Lamentaciones sbꞌi jun libro tic, syalelcꞌochi cuscꞌolal. A jun libro tic, ay oyeꞌ macan cuscꞌolal tzꞌibꞌabꞌil dꞌay, junjun dꞌa junjun capítulo. Syal yuj cuscꞌolal yedꞌ yaelal ayic smacꞌjinaquem lan̈naj chon̈abꞌ Jerusalén. Te cuscꞌolal ajnaccani, yujto man̈ jantacoc tas janac dꞌa yibꞌan̈. Vachꞌchom a jun libro tic te nivan syalcot yuj yaelal, ma cuscꞌolal, palta ay pax juntzan̈ versículo tzꞌalancoti to yovalil scacꞌoch Dios yipoc co cꞌool, scacꞌanpaxoch tastac toto ol ujoc yipoc co cꞌool.