Cantares sbꞌi jun libro tic, syalelcꞌochi bꞌit man̈ jantacoc svachꞌil. A dꞌa jun libro tic sbꞌitaj val jun nivan tzalajcꞌolal dꞌa scal vin̈ vinac yedꞌ ix ix. Man̈ jantacoc juntzan̈xo bꞌit tzꞌibꞌabꞌilcan dꞌa jun libro tic. Ay bꞌaj to a vin̈ vinac sbꞌitan ix ix, ay pax bꞌaj jun, a ix ix chiꞌ sbꞌitan vin̈ vinac chiꞌ. Ay pax bꞌaj jun, chꞌoc pax junocxo macan̈ anima sbꞌitan juntzan̈xo bꞌit dꞌa jun libro tic. Syalanpaxcot jun libro tic yuj jun nivan tzalajcꞌolal syabꞌ vin̈ vinac yedꞌ ix ix, vachꞌ schaan sbꞌa yedꞌ jun cꞌaybꞌubꞌal syal chꞌan̈ Biblia to a Dios acꞌjinaccan icꞌlajbꞌail.

A ebꞌ cꞌaybꞌum dꞌa scal ebꞌ israel syal ebꞌ to a jun libro tic schꞌox val jun bꞌaj xajan chon̈abꞌ Israel yuj Dios. Axo ticnaic, a jun xajanbꞌail chiꞌ, schꞌox bꞌaj xajanej yiglesia Cristo.