2 Ix cacꞌqꞌue locan teꞌ arpa dꞌa scꞌabꞌ teꞌ tacꞌu ay dꞌa stiꞌ a aꞌ chiꞌ.

3 A ebꞌ ix on̈ icꞌanbꞌat icha dꞌa preso, ix bꞌuchvaj ebꞌ dꞌayon̈, ix yalan ebꞌ icha tic: Bꞌitanan̈ec dꞌa tzalajcꞌolal, a sbꞌital Sion tze bꞌitej dꞌayon̈, xchi ebꞌ.

4 ¿Tom ol co bꞌitej bꞌit yic Jehová dꞌa lum chꞌoc chon̈abꞌil? xco chi.

5 Tato sbꞌat satcꞌolal Jerusalén vuuj, satocabꞌ sjelanil in vachꞌ cꞌabꞌ tic in chalan teꞌ varpa.

6 Tato man̈xo naanoc Jerusalén vuuj, tato man̈xa pax in gana dꞌay dꞌa yichan̈ pax tas snibꞌej in cꞌool, canocabꞌ lotznaj vacꞌ dꞌa in joom, yic vachꞌ man̈xo ol yal-laj in bꞌitani.

7 Mamin Jehová, nacot ebꞌ aj Edom, yujto ayic ix yamchaj chon̈abꞌ Jerusalén, ix yal ebꞌ icha tic: Pojequemi, pojequemi, masanto scheclaj cimientoal yich, xchi ebꞌ.

8 Ex aj Babilonia, ol ex satpaxeloc. Te vachꞌ yic mach ol acꞌanecꞌ spac chucal tas ix on̈ eyutej.

9 Te vachꞌ yic mach ol yaman ebꞌ eyuninal, ol smacꞌanpoj sjolom ebꞌ dꞌa spatictac qꞌuen qꞌueen.