Daniel sbꞌi jun libro tic, yujto a yabꞌixal vin̈aj Daniel chiꞌ aycan dꞌay. A jun tic, tzꞌibꞌchajnaccani ayic ayoch ebꞌ aj Judá dꞌa syaelal yuj vin̈ sreyal Babilonia. A jun libro tic ox macan̈ yaji: A bꞌabꞌel macan̈, aton capítulo 1. A dꞌay syal yuj yichbꞌanil jun libro tic. Axo schabꞌil macan̈, schael dꞌa capítulo 2 masanto dꞌa 7. Aton dꞌa tic stzꞌilchaj vaqueꞌ abꞌix bꞌaj syalaꞌ to a sDiosal vin̈aj Daniel chiꞌ ecꞌalto yelcꞌoch dꞌa yibꞌan̈ nación, dꞌa yibꞌan̈ juntzan̈ comon dios yedꞌ dꞌa yibꞌan̈ ebꞌ vin̈ rey. Axo pax yoxil macan̈, schael dꞌa capítulo 8 masanto dꞌa 12. A dꞌa tic syal yuj oxeꞌ tas syilnac vin̈aj Daniel chiꞌ dꞌa svayich, yuj ebꞌ ayoch ajcꞌolal dꞌa Dios yedꞌ dꞌa schon̈abꞌ, yedꞌ pax tas ol aj scan ebꞌ dꞌa yalan̈ smandar Dios chiꞌ. Tzijtum tas tzꞌibꞌabꞌilcan dꞌa jun libro tic, sbꞌinajpaxcan dꞌa Chꞌan̈ Nuevo Testamento to yovalil ol ujoc.