Bꞌabꞌel Juan sbꞌi jun carta tic, aton jun sbꞌabꞌel carta vin̈aj apóstol Juan stzꞌibꞌejnacbꞌat dꞌa ebꞌ creyente dꞌa junjun lugar. A tas syal vin̈ dꞌa scarta tic, to yovalil sxajanej sbꞌa ebꞌ. A junoc mach xajanan ebꞌ anima, syalelcꞌochi yojtac Dios, yujto xajan ebꞌ anima yuj Dios chiꞌ. Ay chabꞌ cꞌaybꞌubꞌal syal jun carta tic: Bꞌabꞌel, tzꞌacꞌji stecꞌanil ebꞌ vachꞌ yacꞌan yedꞌ Dios yedꞌ pax Jesucristo. Schabꞌil, syal dꞌa ebꞌ creyente to max comon och tzacꞌan ebꞌ yuj juntzan̈ chꞌoc cꞌaybꞌubꞌal, yic vachꞌ an̈ej dꞌa Dios ayoch spensar ebꞌ. Yujto a ebꞌ chiꞌ, syal ebꞌ to a masanil tas squil yedꞌ co sat, ayn̈ejoch chucal dꞌay, syalpax ebꞌ to a Yuninal Dios, maj yacꞌochlaj sbꞌa animail. Syalanpax ebꞌ to a tas sco cꞌulej dꞌa yolyibꞌan̈qꞌuinal tic, vachꞌchom chuclaj, malaj yalan yic dꞌa co colnabꞌil tic, xchi ebꞌ.

Palta a vin̈aj Juan chiꞌ, syal vin̈ to Jesucristo val yel Yuninal Dios, yacꞌnacoch sbꞌa animail. A ebꞌ tzꞌacꞌanoch dꞌa scꞌool, vachꞌocabꞌ syutej sbꞌeybꞌal ebꞌ, xajananpax yetanimail ebꞌ.