Bꞌabꞌel Pedro sbꞌi jun carta tic, aton jun sbꞌabꞌel carta vin̈aj apóstol Pedro stzꞌibꞌejnacbꞌat dꞌa ebꞌ creyente sacleminac yajbꞌat dꞌa stojolal bꞌaj sjavi cꞌu dꞌa yol yic Asia Menor, aton ebꞌ spechji bꞌeyecꞌ yuj slolonel Dios. Stzꞌibꞌejnacbꞌat jun carta tic vin̈, yic syacꞌan stecꞌanil ebꞌ creyente chiꞌ vin̈, syacꞌan vin̈ snaꞌ ebꞌ, tas ajnac scolchaj ebꞌ yuj Dios, yujto a Cristo chamnac, spitzvinacxi, aton jun chiꞌ yovalil syacꞌoch ebꞌ yipoc scꞌool. Syacꞌan techaj ebꞌ yabꞌan syail, yujto yojtac ebꞌ to ol scha spac ebꞌ ayic ol jax Cristo dꞌa schaelal.

Slajvi chiꞌ, syalanbꞌat vin̈ tas yovalil syutej sbꞌa ebꞌ anciano scuchbꞌan iglesia, tas syutejpax sbꞌa ebꞌ quelemtac yedꞌ masanil ebꞌ creyente, yovalil sbꞌeybꞌalej sbꞌeybꞌal Cristo ebꞌ.