Abdías sbꞌi jun libro tic, yujto a slolonel Dios yalnac dꞌa vin̈aj Abdías tzꞌibꞌabꞌilcan dꞌay. A jun yuneꞌ abꞌix aycan dꞌa jun libro tic, aton tas slaj scꞌulej ebꞌ aj Edom dꞌa ebꞌ aj Judá ayic van yacꞌji ganar Jerusalén yuj ebꞌ ajcꞌool. A vin̈aj Abdías vin̈ schecabꞌ Dios chiꞌ, a vin̈ alannac to ol javoc yaelal dꞌa yibꞌan̈ ebꞌ aj Edom yuj tas scꞌulej ebꞌ chiꞌ, icha syal dꞌa versículo 1 masanto dꞌa 14. Syalanpaxcan vin̈ to jabꞌxon̈ej tiempo sjavi yoval scꞌol Dios. Ayic ol javoc jun cꞌual chiꞌ, ol javal dꞌa yibꞌan̈ ebꞌ aj Edom chiꞌ. Axo ebꞌ aj Judá, ol chajoc sbꞌoxiqꞌue schon̈abꞌ ebꞌ dꞌa sluum, ol cꞌochxoc ebꞌ ichataxon yaji, xchi dꞌa versículo 15 masanto dꞌa 21.