Nahum sbꞌi jun libro tic, yujto a slolonel Dios yalnac dꞌa vin̈aj Nahum tzꞌibꞌabꞌilcan dꞌay. A dꞌa jun libro tic syalaꞌ to ay tzalajcꞌolal, yujto satjinaquel nivan chon̈abꞌ Nínive, aton jun nivan chon̈abꞌ chiꞌ tzꞌacꞌan mandar dꞌa yol yic Asiria. Acꞌbꞌil ganar jun chon̈abꞌ chiꞌ dꞌa abꞌil 612 ayic manto javi Jesucristo. Ayic yacꞌjinac ganar jun chon̈abꞌ chiꞌ, tzalajnac val masanil nación dꞌa jun tiempoal chiꞌ, yujto a jun nivan chon̈abꞌ chiꞌ, max ocꞌ jabꞌoc scꞌol dꞌa juntzan̈xo chiꞌ. A jun chon̈abꞌ chiꞌ, te ajcꞌol yajoch dꞌa chon̈abꞌ Israel. A vin̈aj Nahum chiꞌ, yilnac vin̈ to a yuj spital jun chon̈abꞌ chiꞌ, satnaquel yuj yoval scꞌol Dios.