Schabꞌil Pedro sbꞌi jun carta tic, aton jun schabꞌil carta stzꞌibꞌejnacbꞌat vin̈aj apóstol Pedro dꞌa masanil ebꞌ creyente sacleminac yajbꞌat dꞌa junjun lugar. Ix yabꞌ vin̈aj Pedro chiꞌ to ay juntzan̈xo ebꞌ cꞌaybꞌum sqꞌue vaan dꞌa scal ebꞌ creyente chiꞌ dꞌa junjun iglesia, yuj chiꞌ ay ebꞌ creyente somchaj chaan̈ yuj juntzan̈ chꞌoc cꞌaybꞌubꞌal chiꞌ. A syutej juntzan̈ ebꞌ chiꞌ yalani to man̈xo ol javoc Cristo, yujto van yecꞌ tiempo syil ebꞌ.

Aton chiꞌ syal vin̈aj Pedro dꞌa ebꞌ creyente chiꞌ, yuj chiꞌ yovalil stecꞌbꞌej sbꞌa ebꞌ dꞌa screyenteal, yic man̈ comonoc somchaj spensar ebꞌ yuj juntzan̈xo ebꞌ chiꞌ. A Dios yojtac tas yuj tzꞌecꞌ jabꞌocxo tiempo sjavi Cristo dꞌa schaelal, yujto ayto ebꞌ anima manto colchajlaj.