Tito sbꞌi jun carta tic, aton jun carta tic stzꞌibꞌejbꞌat vin̈aj apóstol Pablo dꞌa vin̈aj Tito ayecꞌ dꞌa Creta. Man̈ israeloclaj vin̈, palta ochnac vin̈ creyenteal, ix colvaj val vin̈ yedꞌ vin̈aj Pablo chiꞌ yalanel vachꞌ abꞌix. Ix can vin̈ dꞌa Creta chiꞌ yic smunlaj vin̈ dꞌa juntzan̈ iglesia ay taꞌ.

A dꞌa jun carta tic, ay ox macan̈ nivan yelcꞌoch syalaꞌ: Bꞌabꞌel macan̈, tzꞌalji dꞌa vin̈aj Tito chiꞌ yuj tas yovalil syutej sbꞌeybꞌal ebꞌ anciano dꞌa iglesia chiꞌ, syalanpax yuj juntzan̈ chucal bꞌeybꞌal sbꞌeybꞌalej ebꞌ aj Creta chiꞌ. Schabꞌil macan̈, syal yuj tas tzꞌaj scꞌaybꞌaj junjun macan̈ anima dꞌa iglesia chiꞌ, aton ebꞌ ichamtac vinac, ebꞌ ix chichimtac ix, ebꞌ quelemtac, ebꞌ ix cobꞌestac yedꞌ ebꞌ checabꞌ yaji. Axo slajvubꞌ macan̈ syal yuj tas syutej sbꞌeybꞌal ebꞌ creyente smasanil, tzꞌacꞌjibꞌatpax stzatzil scꞌool ebꞌ.