Joel sbꞌi jun libro tic, yujto a slolonel Dios yalnac dꞌa vin̈aj Joel tzꞌibꞌabꞌilcan dꞌay. A vin̈aj Joel chiꞌ schecabꞌ Dios yaj vin̈. Man̈ cojtacoc val sicꞌlabꞌil tas tiempoal yalnaccan juntzan̈ tic vin̈, yujto malaj junocxo bꞌaj syalcani. Te nivan yaelal jun yalnaccan vin̈ schecabꞌ Dios chiꞌ. A dꞌa capítulo 1 versículos 1-2 yedꞌ 11, ataꞌ sbꞌabꞌlaj alejcot yuj nocꞌ cꞌulubꞌ. Syalanpax yuj jun tiempoal bꞌaj majxo yacꞌlaj n̈abꞌ. Chꞌoxjinac yil vin̈ to a juntzan̈ chiꞌ a schꞌoxancot yoval scꞌol Jehová dꞌa mach spitej sbꞌa dꞌay. A vin̈ schecabꞌ Dios chiꞌ, a vin̈ tzꞌavtan ebꞌ anima chiꞌ yic sna sbꞌa ebꞌ. Yalannac vin̈ to toxo ix yacꞌ stiꞌ Dios scolan ebꞌ anima, syacꞌanpax svachꞌcꞌolal dꞌa yibꞌan̈ ebꞌ. Aton syal dꞌa capítulo 2 versículos 12-29. Ay juntzan̈xo versículo ojtacabꞌil dꞌa jun libro tic, aton capítulo 2 versículos 28-30. A dꞌay syalcan yuj sjaubꞌal Yespíritu Dios dꞌa yibꞌan̈ masanil anima. Axo dꞌa capítulo 3, ataꞌ syal yuj yaelal dꞌa yibꞌan̈ juntzan̈ nación ajcꞌol yajoch dꞌa chon̈abꞌ Israel.