Schabꞌil Tesalonicenses sbꞌi jun carta tic, aton schabꞌil carta vin̈aj apóstol Pablo stzꞌibꞌejnacbꞌat dꞌa ebꞌ creyente dꞌa chon̈abꞌ Tesalónica. Ay ebꞌ ton̈ej somchaj spensar yuj tas syal jun bꞌabꞌel carta. A ix yutej ebꞌ snaani to jabꞌxon̈ej sjavi Cristo chiꞌ. Yuj chiꞌ ix stzꞌibꞌejpaxbꞌat junxo carta tic vin̈ dꞌa ebꞌ, yic syojtaquejel ebꞌ tas yaj juntzan̈ chiꞌ.

Ix yacꞌ yuj diosal vin̈aj Pablo chiꞌ dꞌa Dios yuj ebꞌ creyente dꞌa Tesalónica chiꞌ, yujto te ayoch spensar ebꞌ dꞌa Dios, xajanej val sbꞌa ebꞌ. Ix yal vin̈ to toxo ol chꞌolbꞌitaj ebꞌ anima, toxo pax ol jax Jesucristo dꞌa schaelal. Ayic toxo ol jax chiꞌ, ol qꞌue val chaan̈ chucal, ol stecꞌbꞌej sbꞌa jun vin̈ yajalil chucal dꞌa yichan̈ Cristo, palta a Cristo chiꞌ ol satanel vin̈.

Axo dꞌa slajvubꞌxo, ix yalan vin̈aj Pablo chiꞌ to yovalil slesalvi ebꞌ creyente chiꞌ yuj vin̈. Ix yalanbꞌat vin̈ dꞌa ebꞌ to yovalil smunlaj ebꞌ, icha yutejnac sbꞌa vin̈ ayic yecꞌnac vin̈ dꞌa scal ebꞌ yedꞌ juntzan̈xo ebꞌ ajun yedꞌ vin̈.