2 Ex vetisraelal, con̈ tzalajec yedꞌ co Diosal chaannaquel yich co nación tic. Con̈ tzalajec yedꞌ co Reyal a on̈ aj chon̈abꞌ Sion on̈ tic.

3 Con̈ qꞌueec cheneljoc scalanec vachꞌ lolonel dꞌa Jehová, yic scacꞌan ejmelal dꞌay. Con̈ bꞌitanec dꞌay yedꞌ teꞌ arpa yedꞌ pandereta,

4 yujto stzalaj quedꞌoc a on̈ schon̈abꞌ on̈ tic. Ol yacꞌ co tzalajcꞌolal a on̈ emnaquil on̈ tic, yujto ol yacꞌ co colnabꞌil.

5 Yuj snivanil yelcꞌoch Jehová, con̈ tzalajec a on̈ yic on̈xo tic. An̈ejtonaꞌ con̈ bꞌitanec dꞌay yuj tzalajcꞌolal ayic tzon̈ vaycan ochi.

6 Qꞌueocabꞌ cav co bꞌitan dꞌa Dios, axo jun qꞌuen espada ay ye dꞌa schabꞌil pacꞌan̈ yambꞌil cuuj,

7 yic scacꞌanecꞌ co pac dꞌa ebꞌ chꞌoc chon̈abꞌil, scacꞌanoch yaelal dꞌa juntzan̈ nación,

8 yic vachꞌ tzꞌoch qꞌuen cadena dꞌa sreyal ebꞌ yedꞌ dꞌa ebꞌ anima ay yopisio dꞌa scal ebꞌ,

9 yic scotcan yaelal dꞌa yibꞌan̈ ebꞌ, aton tzꞌibꞌyajcani. A jun nivan opisio tic syacꞌ Dios dꞌa masanil ebꞌ scꞌanabꞌajan dꞌay.