A dꞌa yic schan̈il abꞌil yoch vin̈aj Joacim yuninal vin̈aj Josías reyal dꞌa Judá, ayic toxo ix tzꞌibꞌchaj yuj vin̈aj Baruc yuninal vin̈aj Nerías tas ix val Jeremías in tic schecabꞌ in Dios, ataꞌ ix val dꞌa vin̈aj Baruc chiꞌ: 2-3 A Jehová co Diosal tzꞌalan dꞌayach icha tic: Ach Baruc, van alan icha tic: Obꞌiltac in. An̈ej yaelal yedꞌ ilcꞌolal syacꞌ Jehová dꞌayin. Vanxo in cꞌunbꞌi voqꞌui, maxtzac yal vicꞌan vip svabꞌi, xa chi. 4 Ina a in Jehová in, tzin satel tas ix in bꞌoꞌo, van in tocꞌanqꞌueta tas ix vavej dꞌa masanil jun nación tic. 5 ¿Tom smoj tza cꞌan tas tzꞌaj a qꞌuechaan̈? Man̈xo a cꞌanaꞌ, yujto ol vacꞌoch yaelal dꞌa yibꞌan̈ masanil anima. Palta a in Jehová in svalaꞌ, yaln̈ej bꞌaj ol ach cꞌochoc, man̈ ol ach in cha miljocchamoc, xchi Jehová, xin chi dꞌa vin̈.