Filemón sbꞌi jun carta tic, aton jun scarta vin̈aj apóstol Pablo stzꞌibꞌejbꞌat dꞌa vin̈aj Filemón. Ojtacabꞌil vin̈aj Filemón chiꞌ yuj screyenteal dꞌa iglesia dꞌa Colosas. Ay jun schecabꞌ vin̈ scuchan Onésimo, bꞌat vin̈ elelal. Palta yil-lajelta sbꞌa vin̈ yedꞌ vin̈aj Pablo dꞌa yol preso. Axo ix aji, ix och vin̈ creyenteal ayic ix yalan vachꞌ abꞌix vin̈aj Pablo chiꞌ dꞌa vin̈. Ix yalbꞌat vin̈aj Pablo chiꞌ dꞌa vin̈aj Filemón chiꞌ to syacꞌ nivancꞌolal vin̈aj Onésimo chiꞌ vin̈, vachꞌocabꞌ syutej vin̈ schaan vin̈ scꞌochxi, yujto creyentexo vin̈. Yucꞌtacxo sbꞌa ebꞌ vin̈ dꞌa sbꞌi Cristo, xajanocabꞌ vin̈ yuj vin̈aj Filemón chiꞌ.