Ebꞌ yucꞌtac Jesús
7
Ix lajvi chiꞌ,
ix och ijan Jesús yecꞌ dꞌa yol yic Galilea.
Axo dꞌa yol yic Judea,
malaj sgana ix ecꞌ taꞌ,
yujto a ebꞌ vin̈ aj Judea chiꞌ,
sgana ebꞌ vin̈ smilanchamoc.
2 Van sja stiempoal sqꞌuin̈ ebꞌ israel scuch qꞌuin̈ chinama.
Los líderes judíos quieren matar a Jesús (Juan 7.1-24)
—Man̈ ach can dꞌa tic.
Ixic dꞌa Judea,
yic vachꞌ a ebꞌ a cꞌaybꞌum ayecꞌ taꞌ,
ol yil pax ebꞌ tastac satubꞌtac tza chꞌoxoꞌ.
4 Tato ay junoc mach sgana scheclajel dꞌa yichan̈ ebꞌ anima,
max yal-laj elcꞌaltac tzꞌeqꞌui.
Yuj chiꞌ,
tato yel ay juntzan̈ satubꞌtac tza chꞌoxoꞌ,
yovalil tza chꞌoxel a bꞌa dꞌa yichan̈ ebꞌ anima,
xchi ebꞌ dꞌay.
5 Ix stzꞌac yal ebꞌ yucꞌtac dꞌay icha chiꞌ,
yujto max yacꞌoch Jesús chiꞌ ebꞌ dꞌa scꞌool.
6 Yuj chiꞌ ix yal dꞌa ebꞌ:
—Manto stiempoaloc in chꞌoxanel in bꞌa.
A exxo tic,
yaln̈ej tas tiempoal syal e naani.
7 A ebꞌ ay dꞌa yolyibꞌan̈qꞌuinal tic eyedꞌoc,
max ex schaquel-laj ebꞌ.
A inxo tic,
tzin schaquel ebꞌ,
yujto tzin chꞌoxeli to malaj svachꞌil sbꞌeybꞌal ebꞌ.
8 Ixiquec e chꞌocoj dꞌa jun qꞌuin̈ chiꞌ.
Yujto a in tic,
manto ol in qꞌuecꞌochlaj,
yujto manto stiempoaloc in chꞌoxanel in bꞌa,
xchi Jesús dꞌa ebꞌ.
9 Ix lajvi yalan juntzan̈ chiꞌ,
ix can yuj ebꞌ dꞌa Galilea chiꞌ.
Ix bꞌat Jesús dꞌa jun qꞌuin̈ chinama
10 Palta axo yic toxo ix qꞌue ebꞌ yucꞌtac Jesús chiꞌ,
ix qꞌue paxi,
palta elcꞌaltacn̈ej ix aj sqꞌuei.
11 A ebꞌ aj Judea,
ix smaclej ebꞌ scꞌoch Jesús chiꞌ dꞌa jun qꞌuin̈ chiꞌ.
—¿Bꞌajtil ayecꞌ jun vinac chiꞌ?
xchi ebꞌ.
12 Man̈ jantacoc yalubꞌtan̈an ebꞌ anima.
Ay ebꞌ tzꞌalani:
Te vachꞌ vin̈,
xchi ebꞌ.
Ay pax ebꞌ tzꞌalanxi:
Maay,
syacꞌ ebꞌ anima vin̈ musansatil,
xchi ebꞌ.
13 Palta elcꞌaltac syalubꞌtan̈ej ebꞌ,
yujto xiv ebꞌ yabꞌan ebꞌ vin̈ aj Judea chiꞌ.
14 Vanxo snan̈albꞌi jun qꞌuin̈ chiꞌ,
ix qꞌuecꞌoch Jesús dꞌa yamaqꞌuil templo.
Ix och ijan scꞌaybꞌan ebꞌ anima taꞌ.
15 Axo ebꞌ ay yopisio dꞌa scal ebꞌ aj Judea chiꞌ,
ix te sat scꞌol ebꞌ yabꞌani.
Ix laj yalan ebꞌ:
—¿Tas val syutej yojtacanel juntzan̈ syal tic?
Ina man̈ cꞌaybꞌabꞌiloc,
xchi ebꞌ.
16 Yuj chiꞌ ix yalan Jesús chiꞌ dꞌa ebꞌ:
—A juntzan̈ cꞌaybꞌubꞌal sval dꞌayex tic,
man̈ vicoc.
Yic Dios checjinac in coti.
17 Tato ay ebꞌ syal scꞌol scꞌulej icha sgana Dios,
ol nachajel yuj ebꞌ tato yic Dios juntzan̈ cꞌaybꞌubꞌal tic,
mato munil sval dꞌa yol vicoꞌ.
18 A mach slolon dꞌa yol yicoꞌ,
ton̈ej syicꞌchaan̈ sbꞌa,
yic ay yelcꞌoch dꞌa yichan̈ ebꞌ anima snaani.
Palta a in tic,
in gana a Dios checjinac in cot ay yelcꞌoch dꞌa eyichan̈.
Yuj chiꞌ,
te yel svalaꞌ.
Malaj jabꞌoc es svalaꞌ.
19 Aton val vin̈aj Moisés acꞌjinaccan sley Dios dꞌayex.
Palta ina malaj junoc ex tze cꞌanabꞌajej tas syal jun ley chiꞌ.
¿Tas yuj e gana tzin e milchamoc?
xchi Jesús dꞌa ebꞌ.
20 Axo ebꞌ anima ayecꞌ chiꞌ taꞌ,
ix yal ebꞌ dꞌay:
—A ach tic,
tecan ayoch junoc enemigo dꞌayach.
¿Mach junoc sgana ach smilancham tzilaꞌ?
xchi ebꞌ dꞌay.
21 Yuj chiꞌ ix yalanxi dꞌa ebꞌ:
—Ay jun tas ix in cꞌulej dꞌa scꞌual icꞌoj ip.
E masanil ix sat e cꞌool yuuj.
22 Yuj ebꞌ co mam quicham dꞌa pecaꞌ,
elnaccan yich jun bꞌeybꞌal scuch circuncisión.
Axo vin̈aj Moisés aljinaccani to yovalil sco bꞌeybꞌalej jun chiꞌ.
Yuj chiꞌ vachꞌchom scꞌual icꞌoj ip,
slaj eyacꞌ circuncidar ebꞌ unin tzato alji.
23 A ex tic tzeyacꞌ circuncidar ebꞌ unin dꞌa scꞌual icꞌoj ip,
yic max ex ecꞌ dꞌa yibꞌan̈ jun ley Moisés chiꞌ.
Tato icha chiꞌ,
¿tas yuj scot eyoval dꞌayin yujto ix vacꞌ bꞌoxoc scꞌol jun vin̈ penaay dꞌa scꞌual icꞌoj ip chiꞌ?
24 Man̈ e comon chꞌolbꞌitej junoc mach dꞌa ichn̈ejtaꞌ.
Tato ay mach tze chꞌolbꞌitej,
dꞌa stojolal tzeyutej e chꞌolbꞌitani,
xchi Jesús dꞌa ebꞌ.
Yalnac Jesús bꞌaj cotnac
25 Yuj chiꞌ ay jayvan̈ ebꞌ aj Jerusalén ix alani:
—A jun vin̈ tic,
¿tom man̈oc vin̈ sgana ebꞌ smilchamoc?
Los líderes tratan de arrestar a Jesús (Juan 7.25-53)
26 Palta ina yajecꞌ vin̈ tic,
van slolon vin̈ dꞌa co cal.
Ina malaj jabꞌoc tas syal ebꞌ dꞌa vin̈.
Tecan toxo ix snael ebꞌ yajal chiꞌ to a Cristo.
27 Ayic ol ja Cristo chiꞌ,
malaj mach ojtannac bꞌaj ol cotoc.
Palta a jun vin̈ tic,
cojtac bꞌaj cotnac vin̈,
xchi ebꞌ.
28 Yacbꞌan van scꞌaybꞌan ebꞌ anima chiꞌ Jesús dꞌa yamaqꞌuil templo chiꞌ,
te chaan̈ ix yalelta dꞌa scal ebꞌ:
—Ina eyojtac in.
Eyojtacpax bꞌaj cotnac in.
Palta man̈ muniloc in ja dꞌa yol vicoꞌ.
A Dios te yel checjinac in coti.
Palta a Dios chiꞌ man̈ eyojtacoc.
29 A inxo tic vojtac,
yujto ataꞌ cotnac in.
Aꞌ checjinac in coti,
xchi dꞌa ebꞌ.
30 Yuj chiꞌ ay ebꞌ ix alani to tzꞌacꞌjioch dꞌa preso.
Palta malaj mach ix yamani,
yujto manto cꞌoch stiempoal schami.
31 Tzijtum ebꞌ anima ix acꞌanoch Jesús dꞌa scꞌool,
ix yalan ebꞌ:
—Ayic ol javoc Cristo,
¿tom más ecꞌto tas satubꞌtac ol schꞌox dꞌa yichan̈ jun vin̈ tic?
xchi ebꞌ.
Checbꞌilbꞌat ebꞌ polencía syam Jesús
32 Ix yabꞌ ebꞌ vin̈ fariseo tas syal ebꞌ anima yuj Jesús.
Yuj chiꞌ,
a ebꞌ vin̈ yedꞌ ebꞌ vin̈ sat sacerdote ix checanbꞌat juntzan̈ ebꞌ stan̈vumal stemplo Dios,
yic bꞌat yicꞌcot Jesús ebꞌ,
yic syacꞌanoch ebꞌ dꞌa preso snaani.
33 Axo Jesús ix alan dꞌa ebꞌ anima:
—Jayexon̈ej cꞌual ayinecꞌ eyedꞌoc,
ol lajvoc chiꞌ ol in meltzaj dꞌa mach checjinac in coti.
34 A exxo tic,
ol in e sayeqꞌui,
palta man̈xo ol in ilchaj eyuuj,
yujto max yal e cꞌoch bꞌaj ol in cꞌoch chiꞌ,
xchi dꞌa ebꞌ.
35 Axo ebꞌ aj Judea chiꞌ,
ix laj yal ebꞌ:
—¿Bꞌajtil ol cꞌoch vin̈ snaani,
yuj chiꞌ syal vin̈ to man̈xo ol ilchaj vin̈ cuuj?
Ina ay ebꞌ quetchon̈abꞌ aybꞌat dꞌa scal ebꞌ griego.
¿Tom sgana vin̈ ataꞌ ol cꞌoch dꞌa scal ebꞌ,
sbꞌat scꞌaybꞌan masanil ebꞌ griego chiꞌ vin̈ snaani?
36 Ina ix yal vin̈ dꞌayon̈:
A ex tic,
ol in e sayeqꞌui,
palta man̈xo ol in ilchaj eyuuj,
yujto max yal e cꞌoch bꞌaj ol in cꞌochoc,
xchi vin̈ dꞌayon̈.
¿Tas val syalelcꞌoch jun ix yal vin̈ tic dꞌayon̈?
xchi ebꞌ.
A jun icha a aꞌ spacꞌ dꞌa co pixan
37 A dꞌa slajvubꞌ cꞌual qꞌuin̈ chiꞌ,
aton jun cꞌu te nivan yelcꞌochi,
ataꞌ ix elta lin̈an Jesús dꞌa yichan̈ ebꞌ anima.
Te chaan̈ ix yalelta dꞌa scal ebꞌ:
—Tato ayex tze nibꞌej tze cha e qꞌuinal dꞌa juneln̈ej,
cotan̈ec dꞌayin.
Icha tzꞌaj eyucꞌan a aꞌ,
ayic stacji e tiꞌ,
icha chiꞌ ol aj e chaan e qꞌuinal dꞌayin.
38 Tato ayex tzin eyacꞌoch dꞌa e cꞌool,
icha to ay jun a aꞌ tzꞌel yoc ol pacꞌ dꞌayex.
Aton jun chiꞌ tzꞌacꞌan e qꞌuinal dꞌa juneln̈ej.
Yujto icha chiꞌ syalcan dꞌa Slolonel Dios Tzꞌibꞌabꞌilcani,
xchi Jesús dꞌa ebꞌ anima chiꞌ.
39 Icha chiꞌ ix yutej yalani to a ebꞌ tzꞌacꞌanoch dꞌa scꞌool,
ol acꞌjococh Yespíritu Dios dꞌa ebꞌ.
A dꞌa jun tiempoal chiꞌ,
manto acꞌji Yespíritu Dios dꞌa ebꞌ anima,
yujto manto qꞌuex Jesús dꞌa satchaan̈.
Ix stelaj sbꞌa ebꞌ anima yuj Jesús
40 Ix lajvi yabꞌan ebꞌ anima tas ix yal Jesús chiꞌ,
ay ebꞌ ix laj alani:
—Val yel,
aton jun tic schecabꞌ Dios tan̈vabꞌiltaxon sja cuuj,
xchi ebꞌ.
41 Ay pax ebꞌ ix laj alani:
—A jun tic aton Cristo,
xchi ebꞌ.
Palta ay ebꞌ ix alanxi:
—A Cristo chiꞌ,
¿tom aj Galilea icha jun vin̈ tic tze naꞌa?
42 A Slolonel Dios Tzꞌibꞌabꞌilcan tzꞌalani to a Cristo yovalil ol aljoc dꞌa chon̈abꞌ Belén bꞌaj ecꞌnac vin̈aj David dꞌa pecaꞌ,
yujto yin̈tilalcan vin̈aj David chiꞌ,
xchi ebꞌ.
43 Yuj chiꞌ ix och ijan ebꞌ anima stelan sbꞌa yuj Jesús chiꞌ.
44 Ay ebꞌ sgana syacꞌoch dꞌa preso,
palta malaj mach syamani.
Maj yacꞌochlaj Jesús ebꞌ vin̈ yajal dꞌa scꞌool
45 Axo ebꞌ stan̈vumal stemplo Dios,
an̈ejaꞌ schꞌocoj ebꞌ ix cꞌochxi bꞌaj aycan ebꞌ vin̈ ix checanbꞌat ebꞌ chiꞌ,
aton ebꞌ vin̈ fariseo yedꞌ ebꞌ vin̈ sat sacerdote.
Yuj chiꞌ ix yalan ebꞌ vin̈ dꞌa ebꞌ:
—¿Tas yuj maj eyicꞌcot Jesús chiꞌ?
xchi ebꞌ vin̈.
46 —Malaj junoc mach stzacꞌvan slolon icha slolon chiꞌ,
xchi ebꞌ.
47 Yuj chiꞌ ix yalanpax ebꞌ vin̈ fariseo chiꞌ dꞌa ebꞌ:
—¿Tom ix ex acꞌjipax musansatil a ex tic?
48 ¿Tom ay junoc co yajalil ix acꞌanoch vin̈ dꞌa scꞌool?
An̈ejtonaꞌ a on̈ fariseo on̈ tic,
¿toc ay junoc on̈ ix cacꞌoch vin̈ dꞌa co cꞌool?
49 An̈ej ebꞌ comon anima ix acꞌanoch vin̈ dꞌa scꞌool.
Palta a ebꞌ chiꞌ,
man̈ yojtacoc jabꞌoc ley Moisés ebꞌ.
Yuj chiꞌ aycot yoval scꞌol Dios dꞌa yibꞌan̈ ebꞌ,
xchi ebꞌ vin̈ fariseo chiꞌ.
50 Palta ay jun vin̈ fariseo chiꞌ scuch Nicodemo.
Aton jun vin̈ xidꞌnaquecꞌ lolonel yedꞌ Jesús dꞌacꞌvalil.
Ix yalan vin̈ dꞌa ebꞌ:
51 —A jun ley aycan dꞌayon̈,
syalaꞌ to man̈ sleyaloc scacꞌbꞌat dꞌa yibꞌan̈ junoc anima,
tato manto cabꞌi tas smul,
xchi vin̈ dꞌa ebꞌ.
52 Yuj chiꞌ ix yalanxi ebꞌ dꞌa vin̈: