Bꞌit yuj acꞌoj yuj diosalil
12
A dꞌa jun tiempoal chiꞌ, ol ex bꞌitan icha tic:Mamin Jehová, scacꞌ yuj diosal dꞌayach. Vachꞌchom ix cot yoval a cꞌol dꞌa quibꞌan̈, palta toxo ix ecꞌbꞌati, axo ticnaic, van acꞌan snivanil co cꞌool.
2 Ach co Diosal, co Columal aji. Tzach cacꞌoch yipoc co cꞌool, yuj chiꞌ max on̈ xivlaj. Mamin Jehová, tzach co bꞌitej, yujto a achn̈ej tzacꞌ quip, tzon̈ a colanpaxi, xe chama.
3 Icha stzalaj junoc mach stacji stiꞌ syucꞌan a aꞌ sqꞌueul sjaj, icha chiꞌ ol ex tzalaj yuj e colnabꞌil ol yacꞌ Jehová.
4 Yuj chiꞌ a dꞌa jun tiempoal chiꞌ, ol eyal icha tic: Caqꞌuec yuj diosal dꞌa Jehová, calec vachꞌ lolonel dꞌay. Calequel dꞌa scal junjun nación tastac ix scꞌulej, yic vachꞌ snacot ebꞌ jantac svachꞌil. Malaj junocxo lajan yedꞌoc.
5 Con̈ bꞌitanan̈ec dꞌa Jehová, yujto te nivan yelcꞌoch tas ix scꞌulej, yovalil tzꞌojtacajel dꞌa masanil yolyibꞌan̈qꞌuinal tic.
6 A on̈ cajan on̈ dꞌa Sion tic, elocabꞌ cav dꞌa tzalajcꞌolal, yujto a co Diosal ayecꞌ quedꞌ a on̈ israel on̈ tic, Axon̈ej Ochi. Te nivan pax yelcꞌochi, xe chama.