Aljocabꞌ vachꞌ lolonel dꞌa Jehová
150
Aljocabꞌ vachꞌ lolonel dꞌa Jehová.Bꞌitanan̈ec dꞌa Dios dꞌa scajnubꞌ. Bꞌitanan̈ec dꞌay yujto te nivan sbꞌinajnaquil dꞌa satchaan̈.
2 Bꞌitanan̈ec dꞌa Dios yuj tas satubꞌtac sbꞌoꞌo. Bꞌitanan̈ec dꞌay yuj sbꞌinajnaquil, malaj junoc mach lajan yedꞌoc.
3 Bꞌitanan̈ec dꞌay yedꞌ qꞌuen trompeta. Bꞌitanan̈ec dꞌay yedꞌ teꞌ arpa yedꞌ pax salterio.
4 Bꞌitanan̈ec dꞌay yedꞌ pandereta, tzex qꞌuepax cheneljoc yuj tzalajcꞌolal. Bꞌitanan̈ec dꞌay yedꞌ flauta yedꞌ pax juntzan̈ yamcꞌabꞌ yic bꞌit ay schꞌan̈al.
5 Bꞌitanan̈ec dꞌay yedꞌ qꞌuen platillo tzin̈in̈i scꞌan̈i. Bꞌitanan̈ec dꞌay yedꞌ qꞌuen platillo chaan̈ scꞌan̈i.
6 Masanil tastac syicꞌ yicꞌ, bꞌitanocabꞌ dꞌa Jehová.
Aljocabꞌ vachꞌ lolonel dꞌa Jehová.