Yesus aa lóm beyága mewóm zaŋgbéá ya bé beáñ
10
Niané mam méte mé ngá lot,
éde Ntí a ngá téle beyága befé táŋ mewóm zaŋgbéá ya bé beáñ,
ané a ngá lóm bɔ́ ósú weñ bé beáñ ya bé beáñ á meá ya mévóm mése á mbé ná a nkún ke.
2 Éde a ngá dzó bɔ́ ná:
“Bébélá biwólo bidzí bí ne abwiññ,
ve bebɔ biséññ bé ne avítsaŋ;
éde dzaagán Ntí a ne ya bídzí bíte ná á lóm bebɔ biséññ á mfínn weñ.
3 Keŋán;
ma lóm mína ané bwann mitómá énzénzaŋ bíbyó été.
4 Míní táa ke ya mfák,
ngé ekpea moann,
ngé tsén mengop;
míní táa ki sómo mot enziŋ á nzenn.
5 É ndá áse mína ñíi,
táragán dzó ná:
‘Mvwaá eé bɔɔ́ge é ndá ñí.’
6 Éde,
ngé mot mvwaá enziŋ a ne ó véa,
é mvwaá denan da ye tɔbɔ ya ñí;
ve,
ngé a sés,
é mvwaá denan da ye búlán ébe mína.
7 Tɔbɔgán ndá te,
dzáán,
ñáán fe é dzóm bá ye mína vé;
amú ná mbɔ biséññ aa yian ya é máán meñ.
Míní táa ke mína wulu mendá ya mendá.
8 É dzeá áse mína ye ñíi,
ngé bé ñɔŋɔ mína,
dzáán é dzóm bá ye mína vé;
9 séñŋán míkúkwann mí ne bɔ ó véa,
dzógán fe bɔ́ ná:
‘Édzwée Nzamá é ntɔɔ́ yaá mína bebeñ.’
10 Ve,
ngé míní sian á kísoan enziŋ bá kaa mína áñɔŋ ó véa,
ñíigán míseŋ myeba été,
míníí dzó fe bɔ́ ná:
11 ‘Atwaa mbúlgé ye é kísoan denan ó mvá kárán bía mébɔ,
bía sas wɔ́,
ná ó bwaale mína.
Ve déá,
yemŋán ná édzwée ngɔ́mán Nzamá é ntɔɔ́ bebeñ.’
12 Ma dzó mína ná,
mos ye éndáglé,
kísoan te da ye yén abé ádaŋ Sodoma.”
Ngwáa ya békísoan bé ne kaa ádzoban
13 “Ngwáa ya wa,
Korasin!
Ngwáa ya wa,
Betsaida!
Ngé á Tiro ya Sidón éñe bé bɔ bíwólo bí mam bí ngá bɔban ébe mína,
ngé bá bem ádzoban,
bé bwát bitóp méyep,
bé tɔbɔ fe ásuúp été.
14 Ve déá,
é mos bá ye kík misaŋ,
mína ye bíra ñɔŋ endáglé ádaŋ Tiro bá Sidón.
15 Ya fe wa,
á Kapernaúm,
ye wa ye mana bét akekwíñ á dzóp?
Wa ye sigi akekwíñ á sí békónn!
16 “Éñí aa wók mína,
ma aa wók;
éñí ñí aa tep mína,
ma aa tep;
ve,
éñí ñí aa tep ma,
aa tep éñí a ngá lóm ma.”
Ábúlánn beyága mewóm zaŋgbéá ya bé beáñ
17 Éde beyága mewóm zaŋgbéá ya bé beáñ bé ngá búlán ya mesán,
béé dzó ná:
“Á Ntí,
atwaa bembéa misísim bá bá ku fe bía ásí ya éyola dwe.”
18 Éde Yesus a ngá dzó bɔ́ ná:
“Me mvá yén Sátan eé kóbo á dzóp ané vevés a kpéñ ásí.
19 Dággán,
ma vé mína edzwée ná míní tsibi beñó ya bekáráolere;
ma vé fe mína édzwée dá daŋ é nguu ése nzínzíŋŋ,
dzóm enziŋ dăá ye mína dzugu.
20 Ve déá,
míní táa sán ná misísim myá ku mína ásí,
ve sánŋán amú ná bíyola byenan bí ntɔɔ́ yaá ntsilann á dzóp été.”
Yesus aa va
21 Áwola te ébyen,
Yesus,
a tɔɔ́ ndzálánn ya mesán á Mfúfúp Nsísim été,
ané a ngá dzó ná:
“Á Tará,
ma lugu wa,
Ntí ye á dzóp ya sí,
amú ná o ngá swala bebelé kén ya mifefák é mam má,
ve o lére yaá mɔ bɔ́ŋŋ.
Ãá,
á Tará,
amú ná éñe waá yén mvéáñ néa ébe ású dwe.
22 “É Tará wɔm a mana yaá ma kee mam mése.
Mot enziŋ ăá yem nzá a ne Mwán,
fáve Éséá etámm;
ngé ki ná nzá a ne Éséá,
fáve Mwán etámm,
ya é mot Mwán aa kómo dɔ lére.”
23 Niané a ngá ke bábe béyága beñ vóm enziŋ évwíñ,
éde a ngá dzó bɔ́ ná:
“Mvɔmm ya é mís má yén é mam mína yén má;
24 amú ma dzó mína ná,
abwiññ bekúlu medzó ya bekéza bé ngá kómo yén é mam mína yén má,
ve béé ndzí mɔ yén;
bé ngá kómo fe wók é mam mína wók má,
ve béé ndzí ki mɔ wók.”
É nganán mbamba mot ye á Samaria
25 Tám enziŋ,
ané nyem metsiŋŋ enziŋ a ngá tébe ná aa kyak Yesus,
éde a ngá síli ñí ná:
“Á Nyágale,
ma yian bɔ á yá á mfá ye ná me wún éniŋ é ne mbéámbéá?”
26 Ané ñí a ngá síli ñí ná:
“Dzé é ne ntsilann á métsiŋŋ été?
Wa láŋ á yá?”
27 Éde nyem metsiŋŋ a ngá yalan ná:
“Dziŋŋe Ntí,
é Nzamá we,
ya nlém we óse,
ya éniŋ dzwe áse,
ya é nguu dwe áse,
ya ósímánn we óse;
dziŋŋe fe é mot mbɔ́ɔ́ ámvála wa dziŋ wámyen.”
28 Ané Yesus a ngá dzó ñí ná:
“Oó yalan yaá mvéáñ.
Bɔɔ́ge dzam te,
wa ye niŋ.”
29 Ve,
mot te a ngá kómo ñɔŋ ná émyen a ne nzósoó,
éde a ngá síli Yesus ná:
“Nzá a ne ma é mot mbɔ́ɔ́ te?”
30 Éde Yesus a ngá yalan ya ñí,
a dzóo ná:
“Mot enziŋ a ngá sɔ́ á Yerusalen ná aa ke á Jerikó,
ané benzeé midzɔ́ŋŋ bé ngá biñ ñí,
bé mana ñí dut akekwíñ bitóp,
bé mana fe ñí baa mevéŋŋ,
ané bé ngá lík a bóo ná á ŋga yaá wú,
bé kéñ.
31 Éde,
ya nzóŋán,
fára enziŋ ñí a ngá sɔ́ fe nzenn te;
niané a ngá yén mot te,
ané a ngá sáale ñí,
a kéñ.
32 Amvála te fe mot ye áyɔŋ Leví;
niané a ngá kwíñ bebeñ vóm te,
a yéne ñí,
ané a ngá sáale ñí,
ñí a kéñ fe.
33 Ve,
mot enziŋ ye á Samaria ñí a ngá ke nzenn te,
éde a ngá kwíñ é vóm mot te á mbé;
niané a ngá yén ñí,
ané a ngá kpee ñí engóngɔ́ɔ́,
34 éde a ngá yit ñí bebeñ,
á ŋga yala ñí mevéŋŋ,
eé swii mɔ mbwánn ya vino;
ané a ngá bwíi ñí édzakás deñ áyóp,
a kéñ ya ñí á ndá beyéŋ,
á ŋga baale fe ñí.
35 É mos mbɔ́ɔ́ ó ngá belan véa,
éde a ngá twáa bedenario bé beáñ,
a kee bɔ́ é mot á mbé ya ndá,
a dzóo ñí ná:
‘Baale ma ñí;
é dzóm áse wa ye dzímle áyóp,
ma ye yáán ya wa dɔ éyɔŋ ma ye búlán.’
36 Éde,
nzá ye é bot bé léa bá aa fonan ya wa ná a ngá lére é mot benzeé midzɔ́ŋŋ bé ngá biñ ná a ne ñí é mot mbɔ́ɔ́?”
37 Éde nyem metsiŋŋ te a ngá yalan ya ñí ná:
“É mot a ngá kpee ñí engóngɔ́ɔ́.”
Ané Yesus ñí a ngá dzó ñí ná:
“Kéŋ,
wa bɔɔ́ge fe amvála te.”
Parábola del Buen Samaritano
Yesus aa fép Marta bá María
38 Niané bé ngá ke,
ané Yesus a ngá sian dzeá enziŋ,
éde miningá enziŋ,
a tɔɔ́ eyola ná Marta,
a ngá ñɔŋ ñí é ndá dzeñ.
39 Miningá te a mbé a belé mwanñaŋ,
béé lwée ñí ná María;
ané María te a ngá tɔbɔ mébɔ ósí Ntí,
á ŋga wók bífíá byeñ.
40 Ve,
Marta ñí a mbé ndzálánn ya abwiññ biséññ,
éde a ngá nzu dzó Yesus ná:
“Á Ntí,
ye ná wĕé téa ané mwadzaŋ aa lík ma bɔ bíséññ etámm?
Dzóge ñí ná á vwála ma.”