3 A steꞌal teꞌ uva chiꞌ malaj yopisio teꞌ, max yal-laj yoch teꞌ locteal, max yalpaxlaj sbꞌo junoc tas dꞌa teꞌ.

4 Tato tzꞌoch teꞌ cꞌatzitzal, stzꞌabꞌat teꞌ, a stzacꞌaqꞌuil teꞌ chiꞌ, malaj tzꞌochi.

5 Ayic manto tzꞌa teꞌ chiꞌ, malaj tzꞌoch teꞌ, ¿tom ato val yic stzꞌabꞌat teꞌ, ichato chiꞌ tzꞌoch yopisio teꞌ?

6 Yuj chiꞌ a in Jehová in tic svalaꞌ: Icha yaj teꞌ uva tzꞌicꞌjielta dꞌa scal te teꞌ yic sn̈usjitzꞌa teꞌ, icha chiꞌ ol aj vacꞌanoch syaelal ebꞌ cajan dꞌa Jerusalén chiꞌ.

7 A in val ay in och ajcꞌolal dꞌa ebꞌ. Vachꞌchom ol el lemnaj ebꞌ dꞌa jun yaelal chiꞌ, palta a yaelal chiꞌ ol satanel ebꞌ. Ayic ol in och ajcꞌolal dꞌa ebꞌ, ol nachajel eyuuj to a in ton Jehová e Diosal in.

8 A in val Jehová Yajal in svalaꞌ to ol vacꞌcan tzꞌinan jun chon̈abꞌ chiꞌ, yujto maj in scꞌanabꞌajej ebꞌ, xchi Jehová.