Juan Ndubot a ne éyáŋŋ été
3
Mbú awóm ya tán ye édzwée kéza Tiberio,
Ponsio Pilato éñe á mbé ŋgɔ́vina ye á Judea.
Erodes ñí a mbé nkúkúmá ye á Galilea,
mwanñaŋ weñ Felipe ñí a tɔɔ́ nkúkúmá ye mébeŋŋ mé sí méye á Iturea ya Trakonite,
Lisanias ñí a tɔɔ́ nkúkúmá ye Ábilinia;
2 tám te Anás bá Kaifas ébɔ́ bé mbé betébosú befára benén.
Eyɔŋ te éde Nzamá a ngá kɔ́bɔ ya Juan,
é mwán Zakarías,
éyáŋŋ été.
3 Éde Juan a ngá tóban ábeŋŋ sí áse é ne bebeñ óswíñ bá lwée ná Yordán,
eé dzó bot ná bé dzoban,
bé duuban fe,
á mfá ye ná mísémm myeba mí tɔbɔ ndzámann,
4 amvála ané é ne ntsilann ábá nkúlu medzó Esaía,
ná:
“Kíŋŋ da yónán éyáŋŋ été ná:
‘Komŋán é nzenn Ntí;
bɔgán ñí ménzenn mé ne tételé.
5 Yee áse aa ye tɔbɔ ndzalbán,
nkoó áse ya ndómm nkoó áse da ye siliban o sí,
ménzenn mé ne mikwát má ye sóŋan,
ménzenn mé ne ya bikóndómm má ye dzálában;
6 éde mot áse aa ye yén ákoroga Nzamá.’ ”
7 Ábwiññ bot é ngá ke ná Juan á du bɔ́,
a ngá dzó bɔ́ ná:
“Á ayɔŋ beñó!
Nzá a ngá yága mína ané bá túp méyéá mé nkún sian má?
8 Édɔ é ne ná,
wúmŋán bíbumá byá lére ná míní dzoban yaá,
míní táa ki tém mílém myenan été ná:
‘Bí ne é bwán Abraam!’
Amú,
ma dzó mína ná atwaa mékwá má Nzamá a ne mɔ áveŋan é bwán Abraam.
9 Éde fe ná,
ovón ó mbóo yaá ó tsín bilé.
Élé ése é ne kaa áwúm bembamba bibumá bá ye dɔ kík,
bé wea fe dɔ á ndúán.”
10 Éde bot bé ngá síli ñí ná:
“Bía yian bɔ á yá?”
11 Ané a ngá yalan ya bɔ́ ná:
“É mot a belé biwómán bí beáñ á vá éñí ĕé belé,
ya éñí ñí a belé bidzí á bɔɔ́ge fe amvála te.”
12 Éde fe beñɔŋ mfóŋsí benziŋ bé ngá ke ébe éñe á mfá ye ná á du bɔ́,
ané bé ngá síli ñí ná:
“Á nyágale,
bía yian bɔ á yá?”
13 Ané Juan ñí a ngá dzó bɔ́ ná:
“Míní táa ñɔŋ bot mfóŋsí álot ábímm dá yian.”
14 Benzima benziŋ bá bé ngá síli fe ñí ná:
“Bía ki,
bía ye bɔ á yá?”
Éde a ngá yalan ya bɔ́ ná:
“Míní táa ñɔŋ mot dzóm ya nguu ngé ki ya bisɔ́mán bí ne mineá,
tɔbɔgán fe mvwaá ya é máán menan.”
15 Bot bé ngá yana béé síli fe mílém myeba été ná:
“Se Juan éñe a ne Kristo ngeá?”
16 Ané Juan a ngá yalan ya bésesé ná:
“Ma,
bébélá,
ma du mína ya mendzímm,
ve mot mfé aa nzu;
a ne nguu ádaŋ ya ma,
aa ye fe mína du ya Mfúfúp Nsísim ya ndúán.
Mot te măá yian tsii mikɔɔ́ míye méngop meñ.
17 Aa nzu ya ekyeñ mí sɔŋ ó mó,
á mfá ásigle ábana trigo deñ,
eé nii misɔ́ mí trigo é sitúa deñ,
bikop byá eé dzígi é ndúán e ne kaa ádzím.”
18 Amvála te,
ya abwiññ melépgá mefé,
éde Juan te a ngá báma bɔ́ abwiññ biyɔŋ,
eé kat fe bɔ́ mbamba fwéñ.
19 Ve a ngá bwaale fe ŋgɔ́vina Erodes mfá Erodias,
é miningá mwanñaŋ Felipe,
ya mébé mése mevɔ́ɔ́ Erodes te a ngá mana bɔ.
20 Éde Erodes a ngá bera bere abé afé mébé meñ áyóp;
édɔ é ne ná,
a ngá fet Juan á mbok.
Yesus aa duuban
21 A ngá bɔ ná,
éyɔŋ bot bése bé ngá duuban,
éde fe Yesus ñí a ngá duuban,
eé yaglan fe,
ané dzóp é ngá kúuban,
22 éde Mfúfúp Nsísim a ngá sigi ébe éñe,
eé yéne ané obeŋŋ.
Ané kíŋŋ e ngá sɔ́ á dzóp deé dzó ná:
“Wa o ne ndzindziŋŋ Mwán wɔm,
wa vé ma mesán á nlém.”
Bautizo de Jesús por Juan
Mébárán Yesus
23 Yesus a mbé a belé ané mibú mewóm mé léa é tám a ngá tára éséññ Nzamá deñ.
Ya ámvála bot bé ngá bwíni,
a mbé é mwán José,
24 é mwán Elí,
é mwán Matat,
é mwán Leví,
é mwán Melki,
é mwán Jana,
é mwán José,
25 é mwán Matatías,
é mwán Amós,
é mwán Naúm,
é mwán Esli,
26 é mwán Nagai,
é mwán Maat,
é mwán Matatías,
é mwán Semei,
é mwán José,
é mwán Judá,
27 é mwán Joana,
é mwán Resa,
é mwán Zorobabel,
é mwán Salatiel,
28 é mwán Neri,
é mwán Melki,
é mwán Adi,
é mwán Kosam,
é mwán Elmodam,
é mwán Er,
29 é mwán Yesus,
é mwán Elieser,
é mwán Jorim,
é mwán Matat,
30 é mwán Leví,
é mwán Simeón,
é mwán Judá,
é mwán José,
é mwán Jonán,
é mwán Eliakim,
31 é mwán Melea,
é mwán Mainán,
é mwán Matata,
é mwán Natán,
32 é mwán David,
é mwán Esaí,
é mwán Obed,
é mwán Booz,
é mwán Salmón,
é mwán Naasón,
33 é mwán Aminadab,
é mwán Aram,
é mwán Esrom,
é mwán Fares,
é mwán Judá,
34 é mwán Jakob,
é mwán Isaak,
é mwán Abraam,
é mwán Taré,
35 é mwán Nakor,
é mwán Serug,
é mwán Ragau,
é mwán Peleg,
é mwán Eber,
é mwán Sala,
36 é mwán Kainán,
é mwán Arfaksad,
é mwán Sem,
é mwán Noé,
37 é mwán Lamek,
é mwán Matusalén,
é mwán Enok,
é mwán Jared,
é mwán Maalaleel,
é mwán Kainán,
38 é mwán Enós,
é mwán Set,
é mwán Adán,
é mwán Nzamá.