2 Yacbꞌan pitzan into ol val vachꞌ lolonel dꞌay. Yacbꞌan ayinto eqꞌui, ol in bꞌitan dꞌa in Diosal.

3 Man̈ eyacꞌoch anima nivan yelcꞌoch yipoc e cꞌool, yujto animan̈ej ebꞌ, yuj chiꞌ max yal-laj scolvaj ebꞌ.

4 Ayic scham ebꞌ, tzꞌochcan ebꞌ pococal. A dꞌa jun cꞌu chiꞌ slajvicanel tastac sna ebꞌ scꞌulej.

5 Te vachꞌ yic mach schaan scolval sDiosal vin̈aj Jacob. An̈ej Jehová Dios chiꞌ ayoch yipoc scꞌool.

6 A Jehová bꞌoannac satchaan̈, lum luum, aꞌ mar yedꞌ masanil tastac ay dꞌa junjun macan̈ chiꞌ. Tzꞌeln̈ejcꞌoch tas syalaꞌ.

7 Aꞌ sbꞌoan yaj bꞌaj tzꞌixtaj ebꞌ anima, syacꞌanpax svael ebꞌ ay svejel. Aꞌ scolanel ebꞌ ayoch dꞌa preso.

8 A Jehová sjacan sat ebꞌ max ujilaj yilani, squetzan qꞌue vaan ebꞌ stelvi. Xajan ebꞌ anima vachꞌ spensar yuuj.

9 A Jehová scolan ebꞌ anima chꞌoc chon̈abꞌil. An̈ejton pax aꞌ tzꞌilan ebꞌ unin chamnac smam yedꞌ ebꞌ ix ix chamnac yetbꞌeyum. Palta tzꞌacꞌji somchaj ebꞌ scꞌulan chucal yuuj.