Santiago sbꞌi jun carta tic, aton jun scarta vin̈aj Santiago stzꞌibꞌejnacbꞌat dꞌa masanil ebꞌ creyente dꞌa junjun lugar. Syalbꞌat vin̈ yuj juntzan̈ bꞌeybꞌal smoj sbꞌeybꞌalaji. Man̈ jantacoc juntzan̈ chꞌoxnabꞌil syal vin̈, yic vachꞌ scutej co bꞌeybꞌal dꞌa yic Dios. A jun carta tic, syalaꞌ to yovalil a tas vachꞌ sco bꞌeybꞌalej, scacꞌanpaxoch Dios dꞌa co cꞌool, ichaton chiꞌ scheclajeli to yel yuninal on̈xo Dios.

A vin̈aj Santiago chiꞌ, syacꞌ val yip vin̈ yalani yic sco bꞌeybꞌalej jelanil syacꞌ Dios, yic tzon̈ scoloꞌ ayic sjavi junoc proval dꞌa quibꞌan̈, sjelanbꞌi co pensar yuuj tato scacꞌoch dꞌa co cꞌool co bꞌeybꞌalani.