Sabbat
É nganán nsɔ́ wa daŋ ya avítsaŋ, éwí Mostasa
18 Éde fe a ngá dzó ná:
“Édzwée Nzamá dá fonan ya dzé?
Ma ye ki dɔ kanan ya dzé?
19 Dá fonan ya é nsɔ́ mostasa mot a ngá ñɔŋ,
a beñ wɔ áfúp deñ été,
ané ó ngá vém,
ó veŋan elé,
anwann ye ó yóp dá é ŋga lóŋ fe mumá mítem myeñ.”
El Reino de Dios como una Semilla de Mostaza
Nganán fé ye édzwée ngɔ́mán Nzamá
20 Éde fe a ngá bera dzó ná:
“Nzá dzóm ma ye kanan ya dɔ ya édzwée ngɔ́mán Nzamá?
21 Édzwée Nzamá dá fonan ya é levadura miningá a ngá ñɔŋ,
a nii dɔ á vuvú été,
vuvú te e tɔɔ́ mivakgán mí léa,
akekwíñ ané ásesé a ngá mana ñɔŋ dak levadura.”
Mbéñ ó ne ofanfán
22 Éde Yesus a ngá ke étun á Yerusalen,
eé ke aa yágale békísoan ya é meá mése a ngá lot.
23 Ané mot enziŋ a ngá síli ñí ná:
“Á Ntí,
ye ébá bá ye koroban bé ne avítsaŋ?”
Éde ñí a ngá yalan ya bɔ́ ná:
24 “Yémŋán ná míní ñíi á mbéñ ó ne ofanfán,
amú ná ma dzó mína ná abwiññ bot dá ye dzéŋ ná é ñíi,
ve băá ye fe dɔ kɔk.
25 Niané myenn ndá aa ye tébe,
a fet mbéñ,
véa,
mína ye tára ná mína tébe átán,
míní ŋga kut mbéñ,
míní ŋga dzó fe ná:
‘Á mása,
kúugé bía mbéñ;’
ané ñí aa ye yalan,
a dzóo mína ná:
‘Măá yem é vóm mína sɔ́.’
26 Eyɔŋ te éde mína ye tára ná mína dzó ná:
‘Bí ngá dzí ya ñú bíabe mína,
o ngá yágale fe míseŋ myea.’
27 Ané ñí aa ye kɔ́bɔ eé dzó mína ná:
‘Măá yem é vóm mína sɔ́;
kólogán ma ó mís,
mína bésesé,
bebɔ mebé!’
28 Ó véa,
éñe mína ye yi ya álaran mesoŋŋ,
éyɔŋ mína ye yén Abraam,
Isaak,
Jakob ya bekúlu medzó bése,
bé tɔɔ́ édzwée ngɔ́mán Nzamá,
ve míní tɔɔ́ nweán átán.
29 Bot bá ye sɔ́ mfá nlódzóp wá tée,
mfá wá dzím,
ókwiññ ya nkyeññ,
bá ye tɔbɔ ósí édzwée ngɔ́mán Nzamá été.
30 Dággán,
bot bé ne ómvús ná bá ye tébe ósú,
ébá bevɔ́ɔ́ bá bé ne ósú ná bá ye tébe ómvús.”
Yesus aa yi amú Yerusalen
31 Áwola te ébyen éde befariseo benziŋ bé ngá sɔ́,
béé dzó Yesus ná:
“Kólogé ó vá,
o ke,
amú ná Erodes aa kómo wa ywíñ.”
32 Éde ñí a ngá yalan ya bɔ́ ná:
“Keŋán,
dzógán fe mvaá te ná:
‘Dággán,
ma ye tsílán ya bembéa misísim,
ma ye fe séñ bot é mos wí ya ookírí;
é mos léa me mana.’
33 Ve déá,
dá yian ná me tsíni ékena dam é mos wi,
ookírí ya fe ódzánn;
amú ná é sés bɔban ná nkúlu medzó á wú vóm mfé,
fáve á Yerusalen.
34 “Á Yerusalen,
á Yerusalen,
wa wa ywíñ bekúlu medzó;
ébá bá lóm ébe wa wa lúm fe bɔ́ mekwá!
Biyɔŋ táŋ á yá me ngá kómo kóán é bwán bwe amvála ané kúp da kóán é bwán béñ méfaáp meñ ásí;
ve,
weé ndzí dɔ kómo!
35 Édɔ é ne ná,
é ndá dzenan é lígi yaá nlamann.
Bébélá,
ma dzó mína ná,
mínăá ye ma bera yén,
akekwíñ ané tám da ye kwíñ,
éyɔŋ mína ye dzó ná:
‘Abwará ya éñí aa nzu ya éyola Ntí!’ ”