Tzon̈ colchajel yuj Jehová
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
129
Yictax yichbꞌanil, man̈ jantacoc yaelal ix yacꞌoch ebꞌ ajcꞌol dꞌa quibꞌan̈ a on̈ israel on̈ tic. Yuj chiꞌ a ticnaic calec icha tic:2 Man̈xo jantacoc yaelal ix yacꞌoch ebꞌ ajcꞌol dꞌa quibꞌan̈ yictax dꞌa yichbꞌanil, palta maj tzacꞌvanlaj chiꞌ dꞌayon̈.
3 Ix lajvi yich co patic smacꞌan ebꞌ, te nivan chequel ix aj staji schiqꞌuil yich co patic chiꞌ yuj ebꞌ.
4 Axo Jehová, tojol toni, aꞌ ix on̈ colan dꞌa yol scꞌabꞌ ebꞌ scꞌulan chucal chiꞌ, xco chiocabꞌi.
5 A ebꞌ ayoch ajcꞌolal dꞌa Sion, qꞌuixvocabꞌ ebꞌ, bꞌatocabꞌ ebꞌ elelal.
6 Icha tzꞌaj an̈ an̈cꞌultac sqꞌuibꞌ dꞌa yibꞌan̈ pat, jabꞌn̈ej sqꞌuibꞌ steel, elan̈chamel stacjieli, ichocabꞌ taꞌ tzꞌaj ebꞌ.
7 A an̈ an̈cꞌultac chiꞌ, max co jochlaj an̈, max co tzecꞌpaxlaj an̈ dꞌa manojail.
8 Man̈ ol yal-laj ebꞌ anima tzꞌecꞌ dꞌa stzꞌey an̈ an̈cꞌultac chiꞌ: Yacꞌocabꞌ syaxilal Jehová dꞌa yibꞌan̈ an̈. Sco cꞌan yaxilal dꞌa yibꞌan̈ an̈, man̈ xchioc ebꞌ.