2 Ol in em cuman dꞌayach dꞌa stojolal a templo to icn̈ej yaji, yuj vacꞌan yuj diosal dꞌayach yuj a vachꞌcꞌolal, yujto tzaqꞌuelcꞌoch tas tzalaꞌ. Ix icꞌchaan̈ a bꞌi yedꞌ a lolonel dꞌa yibꞌan̈ masanil tastac.

3 Ix ach tacꞌvi dꞌayin ayic ix in avaj dꞌayach, ix acꞌan vip.

4 Masanil ebꞌ rey dꞌa yolyibꞌan̈qꞌuinal tic, ol yal vachꞌ lolonel ebꞌ dꞌayach ayic ol yabꞌan ebꞌ tas alnaccani.

5 Ol yal vachꞌ lolonel ebꞌ dꞌayach yuj tastac a bꞌonac, yujto te nivan yelcꞌoch a bꞌinajnaquil.

6 Vachꞌchom te nivan elcꞌochi, palta tzꞌocꞌ a cꞌol dꞌa ebꞌ anima emnaquil yeqꞌui, axo ebꞌ syicꞌchaan̈ sbꞌa, max ach bꞌatlaj qꞌuelan dꞌa ebꞌ.

7 Ayic ay in ecꞌ dꞌa scal tas ay smay, pitzan inn̈ej uuj, tzacꞌancot a poder, tzin a colanel dꞌa yoval ebꞌ ayoch ajcꞌolal dꞌayin.

8 Ach Jehová, ol ach och vedꞌoc yic vachꞌn̈ej tzin elcꞌoch dꞌa tas tza na dꞌayin. A a vachꞌcꞌolal ayn̈ejecꞌ dꞌa masanil tiempo. A tastac ix iqꞌuel yich dꞌayin, mocabꞌ can xepan.