A Jehová yipcꞌolal yaji
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
130
Mamin Jehová, sval in bꞌa dꞌayach yujto ayin och dꞌa vilcꞌolal, ichato ay in ecꞌ dꞌa jun olan te jul yich svabꞌi.2 Mamin, abꞌ in jaj ticnaic, acꞌcot tzꞌeyan a chiquin ayic tzin avaj in cꞌanan a colval.
3 Mamin Jehová, qꞌuinaloc tato tzꞌibꞌabꞌil co chucal uuj ¿mach val ol stecꞌbꞌej sbꞌa dꞌa ichan̈?
4 Palta a dꞌayach tzꞌilchaj nivancꞌolal cuuj, yic vachꞌ ay elcꞌoch dꞌa co sat.
5 Mamin Jehová, dꞌa val smasanil in cꞌool tzin tan̈vej yic tzach javi in a coloꞌ. Svacꞌoch a lolonel yipoc in cꞌool.
6 Mamin, ecꞌal in tan̈van a colval dꞌa yichan̈ ebꞌ vin̈ stan̈vumal chon̈abꞌ sgana spet sacbꞌi. Ecꞌalto in maclan a colval chiꞌ dꞌa ebꞌ vin̈ stan̈van ebꞌ chon̈abꞌ chiꞌ.
7 Caqꞌuecoch Jehová yipoc co cꞌool a on̈ israel on̈ tic, yujto ay yoqꞌuelcꞌolal, bꞌecann̈ej scꞌool scolvaji.
8 Aꞌ ol on̈ colanel dꞌa yalan̈ smasanil co mul.