A tastac syacꞌ Jehová
Sbꞌit ebꞌ israel ayic van sqꞌue ebꞌ dꞌa sbꞌeal Jerusalén.
128
Te vachꞌ yic junoc mach ay xivcꞌolal dꞌa Jehová, sbꞌeybꞌalan pax schecnabꞌil.2 Dꞌa tzalajcꞌolal ol yabꞌlej sat tas syavej, te vachꞌn̈ej ol elcꞌochoc.
3 Icha satan teꞌ uva dꞌa spatic schiquin spat, man̈ jantacoc sat syacꞌaꞌ, icha val chiꞌ ol aj ix yetbꞌeyum. Icha svol teꞌ olivo, icha val chiꞌ ol ajoch oyan ebꞌ yuninal dꞌa spatic smexa.
4 Icha val chiꞌ ol aj yacꞌan svachꞌcꞌolal Jehová dꞌa junoc mach ay xivcꞌolal dꞌay.
5 Yacꞌocabꞌcot svachꞌcꞌolal Jehová dꞌa quibꞌan̈ masanto dꞌa tzalan Sion. Quilocabꞌ svachꞌcꞌolal Jehová dꞌa Jerusalén dꞌa junjun cꞌu yacbꞌan pitzan on̈to.
6 Olto quilec tas ol aj ebꞌ yuninal ebꞌ cuninal.
Ayocabꞌ juncꞌolal dꞌa quibꞌan̈ a on̈ israel on̈ tic.